#رواية_تدخل_الشياطين🔥.
#للكاتبة_سوسو_الشريف🖇♥️.
.
.
.
.
الحلـــــ(14)ـــــقة *الآخيرة🔥🔥*....
مودة دوبها تبي اتكلم لاكن سميرة طلعت طوول..
سميرة شافت رفيف جاية شور مودة عشان ادفها واطيحها من الدروجج وفجأة...
رفيف كانت بالدف مودة من عند الدروج واتثقلها بالكتب الي عطتهم لها واطيح بسهولة بس الي صار متوقعاتش وهو ان سميرة ج...
وجت سميرة قبل ما اطيح مودة مسكتها وهيا طاحت من عند الدروج...
الدنيا كلها التمت علي سميرة بعد ما طاحت ودمها ملا الدنيا...
رفيف انصدمت بي الي داراته سميرة وكيف ساعدت مودة وطلعت تجري🔥...
مودة من الصدمة ومن الي دفها وكيف طاحت سميرة سيبت الي فيدها وقعمزت ع الارض وهيا مصدومة...
عبدالله جاهم يجري...
عبدالله:خيرر شن في شنو الهرجة هذي كلها..وشاف مودة كيف امقعمزة..
عبدالله:مودة حبيبتي شنصاير عليش الهرجة هذي كلها...
مودة:ضحة بنفسها عشان اتساعدني في حد حاول يقتلني ويرميني من ع الدرج..
عبدالله:شنوووو من يتجرأ وايدير هكي واللهي ما انخليه فحاله وتو يشوف توة خلينا انشوفو سميرة وانساعدوها..
مودة:تمام..
وطلعو سميرة شور المستشفى طولل...
سعاد:جاية بعد الوقت هظا كله وتبيها نحن الي ربيناها وكبرناها في الاخيرة انتي تاخذيها باردة امبردة..
مروة:بسس سما بنتي ونا نبيها نبي انقوللها ان امها عايشة ما ماتتش..
سما:كييف منن بنتك؟
مروة:بحتن فيها هنا الاثنين مصدومات..
تسنيم:صاح ياماما شنو وكيف اتقول بنتي تحكي جدد ولا شنو تكلمووو..
سما:كنت نحكي مع الدكتورة ساجدة وقالتلي ننزل وح نعرف شي وان هيا اختي بس نا كذبتها شنننوو الي صاير هظا انتم تلعبو عليا ...
سعاد:اا لا لا حبيبتي سما ك..قاطعتها مروة..
مروة:صااح كل الكلام الي سمعتيه بالحرف الواحد صاح ومش ح نكذب عليكي بولا حرف بس خلينا نحكو كل شي جوا عشان اتهدي اعصابك...
بحتو فبعضهم واستسلمت سعاد للامر الواقع...
بعد خشو قعدو امسكتين لعند تكلمت سما..
سما:مش امقررين تحكولي وتشرحولي شن في بالزبط...
مروة خذت نفس وبدت تحكي : القصة من البداية هيا ان انتي عندك اربع خوات قبلك وباتك قالي انا نبي ولد وكان ما جبتيلي الولد انطلقك واتجيبي بنت نقتلها فلذالك انا حملت بي عيل وبنت الي هيا انتي لاكن مقلتش لحد لعند بعد جبت وصيت ناس ايحطوك عند ناس طيبين وربي مرزقهموش بعيال وفلوسهم ايعيشوك الي هما توة هلك الله يرحمهم..
سما دموعها نزلو:الله يرحمهم ويغفرلهم ويسكنهم فسيح جناته عمري ما شفت ناس طيبة كيفهم😭💔...
سعاد وتسنيم انصدمن..
سعاد:كييف انتي م مذكرة..
تسنيم:يعني مفقدتش ذاكرتك..
سما:لالا مفقدتهاش فضلت اندير روحي فاقدة الذاكرة عشان محد ايذكرني بموت هلي والي صار كله💔...كملي وليش جيتيني توة؟..
مروة:جيت نبي انخبرك ونحكيلك الي صار فيا يابنتي واللهي نا بعدتك عشان نحميك مفكرتش فيوم عليش سعاد هيا الي رضعاتك بدال امك متستغربش من كلامي لاني انتابع في اخباركم وعمري كملته ونا نفكر فيك تذكريها الولية الي ديما اتجيكم وامك تقوللها اطلعي معش اتجيني وبعد تسأليها اتقولك شحاته كنت مرايفتلك بكل وكلي شوق نحضنك وانحسسك بحناني وانقولك ان امك عايشة..
سما:انا امي الي ربتني والي رضعتني...
مروة:باهي عليش اتعاقبي فيا انا بروحي ظلمتني لدنيا معاك كنت خايفة يديرها ويقتلك...
سما:باهي وراجلك توة شنصار فيه ميستحقش كلمة اب هو انسان مصنوع من حجر..
مروة:بعد ولادتي فرح بيه ودار حفلة بس بعد ولادتي بأسبوعين جاب عليا ولية وخششها ليا فوسط الصالة ويضحك ويقولي سلمي علي العروسة ضرتك ونا انصدمت من تصرفه العيل وجبته ليش يجوز عليا ويقعد ايقولي صبي ديريلنا وهيا يقوللها بكل وقاحه تبي اي شي هذي خدامة لكي وبلاش ولو رفضت اي طلب ولا غلطت فيكي ح نقتلها قعدت ديما اتفتن فيه عليا وهو يقعد يضرب فيا ويقولي انتي بس خدامه في الحوش ونا كنت متحمله وساكته ..
