عشقت انفاسك
الحلقه 26
زينب / طلعت كانت نظرات غريبه خواته كيف الي
مش عاجبهن سمر اترقع وتجامل امه اكويسه حبيتها هدرزت معايا بعد لبستني الدبله زغاريت وجو سمح دارلي رنه وبعدها بعت رساله
( ها شن الاجواء داخل )
انا ( كله تمام)
فطنتلي سمر جت قعمزت جنبي
سمر ** حسام صح
زينب ** اي باعت رساله يطمن
سمر ** زينب مبروك عليك وامسحيها في وجي الجو الي دارنا خواتي طيبات را غير اتخشي فيهن وتتعودي عليهن تو تحبيهن ويحبنك وامي خشيتي خاطرها من قبل اتشوفك وحسام ديمه يحكي عليك زينب قالك زينب دارت زينب تعرف ادير هكي وتعرف هك ههههههه لين انا غرت منك
زينب **ههههههه
بسمه / جيت قربت منهن ** شن تهدرزن ضحكونا معاكم ياهو
سمر ** هههه طبعا هذي بسمه آخر العنقود ودلوعة حسام حي عليك تزعليها
زينب ** هههه لا كله الا زعل بسومه
بسمه ** ايوه مرات خويا خليك هك / طبست عند ودن سمر قلتلها
** سمر هديل من بدري ترن سكنت طولتو وينكم
سمر ** حقه طولنا نحن هيا اتصلي بي باتي نروحوا
زينب / قعدوا يسلمو بيروحو
بسمه ** خلاص زيزي نتلاقو فايبر بعدين نهدرزو
زينب ** أن شاء الله
روحو طلبت من ليلى تصورني لقطات بالنقال
ليلى ** لا ياناري اللقطه هذي بايخه
زينب ** غير صوري مافيها شئ كل الصبايا يصورن هك
ليلى ** باهي غطي اشويه
زينب ** بتصوري ولا نقول لامي تصورني
ليلى ** امك تكسر النقال فوق راسك ههههه
صورت وضمينا الحوسه وقعمزنا نعلقو
ليلى ** سمر وبسمه وأمه تحسينهن كويسات بس رنا والهام يانارك شكلهن نار
زينب ** لا نار لاسو انا مش هنحتك بيهن واجد
انا وسومي ومدخلنيش بشي
ليلى ** سومي ياعيني
به اسمعي بعد اسبوع اتكوني عندهم قلت نوقضك رد بالك من ضرتك متديريش معاها مشاكل را يفزع فيها بنت عمه ومراته الاوله تطلعي انت خسرانه بعدين
زينب / ليلى معاها حق كنت مركزه في الكلام
سمعنا صوت ضحك علي خشت باتي تحشمنا انا وليلى طبسنا روسنا وطلعنا لجنان
زينب ** شفتيها حتى صكرنا الباب عليها بالبلك ادير في الجو بلعاني تضاحك هي وراجلها في الدروج ومعليه حسها
ليلى ** انا وجي انسلخ قدام عمي
زينب ** باتي هذا غلط غلطت عمره كتب الحوش بااسمها وهي شن دارت تزوجت وجابت راجل فيه
سالم ** عفاف المرا هذي تبي حل مش معقوله هك وجي انسلخ قدام الناس ساكنين فوقنا
أحمد / خشيت عليهم يهدرزوا ع الموضوع
أحمد ** أنا افلوسي واتيات مزال 1500 يومين ونرميهن علي وجهها وتطلع تسافر هي وياه وناخد وليدي
سالم ** 1500 خودهن مني وارميهلها اليوم معاش نبيها في حوشي
أحمد ** لا نبيش هذينا تعبك
سالم ** نتعب علي من انا مو عليك أنت واختك هذين فلوسك يابهيم خودهن
زينب / مع خشتي سمعت الكلمه الأخيرة
زينب ** هههههه متجيش إلا بالهزيبه انت
أحمد ** فنصت فيها نقدرش ندويلها قدام باتي عندا البنات خط أحمر زينب وخوله
أحمد ** نأخده منك سلف ونردهلك بعدين
سالم ** خرف عفااااف انا في الجنان جيبي القهوه وتعالي
زينب / خوله ترن عليا خشيت نكلم فيها في داري
أحمد / بحتت في ليلى وضحكت ** سمعتيه الحاج سالم شن قال
