عشقت انفاسك
الحلقه 30
ساره / طلعت لجنان نبي انادي علي ايه شفتها من بعيد واقفه مع طارق تهدرز درقت روحي وقعدت نسمع
طارق ** قتلك ايوتي هذا مرات يوسف تنزل ديمه عندكم
ايه ** ايه اغلب الاحيان عندنا
طارق ** اها
ايه ** وليش تسأل
طارق ** لا شي بس انحس بيها ديمه عندكم كم مرا تقابلت معاها
ايه ** طارق في فمك كلام احكي شن تبي اتقول
طارق ** متزعليش مني
ايه ** لا حبيبي منزعلش منك
طارق ** مش عارف مرات خوك هذي متريحتلهاش انحس بنظراتها غريبه ليا ولصراحه اديرلي في لقطات بايخه
ايه ** لا مستحيل اكيد يتهيألك
طارق ** مش عارف بلكي المهم انا تو طالع وتيلي نص بعد نروح
ساره / خشيت نجري للحوش خشت ايه وحسيت بيها تفكر في كلام طارق
معاش قدرت نتحمل نظراتها ليا ركبت شقتي
قعدت نبكي
ياربي هذا شن يبي مني الحقير يبي يشوه سمعتي
يوسف / روحت من العمل القيت مريم عند امي لوطه وساره مهناكش
خشيت للمربوعه قريت قرأن وبحتت ع الفيس علي موضوع خطبة الجمعه لاني انا بنخطب الجمعه الجايه اخترت موضوع ( التربيه الصالحه )
كملت لميت حوستي وركبت شقتي
خشيت القيتها راقده في الصاله اوواضح عليها انها باكيه رفعتها فتحت اعيونه ورجعت غمضتهن حطيتها ع السرير غطيتها وخشيت دوشت
بعد طلعت القيتها اتلم في شعرها فوق
ساره / نضت حسيت براسي من كتر العياط يوجع فيا وخلاص معاش نقدر نبي نحكي ليوسف
ساره ** اوفي امتى جيت
يوسف ** من ساعه تقريبا القيتك في الصاله جبتك هنا
قربت قعمزت جنبها حطيت يدي علي خدها
يوسف ** كنك حبيبتي باكيه
ساره ** اوفي جيب مريم اعميمه واعر عليها
يوسف ** قلت كنك انا من مزعلك سرو احكي
ساره / قعدت نبكي قرب حضني
يوسف ** هشششش ياهبله كنك اهدي سرو حرام عليك تحرقي فيا هكي را
ساره **اوفي .......
حكيتله ع القصه كلها فنص فيا وقعد ساكت
يوسف / نضت نمسح في وجي ** استغفر الله استغفر الله ليش ماحكيتيش من البدايه ياساره
ساره / عزق نقاله ع الارض بالقوه خفت قعدت نبي ولكك في الكلام ** مو انا حبيبي خفت انا انت ات ت ت
قعدت نبكي
يوسف ** اسكتي خلاص قلت اسكتي انا
خلاص تو انحلها احسابه عندي وانت تو نتفاهمو بعدين وبعدين ايه شن ادير واقفه معاه احكي
ساره / واقف يهزب بصوت عالي وجه احمر وعروقه قريب يطلعن
وقفت قدامه مسحت ادموعي ** قتلك كنت صغيره منعرفش تعرفت عليه ع النت وقعد بينه مكالمات
يوسف ** ساره اسكتي خلاص / سكرت وداني
ساره / حولت يديه ** لا اسمعني نتفاهمو تو
بعد قعدت نكلم فيه انت جيت خطبتني حكيتله وهو قالي خلاص نسيبو سيبته وتزوجتك حبيتك انت انت الي سكنت قلبي وقلبي وهو بس مراهقه سمعت اوفي انت حبيبي بس
يوسف ** انا فضله مو هو مرضاش بيك جيتيني انا تي عدي من احدايا تو را راقيلي ونقعد نفترش في الكلام
ساره ** اها بارك الله فيك مرضاش بيا صار باه تو نعدي من احداك
خشيت لدار المعيشه وسكرت عليا
يوسف / نزلت نجري اندور فيه القيته قدام باب الجنان
كنت مش طبيعي اول مرا انحس هك انحس بنار تحرق فيا
انحس بيها خانتني وهو خاني
عقلي وقف ع التفكير القيت روحي ماسكه مع التيشيرت ونهزب فيه
يوسف ** انت انسان تافه واطي خزي علي هك تربيه
طارق ** كنك يايوسف اهدئ شن في
يوسف ** شن في متعرفش
طارق ** لا احكي كنك
يوسف ** تي انت ....
