الجزء التاني♥️شكرا علي تفاعلكم السكر♥️بقلم سولييه نصار♥️
-يالهووووي ...
صرخت وانا بفوق ..فوقت فجأة وانا علي البحر ولقيت نفسي لوحدي ...معقول ده كله كان حلم وانا بس اغمي عليا ومقابلتش العفر*يتة دي ...قومت وانا حاسس بالر*عب ونفضت هدومي عشان امشي من هنا ...كنت بدأت خلاص اقتنع انه كان حلم مخيف ...لا كابوس اس*ود لما فجأة سمعت نفس في ودني وصوت رقيق بيقول :
-حبيتك من أول ما شوفتك ...زمان ...ده مكاننا المفضل يا عماد..فاكره ...
بصيت ورايا وانا بصرخ من الرعب وملقيتش حد ...عينيا بدأت تدمع.من الخوف وانا بحاول أقرأ قرآن بس لساني مش قادر يجمع وحده بسبب اني مش حافظ الايات كويس ...فجأة صوت عالي هز المكان وبنبرة شمتانة قالت:
-محدش هيقدر يبعدك عني ابدا يا عماد ..انت بتاعي أنا وبس ...بتاعي يا عماد فهمت ...
الصوت كان بيجي.من الفراغ ...مكنتش شايف حد جمبي ...وفجأة بعلو صوتي قولت:
-اسرااااار الحقيني يا اسرار
وبعدين جريت ناحية البيت ...اظن انه لو عملوا مسابقة للجري هاخد المركز الأول ...لان البيت اللي باخده مشي في نص ساعة وصلت في عشر دقايق ويمكن أقل كمان ..
وقفت قدام البيت وانا بترعش وفضلت اخبط جامد وانا بصرخ:
-اسراااار الحقيني يا اسرار....
اتفتح الباب بسرعة. وفجأة صرخت جامد واغمي عليا زي الفرفور ....
.....
-عماد ...عماد يا راجل قوم قلقتني عليك
قالتها اسرار وهي بتلطم...فتحت عيوني بتعب وفجأة صرخت تاني وانا بشوف وشها
-مالك يا راجل مالك ؟!!!
-ايه اللي انتي حاطاه في وشك ده يا ولية ..قطعتي خلفي ..
قولتها وانا بشاور لوشها ...
لوت بوزها وقالت:
-ينيلك ده اسكراب القهوة بتاعي ....
قومت وانا بحط أيدي علي راسي وقولت:
-هتم*وتوني ...والله هتمو*توني ..
-فيه ايه يا عماد ايه اللي حصل ...
بصتلها بر*عب وقولت:
-مص*يبة يا اسرار ...مص*يبة كبيرة مش هتخلص الا بمو*تي تقريبا ...
لطمت وقالت:
-يالهووي ليه كده ...
اتنهدت وقررت احكيلهاكل حاجة ...
....
بعد ما حكيت لطمت اسرار وقالت :
-يا مصيبتي يا مصيبتي ...يا منيل انت مفيش انثي عتقتها في حياتك حتي الجنية مسلمتش منك هتعاكس مين تاني بعد كده انثي العنكبوت !! ...
-والله أنا ما كنت اعرف انها جنية ...اسرار ابوس ايديكي الحقيني ...دي بتقول اني ملكها ...تفتكري هتعمل معايا ايه ...
بصتلي اسرار بخوف وقالت:
-هي قالت انك ملكها متأكد ؟!
هزيت رأسه وانا تكة وهعيط ...بلعت اسرار ريقها وقالت؛
-يا مسكين يبقي اكيد هتاخدك ..
-هتاخدني فين لا مؤاخذة ...
-تخدك تحت الارض عندهم تحت ...عشان تتجوزك ...
-يا خرابي يا خرابي ...يا مصيبتي يا ناس ...اسرار الحقيني أنا بخاف من خيالي تأخدني فين ابوس ايديكي الحقيني ...الحقيني ...
-مع نفسك يا اخويا
-اسرار !!!
قولتها برعب فقالت هي :
-كل ده بسببك يا ابو عيون زايغة ما انت لو مكنتش بصباص مكانش ده حصل ...أنا مالي اتبلي بيك ...
راحت رفعت صوتها وهي بتدور حول نفسهاوقالت :
-اسمعي يا اختي الجنية خديه أنا مليش دعوة و ....
بطلت فجأة اسرار تتكلم لما بصت علي مكان عماد ولقيته اختفي
-عماد !!!يالهووي الراجل اختفي ...جوززززي!!!
يتبع
الجزء الأخير
