#رواية_تدخل_الشياطين🔥.
#للكاتبة_سوسو_الشريف🖇♥️.
.
.
.
.
الحلـــــ(13)ـــــقة ....
*ماقبل الآخيرة🔥*
دق دق دق...
سعد:تفضل.
سعاد:سعد سلم وليدي اطلع توة نبيك اتجيبلي حاجات ناقصات لانه بكرى بيجو ناس يخطبو اختك سما..
رهف كان مفتوح الخط وبعد سمعت اسم سما انصدمت وسكرت طول...
رهف:كيفف الي نعرفه ان زياد وسما يحبو بعض كيف بتنخطب لغيره😳...
عند رهف...
من اول ما سمعت ان سما جايينها طلاب..
رهف:حيي يعني خلاص زياد وسما مش لبعهضم خلني نسأل مودة شنصار وهل زياد تنازل علي سما...
تو انكلمها ونخبرها مرات توافق سما لان هيا توة تحسب روحها مزالت مش مرتبطة...
بدت تكتب في الرسالة..
(مودة اهلين شجو كيف حالك وحال راجالك وحال عيالك المهم نبي انقولك قولي لخوك يلحق علي حب حياته بيريح منه سما جاينها طلاب ومرات اتوافق واتريح عليك لانه كيف ما تعرفي البنت مش مذكرة شي والمهم نا درت الي عليا وخبرتك الباقي عليكي انتي اتخبريه وقد اعذر من انذر)..
رهف:وهكي نا حننقض علاقتهم😁 بس حلوة اللقطة الاخيرة جو مسلسلات وغموض😂...
ورقدت..
*ـ ـ ـ ـ ـ ـ ـ ـ ـ ـ سوسو الشريف🖇️♥️ ـ ـ ـ ـ ـ ـ ـ ـ ـ*
عند سعد..
سعد:كيف قصدك خطاب لي سما؟؟
سعاد:لا استغفر الله لخبطت ههههه تفائلتلها نا بنقولك تسنيم قلت سما...
سعد:صاح باهي ماشاءالله ربي يقدم الي فيه الخير اي والله ودارتها تسنيم وح تنخطب😂...
سعاد: اي وكنها بنتي ماشاءالله عليهاالحوت عليها جمال ورزانه وادب يعوين الي بيحصلها😌❤..
سعد:ههه انبصرو عاد انتي رفعتي خشمك طول علي بنتك😂..
سعاد: وكني ما نفتخر فيها بنيتي وحيدتي ربي يقدملها الي فيه الخير❤..
سعد:باهي وانا يا أمي متبيش اتزوجيني😶..
سعاد:نا قلت نور بنت عمك احلم مفش...
سعد:لا يا امي انا نبي رهف...
سعاد:رهف من عيوني الاثنين نخطبها لك وين بنلقا كيفها كنه ماشاءالله عليها امتى تبيني نخطبها لك؟...
سعد:الجمعه يا امي عشان اتكون بداية حلوة ومباركة..
سعاد: اي صح خيرة ما اخترت سوا اليوم سوا البنت ربي يكتبلكم الي فيه الخير انت واختك وسما...
سامر:اووو ونا يا حلوة اللبن نسيتيني في الدعاء ولا ولدك سعد بس...
سعاد:لا واللهي كلكم عندي نفس بعضكم وان شاءالله حتى انت انزوجك لعند امتى بتقعد هكي بلا وليا وعيالك صغار يبو اهتمام سمية خلاص ماتت من 4 سنين بعد جابت وسيم مش ناوي تزوج...
سامر:خلاص يا امي مش قتلك معش تفتحي معاي موضوع الزواج ونا عيالي نعرف نهتم بيهم واهو تسنيم وسما قاعدات..
سعاد:تنسيم بكرا جاينها خطاب وسما حتى هيا ح تزوج مش قاعداتلك وخلاص عيالك بتزيد المسئولية لانه عامر اهو شهر ايخش سنة ثانية وليلى أولى و وسيم السنة الي بعدها روضة مش ح تقدر اتحمل مسئوليتهم...
(انسيت ما نقوللكم علي اعمار عيال سامر:
عامر 8 ليلى 7 وسيم 4)
سامر :حاضر خلاص تو انفكر في الموضوع...
خشت عليهم ليلى...
ليلى:امي رايفتلك😭❤️❤️❤️..وتحضنها..
سعاد ضحكت:اوو واخيرا قررتو اتروحو😂..
سامر:ههه كنت جاي انخبرك بس لهينا في الدوة...
سعد: ونا عمو سعد متبش تحضنيني ولا بس امي🥺❤️..ودار روحه زعلان..
ليلى:لا خلاص انت عمو السمح متزعلش هه تو انبوسك💋..وباساته فخده..
سعد قعد ايدغدغ فيها وليلى تضحك..
وخشو عليهم وسيم وعامر وكمل الجو ضحك وهدرزة...
(العيال كانو عند عيت جدهم اهل سمية لانه جديدتهم مرايفة عليهم هيا وخالاتهم..)
