عشقت انفاسك
الحلقه 13
ياسر / لحقت سمر فوق القيتها اتلم في دبشها في الساكو خلاص قلبي طاح يعني ناويه تسيبني مشيت شورها نجري مسكت منها الدبش
ياسر ** سمر لا بالله عليك وسعي بالك
سمر / بعد هزبني قدام خواته ونساوين خوه يبيني نهدأ ونوسع بالي..... فكيت منه الدبش وحطيته في الساكو وكملت باقي اللم ومعدلتش عليه
ياسر / ركعت علي كرعيا وبحتت فيها......سمر كان سيبتيني انموت انا منقدرش انعيش بلاك
سمر ** توا تتأسف بعد هزبتني لا وبتخربلي وجهي ازياده ..اصلا خلاص معاش فيها الي انك اتمد يدك
ياسر ** لا والله مستحيل انديرها غير كلمه طلعت مني وانا حامق مش عارف كني
سمر ** انا انقولك كنك .انت في وحده تانيه في حياتك ياياسر
ياسر ** سمر شن الكلام هذا افطني لروحك
سمر ** لا فاطنه انا بس انت الي المفروض تفطن تحسابني غبيه والا هبله بش منعرفش انك اتخون فيا اتروح متأخر في الليل وقميصك يقعد يغبق بنه نسائيه ومعاش طايقني بكل هذا كله وسكتت قلت أكيد نزوه وتفوت يسو يحبني ومستحيل يظلمني بس خلاص زودتها
ياسر/ كنت نسمع ومصدوم معقوله الهبله تحسابني انخون فيها تي انموت ولا انخونها هذي سويو الغاليه صح قسيت عليها في الفتره الاخيره بس هذا بسبب معاملتها ليا في الفتره الاخيره
وقفت مسكت ايديها ** معقوله اتشكي فيا سمر انت اكتر وحده تعرفي ياسر كيف يخطر علي بالك موضوع زي هك
سمر ** 😢باهي فسرلي كنك شن صاير معاك
ياسر ** كل الموضوع انا نتأخر في المطعم الي فاتحه . والريحه الي تشمي فيها صح ريحه نسائيه بس مش كيف مامفكره هذا ياستى في وحده سوريه تشتغل امعانا في المطعم هي وخوها تلى التطيب ديمه اتحط في ريحه وقويه بكل ولاني انا ديمه غادي تعلق فيا الريحه
سمر ** مش مصدقه
ياسر ** اقسم بالله العظيم وحق ربي ان شاء الله انموت كان كذبت
سمر / حطيت يدي علي فمه .....بعيد السو عليك
ياسر / بست يدها ... انموت بلاك انا مستحيل نتحمل بعدك عني
ومشيت شور الساكو بديت انرد في الدبش في الدولاب
سمر/ قربت منه وهو كان عطيني بظهره يرتب في دبشي في الدولاب بسته علي كتفه وضبطه
ياسر ** تي انحبك ياهبله شيلي هالفكار من عقلك انا لك بس ومستحيل انفكر بوحده تانيه يكفيني وحده امنكده عليا ليش انجيب وجع راس اخره هههه
سمر / رفعت رأسي وضربته علي كتفه .....خزي عليك بارد
ومشيت هو لحقني ويضحك
ياسر ** 😂 ههههه تي انبصر ياحبي
سمر ** حول مش حب حد انا
ياسر / كتفتها علي الحيط ونزلت عند ودنها .......انت حبي وروحي وقلبي ومراتي ونصي وامتاعي نا
ونزلت بستها علي فمها
سمر / ذبت انا امعاه . رفعني ومشئ شور السرير
حطني وجأ عليا . رن نقالي خداه ياسر وبحت في الاسم القاها منى اخته صكر عليها وقفله
سمر ** تي كنك اكيد منى تبي حاجه شور العرس اصلا انا نازله انساعدهم .....ونضت
ياسر / كتفتها ........ اليوم اجازه بكره ساعديهم
سمر ** يسو عيب تو شن بنقوللهم هما حايسين واجد ويبو من يعاونهم
ياسر ** توا انا ننزلهم انقوللهم سمر مريضه نبيها تتريح....بس توا نبيك تنسى الدنيا وانت معاي
وجيت عليها واااااا
/
/
/
( عند حسام ومالك )
في القهوه
مالك ** شن مكلمتش هشام سألت عليه وعلي مراته
حسام ** آخر مره أمس في الليل ومتأثر والله واجد قاله الدكتور ان مراته في حالة متقدمه من المرض
مالك ** أن شاء الله ربي يشفيها ويعافينا
حسام / كنت انأرقل ......رن نقالي شرقت
مالك ** 😊 تي بشويش ياباشا
حسام ** زينب اترن عليا
ووقفت تبعدت علي مالك ورديت
حسام ** الو صباح الخير
زينب بصوت تاعب ** صباح النور
حسام ** كنك صوتك مش عاجبني
زينب ** مريضه اشويه . من الصبح راسي دايخ ومكليت شئ
حسام ** ليش هكي
زينب ** معنديش نيه
حسام ** نوضي كولي بلا دلع فرخات . تو يصيرلك شئ كيف بنعيش انا بعدين ههه
زينب ** هههه خزي عليك قليل الادب
حسام ** لا والله ندوي جد نوضي كولي تو ادوخي
زينب ** خاطري في بيتزا من المطعم وأحمد مزال مناضش قعد عند هناء لما ينزل انقوله يجيبلي
حسام ** تي أحمد من انا تو انجيبلك
زينب ** هههه ضحكتني
حسام ** نحكي جد تلقيها قدام الباب بعد عشر دقايق اطلعي خوديها
زينب ** يشوفك أحمد يقتلك
حسام ** مش قلتي قاعد راقد خلاص كان ناض ديريلي رنه وانا نهرب هههه
زينب ** هههه مهبول رسمي
