أهلا وسهلاً 🌿💖
نبدي ب
البارت _1_
تَـــحت مُسمىٰ الحُب
بسم الله الرحمن الرحيم
*********************
بغداد /2020/ 5:22 عصراً
_الجو بارد ورطب والدُنيا مغيمة والغيوم مُتكاثفة ببعض بِحيث سادات الشمس الي نادراً تطلع بالشتاء....
كاعدة بالحديقة وبيدي كوب گهوة بلاستك صافنة واتذكر الي صار وياي جريت حَسرة چبيرة ودنكت راسي لمحت الأعشاب الخَضراء القصيرة والناعِمة أبتسمت أبتسامة باهِتة وكلت بداخلي واني مغمضة عُيوني ورافعة راسي للسماء
_"ياالله ألطف بحالي ويسر أمري "
فَتحت عُيوني بُبطئ وماأحس الى توگع قطرة مي من السماء الى خدي نزولا الى رقبتي بعد هاي القطرة بدت تمطر خفيف
لميت رَجلية لصدري ودنگت راسي وأني مُحملة بالهموم والوجع....
رفعت راسي للسماء مرة أُخرىٰ ودعيت بگلبي انَ ربي يُيسر لي امري....
گمت ونگثت التراب الي صار على ملابسي شلت الكوب وجنطتي الخاصة بالدوام وتوجهت للبيت قبل لاافتح الباب رسمت ابتسامة وهمية على وجهي لزمت المقبض مال الباب فتحت الباب نزعت حذائي ودخلت للبيت ضليت امشي و أنادي:
_ماماا مامااا اني اجيت من الدوام
وينج؟
ماردت علية ضليت واكفة شوية مامضَت دقائق حتى سمعت صوتها المستفسر:
_وين چنتي؟
تقدمت الها سألتني مرة ثانية واني داأمشي ألها:
_ليش تأخرتي انتِ مو كلتي ب
5 اني بالبيت
حضنتها ضليت شوية واني متمسكة بيها
بَعدت عني شوية وهيه لازمتني من كتافي گالت بنبرة سؤال:
_وين چنتي ؟
بعدت شوية ونزلت أدينها خليتهم بأيدي رفعت ايدها لوجهي وبستهم رجعت أباوع الها واني اكول:
_ماما عُيوني انتِ چان عدنة أضافي بالمدرسة لأن باچر عدنة متحان والمُدرسة
أنطت أضافي وبس من خلصنه اجيت للبيت وهاهية ماكو داعي تقلقين تمام؟!
رجعت گالت الي مثل الي تريد تأكيد:
_يعني چان عندچ أضافي ادري هاي مُدرستكم متعرف تكول الكم قبل الدوام حتى الاهالي يكون عدهم علم، اني من خوفي وحرصي عليج چاي اسألچ.
بستها من راسها وكلت الها بضحكة وأبتسامة طفولية:
_ياااي ماما شنو طابخة ريحة الاكل تعط عطط
ردت علية وهي منطتني ظهرها ومتوجها للمطبخ :
_روحي بدلي وتعالي وياي شوفي الاكل وجهزي مابقة شي ويجي أبوج واخوج يلا .
أنت تقرأ
تحت مسمى الحب
غموض / إثارة_ سيدي اني مالي دخل و علاقة بالجريمة الي صارت ممكن اعرف سبب مجيئي لهيج مكان؟ حجيت كلماتي واني ابين ثقة النفس العندي ومايدري اني بداخلي خوف ورعب مو طبيعي!! ضل يباوع علية ويركز بعيوني صفن شوية بوجهي ورفع حاجبة وبتسم ابتسامة جانبية وجهه صار مستفز كلش...
