تحت مسمى الحب

مُقتطقات

الكاتبة: زهراء علي
______________________________

المقتطف الاول:

جنت كاعدة دأقرأ قرآن بغرفتي سمعت
طرق ؏ باب الغرفة مكدرت ارد لانو كنت جاي اقرأ صدقت وسديت القرآن وكلت:

_مِنو؟
_ احم اا آني أحمد
_أحمد تفضل

دخل أحمد للغرفة وسدة للباب ڪعد مقابيلي ؏ الچرباية (سرير) وگال:

_اا اگلج مريم شوفي اريدج اسمعيني شوي ومتقاطعيني تمام؟

_ ستغربت شوي من الي گالة وظهر ؏ وجهي علامات الاستغراب
اردف:

_شوفي مريم ادري بيج مستغربة شوي بس گلامي طبيعي يعني بس اريد اسمعيني اريد افضفض.
_ رديت علي: اسمعك

_ ابتسم وگال: شوفي آني لكيت شُغل ومشروع بنفس الوقت بالبصرة هناك واريد اروح هُناك والمشروع ناجح إن شاء الله.

قاطعتة وگلت
_بالبصرة؟ وعلامة التفاجؤة مبينة على ملامحي

_اي بالبصرة اعرف بعيده بس لازم اروح ادور ؏ شغل حالي حال باقي الشباب.

_بس أحمد انتَ بعدك صغير يعني 16 سنة تحسبها هواية؟

_وذا 16 سنة اكلج عيني ترة اصغر مني ويطلعون يشتغلون انواع الاشغال واني ختاريت البصرة لانو لكيت شغل واذا على مكان السكن اكعد وي خالي مايكول شي!

_والله أحمد ماادري شنو اكول الك بس الله يوفقك وينور دربك.

هز راسة وهو مُبتسم سوالي بأيدة باي
وطلع  من الغرفه واني كملت قرأءة القرآن وره ساعه شلت السجادة ورجعتها لمكانها رحت للكنتور اشوف شنو ألبس باجر لانو اختي راح تجي النه ختاريت ملابس وسديت الكنتور كعدت ؏ الچرباية وبيدي تلفوني انتبهت انو الوقت تأخر ساعه صارت 12:54 واني وراية كعدة الصبح...
كعدت الصبح ؏ صوت صريخ وعياط نزلت من الچرباية ركاض فتحت الباب الخاص بغرفتي ووكفت يم المحچر مال الدرج مدكنه راسي واشوف امي تبجي وعماتي عدنة ستغربت وكلت بنفسي

_"شنو جاي يصير هنا"؟

****************************
المقتطف الثاني:

صفگني ابوي راچدي وگال:

_نزلتي راسي بالگااااع خليتنيي ادنك راسي من وراج الله لايبارك بيج يانكسة!

يحجي بحركة وصوت خليت ايدي ؏ خدي واني مامستوعبة

_"ابوية ضربني؟ "

لاارادياً صارت عيني عليها وهي تباوع الي بحقد والضحكة مرسومة ؏ شفايفها حركت شفتها تنطق بس اني مافهمت شنو جانت تحجي لانو مصدومة من الصار والتهمة الي لفقوها علية!

*****************************
المقتطف الثالث:

كاعدة اني وبنت خالي "زينب" نسولف وندردش فجأءة دخل خالي وكال:

_جيبي جهازچ

ضليت صافنة بوجه خالي وهوه يباوع لبنتة زينب ومنتظر انو تنطي الجهاز رجع ورة ثواني وكال بنبرة حاده :

_اني مو كلت جيبي الجهازز وينه هااا وين مخليتة

نقلت نضري الها لكيت البنية وجهه كلب أصفر وضلت اتمتم ردت عليه وكالت:

_شتسوي بي بابا؟

باوع الها والشرار يطاير من عيونة كانت بصفي مزهرية مال ورد اخذه وضربها بالكاع وضل يصيح ويعيط:

_لج بنت الكل"" اكلج جيبي الخر"" يعني جيبي ليش تاكلين تب"" وتناقشين جيبييييي

انصدمت وفتحت عيني ؏ وسعها اول مرة اشوف خالو بهل العصبية اباوع الزينب الكاها تبجي وساده اذاناتها بأيدها وتهز راسة ب لا بمعنى مانطيك الجهاز هنا هوه رسمي تخبل علينه المشكلة بس اني وياها بالبيت محد موجود والخفت منه صار...

****************************
المقتطف الرابع:

دخل علينة بهيبة وشموخ كعد على القنفة وخله رجل على رجل السلاح بخصره سحبة وخلاه على الميز طلع باكيت جكاير وچداحة وضل يدخن وهوه مصغر عينة علينة ويباوع النه سحب النفاضة الي كانت على الميز وطفى الجكارة رجع ظهرة ليورة كتف ايديناتة ونزل رجلة رجع كال مرة ثانية:

_باعو لكم ترة ماحب اعيد كلامي مرتين
تمام فَــ راح اعيد بس هاي المرة وفتحو اذانكم زين! أبنكم وين؟

كام عمو عباس راد يحجي اشر اله الرجل بيدة انو يسكت

شوية وكال الرجال:

_شوفو راح اكول الكم من هسه ابنكم الكاه لو جوة الكاع يطلع هم الكاه فلا تتسترون علية واحجو وين هوه؟! ترة اني جاي احجي لمصلحتكم لأن اذا سكتو راح تكونون مشتركين بالجريمة؟

_ركزت نضري علية رفعت ايدي وكتلة:

_اني اندل مكانة سيادتك!

**************************
صادف هذاك اليوم عمتي وبنتها ماموجودات كعد العصر على المرجوحة البرة واني افكر بالغرفة الي قافلتها خالتي وماترضة احد يدخل الها واني فضولي يوم عن يوم جاي يزيد دخلت للمطبخ علمود اروح اشرب مي وحدي بالبيت ومحد وياي خالي طالع ومرته هم ماهية وزينب ماهيّ همين واني جاي اشرب المي تركز نضري على الغرفة الي صايرة كبالي شدني الفضول الها اكثر خليت الكلاص على الميز ومسحت حلكي بكم قميصي ومشيت متوجهه للغرفة كل ماامر منها اشم ريحة بشعة وقبيحة تخليني امشي بساع علمود مااشمها خليت ايدي على حلكي ولزمت المقبض مال الباب وتفاجأت انو الباب مفتوح كل مرة عمتي تقفل الباب ومتخلي مفتوح!؟ فتحت الباب على كيف طلع منه صرير حاد شوية بحكم انو هوه باب حديد يختلف عن باقي الابواب كلهم خشب الباقين إلا هذا فتحت الباب ولفحتني الريحة البشعة بشكل جنوني سديت عيوني بقوة وشددت علة ايدي الي ساده بيها حلكي وانفي من الريحة فتحت عيني ببطئ واشوف صدمة عمري الي مستحيل انساها فتحت عيني بشكل جاحظ ومااحس اله ايد تنحط على كتفي....
_شنو جاي سوين هنا؟
*****************************

أهلا وسهلاً
مرحبا حبايبي وياكم كاتبة جديدة ؏ الساحة اتمنى انو حبيتو سرد القصة وياريت انو تنطوني رأيكم ونطباعكم على المقتطفات الاولية وشنو رأيكم بالاحداث بداية القصة علقو بين الفقرات هم علمود اعرف شنو رأيكم هم ❤