#رواية_تدخل_الشياطين🔥.
#للكاتبة_سوسو_الشريف🖇️♥️.
.
.
.
الحلـــــ(4)ـــــقة ....
سما:رهف رهففففف...
رهف:بسم الله الكريم كنك....
سما:سعددد...
رهف:كنه شن فيه....
سما:سعد هله يبوه يجوز بنت عمه وقالوله لو ما اجوزتها نغضبو عليك وكسر الدنيا كلها وطلع ودار حادث وتوة في المستشفى بين الحياة والموت😭...
رهف:كييف😨💔...
وعدت رهف لبست عبايتها و وشاحها بسرعة....
رهف:هيا نا واتية...
سما:المشكلة نا ما عنديش كيف انعدي للمستشفى كلهم عدو وسيبوني انا وخالتي سعاد(طبعا انسيت ما انعرفكم ع سما سما تقعد بنت خالت سعد وجاية تسكن امعاهم عشان تبي تقرأ في كلية طب بس في مدينتها مفش كلية اكويسة)...
رهف:تيي شنو اتقولي انتي😡...
حور:انا تو انكلم سند...
رهف:اوكي كلميه فيسع...
حور كلمت سند ومشت حور ورهف وسما وخذن امعاهن ام سعد ومودة عدت لي حوش دلال...
.
.
في المستشفى...
خشن البنات ومعاهن ام سعد يجارن...
سعاد:وين وليدي وينن😭 ..
عبدالرحمن وهو واضح عليه الخوف (اب سعد):هدي روحك انشألله مافيه شي😥...
سعاد:كله منك سمعت كلامك وطاوعتك وشن استفدنا نحن بنها بنت خوك😭...
عبدالرحمن :توة مش وقته الكلام هظا ....
ايجو الدكاترة يجارو...
عبدالرحمن وقف الدكتور...
عبدالرحمن:يا دكتور شن فيه ليش قاعدين وتجارو😰...
الدكتور:المريض حالته خطيرة جدا وعنده نزيف حاد ولو ما وقفش احتمال كبير نفقدو المريض💔...
وعدا يجري....
عبدالرحمن قعمز وكانن كرعيه مش شايلاته وحط ايديه بين كرعيه وقعد يبكي ومقهور ونادم انه عصبة💔..
سعاد قعدت حاضنة سما وتبكي امعاها💔...
اما رهف عدت وخشت للحمام ولحقتها حور...
خشت رهف للحمام تجري وقعدت تبكي وجتها حور...
رهف من اول ما شافت حور حضنتها:حور شفتي حظي شفتي حتى الي حبيته يبي ايريح من بين ايديا شن درت في دنيتي يا ربي عشان اتعاقبني هكي😭😭💔...
حور:ما اتقوليش هكي مش انتي الي قبل اشوي قلتيلي كلنا ح انمرو بامتحان في حياتنا وانتي هظا امتحانك ولازم تنجحي فيه انتي ادعيلة بس وانشألله يردك كيف قبل واحسن..
رهف تبكي وتشهق:انحبه انحبه ياحور حاسة روحي بتطلع من مكانها💔😭... وكأنه هو نصف مني شعور صعب بكل خاصة بعد ماا نعرف انه حبيبي احتمال ك كك كبير ايموت😭💔.. مش متخيلة حبي الاول رح يفلت مني😭🔥...
(اخخ من شعور انك اتحس انه خلاص الي اتحبه ح ايموت ومش قادر ادير شي💔)...
*ـ ـ ـ ـ ـ ـ ـ ـ ـ ـ🖇️♥️suha Alshrif! ـ ـ ـ ـ ـ ـ ـ ـ ـ ـ*
*ـ ـ ـ ـ ـ ـ ـ ـ ـ ـ سوسو الشريف🖇️♥️ ـ ـ ـ ـ ـ ـ ـ ـ ـ*
بعد مرور ثلاث ساعات من الخوف والبكاء🔥💔...
الدكتور:انتم اهل المريض...
عبد الرحمن: نحن اهل المريض طمنا دكتور كيف حاله توة ولدي كويس نقدر انشوفه😥...
الدكتور:الحمدلله توة حالته استقرت و وقف النزيف☺️...
عبدالرحمن: الحمدلله ياربي الحمدلله استجبت دعائي🥺❤️❤️....
سعاد:توة نقدرو انشوفوه🥺❤️🔥..
الدكتور:حاليا لا لانه قاعد ف غيبوبة بعد ما ينوض تقدرو...
عبدالرحمن :اوكي شكرا دكتور جزاك الله خير ريحتنا😔...
الدكتور:لا شكر على واجب هذا شغلنا☺️...
....
