الجزء السادس♥️شكرا على تفاعلكم السكر♥️ بقلم سولييه نصار♥️
كنت قافلة على نفسي اوضتي وانا بعيط ...مش قادرة أواجه حد ...حاسة اني اتمسح بكرامتي الأرض ...قلبي وا جعني اووي ...غلطة واحدة بس اتعا قبت عليها كتير ...ازاي هطلع واوري وشي لعيلتي...ازاي ...اكيد دلوقتي بيحمدوا ربهم أن انكشفت ليهم قبل ما يتورطوا ويجوزوا ابنهم لواحدة زيي...اكيد بيقولوا عليا واحدة معندهاش اخلاق!!
عيطت اكتر وقلبي و اجعني يارب انا تعبت ...تعبت اووي ...
الباب خبط فاتنفضت ..قومت وانا بقرب للباب وقولت بصوت مخنوق :
-مين ؟!
رد ابويا وقال:
-انا يا بنتي افتحي ...
منعت دموعي بالعافية ومسحت وشي كويس ...يمكن اكتر حد صعبان عليا في القصة دي هو بابا ...بابا ميستاهلش مني كده أبداً ...
فتحت الباب وانا ببصله وفجأة انفـ جرت في العياط...قرب مني وحضني وقال:
-بس بس خلاص يا بنتي ...
-أنا اسفة يا بابا...اسفة سامحني ...
.-أنا مش زعلان منك يا بنتي ..أنا زعلان عليكي ...
قالها بابا وهو بيطبطب عليا فبكيت اكتر وقولت:
-انا انسانة و حشة مستاهلش تعبك عليا ولا حبك ليا ...يارب امو ت وارتاح ..يارب امو ت عشان اريحك مني انت متستاهلش كده يا بابا ...متستاهلش تتها ن عشاني ...
-طيب بس بس متدعيش على نفسك خلاص ايه اللي حصل يعني ...انتي غلطتي وعرفتي.غلطك الدنيا مش خر بت وهو واحد مش كويس والحمدلله ربنا كشفهولك اهو اكتر عشان تعرفي أنه مينفعكيش وتبصي لحياتك...
سكت بابا واتنهد وقال:
-أنا غلطت غلطة كمان اني اجبرتك عشان تتجوزي منذر اقدر اقولك دلوقتي أن ده هيكون قرارك يا آية ...أنا مش هجبرك على حاجة اللي عايزة تعمليه اعمليه ...مفيش خطوبة الا بإرادتك ...
بصيت لبابا بذهول ...ورغم أن كان مفروض تكون عايزة كده بس من جوايا اتضايقت بس محاولتش أبين ...
-شكرا يا بابا ..
قولتها بهدوء وحضنته تاني ...
خرجني أبويا عشان أفطر وكان واضح أن الكل عرف أن موضوع الخطوبة اتلغى ...بصيت لمنذر ولقيته متضايق ..اكيد دلوقتي بيكر هني ...
بصيت لطبقي وبدأت اكل ...
بعد ما خلصت عمي طلب يتكلم معايا ....
قعدت معاه في الصالة الكبيرة وانا باصة على الأرض ومكسوفة ...اكيد ناوي يكلمني على اللي شافه
-عمي أنا اسفة على اللي شوفته ...والله دي كانت غلطة مني وبدفع.تمنها لحد دلوقتي وعارفة انك دلوقتي بتحمد ربنا عشان ابنك عرف حقيقتي ومش هيتورط.معايا ...
حط.عمي أيده على كتفي وقال :
-انتي فاكرة اني مش عارف يا بت انتي !!
بصتله.بصدمة فضحك وقال:
-أخوي قالي علي كل حاچة وانا اللي طلبتك منه لابني يعني لا نظرتنا اتغيرت فيكي ولا حاجة ولسه عرضي شغال لو موافقة تتجوز منذر أنا هكون اسعد واحد في الدنيا دي ...
-أنت عايزني اتجوز ابنك بعد اللي شوفته وحصل
-وهو ايه اللي حُصل يا بتي ... غلطتي واعترفتي بغلطك هو بقا واحد مش متربي واستغل الموضوع عشان يذ لك ربنا ينتقـ م منه لكن المهم انتي المهم تعرفي غلطك واعرفي أن التراب اللي بيمشي عليه ابوكي احسن ميت مرة منه ومن عيلته كلها ...
هزيت راسي وانا بعيط وقولت:
-عندك حق ...عندك حق يا عمي ...
باس راسي وقال:
-فكري في موضوع جوازك من منذر محدش هيجبرك بس برضه فكري كويس يا بتي..
هزيت راسي وقومت وطلعت من عنده ...
...
فضلت طول النهار افكر والغريبة أن منذر مكانش سايب مخي ...
.....
تاني يوم ...
طلعت من اوضتي على صوت عالي ...
خرجت مصدومة عشان الاقي أدهم واقف بيتجادل مع ابويا اللي بيحاول يطر ده من البيت وعمي بيحاول يهدي الموضوع بينهم ...
-ادهم ..
قولتها بصدمة فبصلي وقال ؛
-آية أنا عايز ارجعلك !!!
يتبع
#عروس_متمردة
#سولييه_نصار