حكيتله
طارق ** تي كذابه يايوسف صدقني هي الي اتنابش ودير في حركات انا قلتلها راك متزوجه وسريب زمان ماضي وفات قتلي مزلت انحبك ومدري شن انصدمت ومقدرتش انقولك
يوسف ** انت كذاب حقير واطي / نزلت فيه ضرب طلع باتي وخوتي حزو علينا وفكوني منه
يوسف ** لم قشيشك وبرا معاش بنشوف وجك
ركبت وسيبتهم يحكو معاه خشيت القيتها قاعد في الدار مسكره عليها
يوسف ** افتحي بلاش جو بنحكو
ساره ** مافيش بينا حكي
يوسف ** وحق ربي انكسره وعارفتيني لما نحلف
ساره / نضت فتحت
يوسف / اعيونها متنفخات من كتر العياط
يوسف ** تعالي في الصاله مريم راقده هنا
ساره / طلعت وراه وانا ندعي ونقرأ في القران
يوسف ** قعمزي
ساره / قعمزت ونزلت راسي رفعه بيده بحتت فيه يبحت فيا وخانقاته العبره
ساره ** وراسك اوفي كل الي حكيته لك صح وهو يكذب
يوسف ** عارفك حبيبي بس الي قاهرني قصت اتكلمي فيه من قبل انحس بروحي بنموت ونار تحرق فيا خلاص
ساره ** صح كلمته بس فتره قصيره وصدقني كلام محترم يعني متخطيتش حدودي
وبعدين انا محبتاش ولا عمري قتله كلمة انحبك كانت بداية علاقه وانتهت قبل تبدأ وانا تو مراتك وملكك
يوسف / رفعت راسي في عيوني اثر دموع** انتي ملكي صح
ساره ** اها حبيبي
يوسف ** متاعي وحلالي صح
ساره ** صح
يوسف ** مافيش حد يقدر ياخدك مني صح
ساره ** صح ومستحيل حد ياخدني منك غير الموت
يوسف ** بعد عمر طويل ان شاء الله
ساره / حطيته علي صدري ** خلاص اهدئ حبيبي توا
يوسف** ضربته ولزيته
ساره ** مكنتش نتمنى الشي هذا يصير
يوسف ** قدر الله وماشاء فعل
ساره ** كيف تو يصير في سندس خوها هذا حرام
يوسف ** هي عادي تقعد مدخلهاش بس كان وقفت معاه وتبيه تمشيله كلا هو ميقعدش
دقيقه زياده الحقير يبي يشوه سمعتك
ساره ** ربي يستر من الي جاي عمي ماقال شي
يوسف** باتي حكيتله وواقف معايا خليتهم يهزبو فيه
ساره**والبنات سمعن
يوسف ** خطرها ع البنات انت قلتي سمعتيه يحكي مع ايه شن قصته مع ايه
ساره ** مش عارفه
يوسف ** تتهربي بعيونك معناها في شي احكي ولا نقلبها فوق راسها
ساره ** لا لا اهدئ اختك معجبه بيه وتحبه بس تحكي معاه مرا مرا
يوسف / وقفت ** ليلتها سوده
جيت بننزل
ساره ** يوسف تعال وين ماشي يوسف يوسف
ساره / ماباش يعدل عليا طحت قعدت نعيط بلعاني** ااه ااااه اااااه بطني الحقني اوفي
برملي جا يجري
يوسف /سمعتها تتالم برمت عليها جيتها ** سرو كنك بسم الله
ساره /** ارفعني لداار خلاص مصاريني يتقطعن
يوسف / رفعتها
ساره / كان نزل اكيد بهزب اخته وهي تعرف ان انا حكيتله وبتصير مشاكل بيني وبينها وخوته وباته يعرفو يهزبوها قصه
نبيش انخليه ينزل تو
حطني ع السرير طبس يعدلي في المخده
يوسف ** هههههه بطلي انشاب حتى مريضه تتحنطي
ساره / انابش فيه بلحيته نمسح عليها قععمز جنبي وانا متسطحه
يوسف ** كنك مكان فيك شي شن اتحسي
ساره/ قعمزت ** تو تمام غير مسكتني بطني وظهري اشويه اكيد تعب الجياب مزال
قربت حطيت ايديا وراء رقبته
يوسف** ههههههه كنك ياحاله
ساره ** ههههههه شي مرايفه بس
يوسف ** انقولك حاجه / خشيت جنبها ** حتى انا مرايف واااااااااااا
يوسف / نضت قبل الفجر بشويه تدوشت ونوضتها اتصلي ومشيت لجامع
بعد روحت القيت ساره لوطا تبكي والدنيا مقلوبه.