ليلى ** بهيم هههه
أحمد **وجك يابارده
لا مش هذي قاللها جيبي قهوه وتعالي
ليلى ** به شن فيها يبي قهوه
أحمد ** انت تفهميش انا فهمت قهوته نعرفها شن هي رجاله ونفهمو علي بعض هههههه غير داير روحه متحشم يبيش يقوللها تعالي قدامنا فقاللها جيبي قهوه هههه
ليلى ** خزي كان يسمعك باتك يشنقك
أحمد ** هههههه لا لا توبه
ليلى / جيت بنمشي مسكني من وسطي
أحمد ** نحصلوش قهوه نحنا
ليلى ** مش باهي القهوه واجد را ههههه
أحمد ** ادمنتها شن اندير هههههه
ليلى ** به خلاص وخر حبيبي نمشي انشوف زينب
أحمد ** وانا نعطي الكلبه هذي فلوسها
ليلى / مشيت لزينب كانت تكلم في خوله
زينب ** به سلميلي علي عربك
زينب / برمت ليلى
ليلى ** زينب نبي رأيك في حاجه
زينب ** شن
ليلى ** نبي انكمل قرايتي
زينب ** والله احسن حاجه اديريها انا معاك
ليلى ** انخاف أحمد ميوافقش
زينب ** مستحيل
زينب / طلعت ليلى روحت وانا فتحت الفايبر هدرزت مع بسمه
عرفت منها انها تقرأ أوله كليه هندسه
وحكت علي عيلتها وحسيت من كلامها انها متحبش هديل
حسام في هذك الوقت يتصل بيا انصكر عليه بعتلي ع الماسنجر
( كنك !)
انا ( نهدرز مع صبيتي ع الفايبر وانت فسدت عليا )
هو (ههههه بسمه صح اصلا حكتلي انا قاعد في الحوش تو ونعرفك تهدرزي معاها )
اشويه رن عليا سكن معاش وقف رديت
زينب ** تي هااا ااا
حسام ** الصور وينهن كنك مبعتيهنش
زينب ** صكر نبعتهن تو
حسام / بعتت صورها خلاص دخت دايره لقطات يجنن والقفطان خيال عليها رنيت
حسام ** ماهذا ياهذا تي المفروض جنبي تو انتي
زينب ** عجبنك
حسام ** حاجه من الاخير بس الحركه الاخيره خطيره هههه
زينب ** هههههه هذي اشوي تعاركت انا وليلى علي شانها نبعتها
حسام ** خزي عليها انا شن درتلها تبي تحرمني
زينب ** قتلك خواتك شن قالن عليا
حسام ** قالن ماشاء الله ربي بينه اكويسه
حسام / صكرت من زينب خشيت لامي مقعمزات جنبها خواتي وباتي
رنا ** هي صح سمحه بيضه وعيون كبار وشعر طويل بس شايفه روحها
بسمه ** لا بالعكس حسيتها طيوبه وبعدين عندها الحق تشوف روحها تي سمحه واجد
حسام / خلاص تحمست للحديث قعدت مربع جنبهن وهنا يحكن كل وحده تعطي في رايها
سمر ** لا الصراحه ياسومي ماشاء الله ربي تربيه وتعليم وجمال بس حقه اتحسها عندها علي شوفت النفس يمكن مش قصدها بس باين عليها بنت دلال وعز
حسام ** عادي انا نبيها هك اصلا
بسمه ** تسمعش كلامهم تي اتهبل احلى من هذك
حسام / جيت مسكتها قعدت نتسمط عليها ** تي انت عسل عسلللل تفهمي وعندك ذوق
خشت هديل
هديل ** شن جو العروسه
حسام / تدوي عادي وجوها سمح كلهم استغربو
امي خشت لدار لحقتها
حسام ** ها شن رايك في البنيه
ام حسام ** ماشاء الله عليها ذوق ولدي اكيد بتعجبني
حسام ** يعني اكويسه
ام حسام ** اي بس تبي الحق كأنها شايفه روحها اشويه هي اكويسه وطيبه بس هك اتحس بيها عندها علي رفعت الخشم وانت يامهبول خف اشويه راك مكتر طول ما نحن مقعمزين ترن واضح انت تبحت وتبتسم البنت
حسام ** هههههه نجيها ياربي
ام حسام ** من انا
حسام ** هههه لا قصدي زوزتي
