مر 3 اشهر زينب مشفته بعد كعدت الصبح احس نفسي دايخه سويت الريوك وضليت اتقيئ من الريحه كلت يجوز تعبانه كملت اليوم ثاني يوم نفس شي اتقيئ وبس اريد انام وجهي بدا يصير اصفر خصوصا باليل من يجي احمد ويتقرب مني بعده اخلص اليل ابجي لان كاره نفسي وجسمي ...
كاعده بالمطبخ وهمين دخت ذكرت اني قبل مت دخت هيج بعدين طلعت حامل كلت لاحمد اريد تحليل منزلي كال لا اني اخذج لطبيب العصر رحنه وسويت تحليل وطلعت حامل والفرحة الي ع وجهه احمد متوصف
احمد من يوم الي سوته واني اعاقبه صح احبه بس من اذكر اضوج كلش أذيته مانكر بس من عرفت حامل قررت اتتغير وأبدي وياه من جديد
احمد مبررروك بالمناسبة هااي عازمج ع عشا بأحلى مطعم
عذراء فرحت من عزمني رحنه مطعم كلش حلوو طلبت اكل ع ذوقي وبعدين طلعنه اكلنه موطه وأفترينه بسياره حسيته كلش لطيف وياي بيومه رجعنه للبيت غيرت ملابسي ونمت
ثاني يوم الكل عرف عمو فرح بس ام احمد ضلت تحجي
ام احمد نوب عليه ابن الفصليه وفرحان بابنك
احمد يمه هي مرتي ليش مافرح
ام احمد وراك وراك لحد متزوج عليه وتكسر رأسه هااي الحقيره
العصر اجتي هدى باركتلي
هدى مبرروك حياتي كلش فرحت من سمعت انتبهي ع نفسج
عذراء الله يبارك بيج حياتي انشالله انتبه هالمره
وراه يومين اجتي رفيف وزينب وكلامهن مثل سم
زينب واخيراا حملتي
رفيف يمعوده حلميش تلكيه جذب عليه بس حتى يحبه ماتعرفين سوالف النسوان
زينب الله يعلم كلشي سوي
رفيف وحتى اذا صار ولد تره يبقى ابن الفصليه
عذراء اسمع كلامهن واني اموت ا بطيئ لا اكدر اجاوب ولا اكدر ابجي بس مخنوكه وليل واني اشتغل حسيت ظهري صار نصين رحت تمددت دخل احمد سالته اذا متعشي كال يي مأكل برا
احمد شبيج اشو وجهج اصفر
عذراء يي تعبانه من الصبح اشتغل ظهري كلش ياذيني
احمد بعد ماكو شغل واذا دريت مشتغله شوفي شاسوي بيج
عذراء والله ياريت لان كلش اتعب صايره حضني ونايم واني بديت أتعود ع انفاسه يمكن ضليت احبه 😹😹😹😹(مبرروك خيه مبينه واكعه ع وجهج من الحب)
ثاني يوم احمد مطلع من ألبيت واني بس طبخت وغسلت اماعين هو البيت نظيف مبي شي ضليت كم يوم انظف خفايف
عذراء حبيبي مشهيه فرواله
احمد شنو عيدي شكلتي
عذراء اريد فرواله
احمد والقبله
عذراء حبيبي
احمد ياروح حبيبج تعالي يمي انطيج أحلى فرواله 😉
عذراء بدلع مااريد اريد فرواله لبيبي
احمد غير يدلل البيبي وامه شعندي غيرهم طالع اجيبلج واجي طلعت اشتري فرواله وأخذت حلويات وموطه وياي من رجعت لكيته لابسه دشداشه قصيره ومفتحه من يم الصدر طالعه تخبل كعدت تأكل وتددلع بالحجي واني صافنه بيه وبجماله ...
عذراء احمد طالع من الصبح وزينب موجوده وتتآمر واشتغل صار ليل بطني موتتني من الم حجيت لاحمد كال باجر نروح لطبيب صدك رحت ل دكتوره وكالت لازم ترتاحين احتمال تسقطين كتبتلي علاج وضليت متمدده ع ظهري الحمدلله لا شغل ولا تعب ... بدينه نجهز ملابس وأغراض ل مروان ...
عذراء احمد اكعد راااح اموووت احمدددددد
احمد شبيج حبيبتي احجي
عذراء يمكن اطلك اخذني للمستشفى
احمد نزلت اركض لأمي يمه عذراء تطلك خلي ناخذه للمستشفى
عذراء لبست عبايه وأخذت جنطتي ورحنه واني اصيح يمه وينج يمه الحكيني حموت
احمد طول الطريق اقره ايات وادعي ياارب تكوم بسلامه
عذراء ضليت اطلك واصيح لحد مسمعت صوته يبجي احس روحي طلعت
احمد سمعت صوت طفل الف الحمدلله اجه مروان اخذته بحضني واذنت باذانه ودخلته ع عذراء ... الحمدلله ع سلامتج حبيبي
عذراء الله يسلمك خلي اشوفه اخذته بحضني وأشم وابوس بي ياربي واخيررا صارت عندي عائله طلعت من المستشفى هدى اجتي يمي اهتمت بيه أما زينب ورفيف يذبن سم ويطلعن
يتبع
.
.
.
.
أنت تقرأ
فصلية شيخ احمد
Novela Juvenilقصه عراقيه تتحدث عن فتاه تبلغ من العمر 17 عاما تذهب فصليه لشخص يبلغ من العمر 26 عاما يا ترئ ما الذي سيواجه تلك الفتاه من مصاعب و متاعب ⁉️