يوسف ** كنكم شن صاير
هند ** ايه وساره متعاركات
سندس ** خلاص تو تنحل متشغلش بالك
يوسف ** ساره كنك
ساره / بعد نزلت الصبح جت ايه قعدت تهزب وكل منك طارق طلع من الحوش وانتي كذابه وكلام واجد
ساره ** يوسف خلاص مصار شي
يوسف** كيف مصار شي وانت تبكي
طلعت ايه جيت وقفت قدامها
يوسف ** را عندي علم بالشي الي اديري فيه توقفي مع الحقير وتهدرزي معاه
ايه ** واكيد المدام امتاعك هي الي خبراتك
يوسف ** مدخلكش من خبرني بس السريب هذا تنسيه سامعه تنسيه ياايه الفرخ هذا مش لك وكلام ساره كله صح
ايه ** مش قادره نصدقها معنديش ثقه فيها /قعدت نبكي
ساره / وجعتني مسكينه انصدم في اعز الناس عندها ولد خالتها وحبيبها
ساره**اسكتي ايوته خلاص بلاش بكي خلاص اسكتي
ايه/ بحتت فيها اتسكت فيا وانا كنت نهزب فيها ** خلاص ساره بعدين نحكو تو راسي بنرقد
خشيت وسيبتهم
هند** انا بنعدي انشوفها كنها
سندس** يوسف خوي طارق مستحيل يدير هك
ساره / فنصت فيها وجيت بنحكي فجأه يوسف بخ فيها
يوسف** انت اي شن معناه الكلام هذا يعني مراتي كذابه وهي الي تنابش في خوك لا الا مراتي خط احمر سامعيني خط احمر الي بيزعلها معناها خسرني
سندس** مش هكي قصدي
انا يايوسف وجعني خويا ومش قصدي نشكك في ساره عارفتها وعارفه اخلاقها
يوسف ** وانا مقدر وضعك بس انت عارفه خوك وطبعه من يومه حركاته هكي
خلاص بطلي اعياط وخشي تريحي
خشت سندس
يوسف ** حبيبي الحقيني لشقه نكلم باتي ونجيك وبطلي اعياط ياهبله
مشيت لباتي وقالي انهم هزبوه ولزوه وقالي معاش تخمم تو ندورله خدمه وشقه يخدم علي حاله وبعدها يتجوز ويفكنه من شره
ركبت شقتي خبرت ساره
سندس / خشيت لدار نعيط رن نقالي طارق خويا رديت
سندس ** طارق كيف اتدير هكي حشمتنا قدام الناس
طارق ** تي مدوريش المهم انت قاعده وتو انحلوها المهم الي خططناه نفدوه
سندس ** كيف وانت برا الحوش وايه قريب تصدق ساره
طارق ** لا متخليهاش تصدق وتو حتى انا انكلمها وانت ديري اشوي حركات من عندك
سندس ** مش عارفه تي مصدق مراته وقريب يضرب اخته علي خاطرها
طارق ** باهي انقولك حاجه هدي الفتره هذي
ومتديريش شي
