لين ـــــــــ شبيك تتفحص
غالب ـــــــــ لا هيج بس نفسج بطيء بالگوه ينشاف خفت عليج
لين ـــــــــ خفت لا اموت
غالب ـــــــــ البارحه جنتي حيل مريضه
لين ـــــــــ بسبب الحمل
غالب ـــــــــ اي حجزتلج يم الدكتوره
لين ـــــــــ مايحتاج غالب
غالب ـــــــــ لا مو ميحتاج اقلها تكتبلج ادويه
لين ـــــــــ اي
غالب ـــــــــ اي
لين ـــــــــ ننزل
غالب ـــــــــ اي
لين ـــــــــ خل اطلعلك ملابس
غالب ـــــــــ لا لتعبين نفسج اني اطلع لنفسي
لين ـــــــــ براحتك،،،، نزلنه وكلما اريد اشتغل شغله محد يخلليني واهتمامهم زايد ضوجوني حيل ادري لان يحبوني بس هم مو هيج هم ميصير ابقى گاعده هم لازم اتحرك واشتغل اذا ردت اگوم يگلولي وين اگللهم اشرب مي تطير غلا تجيبلي هم ميصير همه هم لو بيدهم حتى الصلاة يصلونها بدالي 💔🙂 هذا رمضان اجه ماضله ايام خايفه لا يصومون ابدالي 😂،،،،، عمه هذا رمضان اجه وترا اصوم
ام غالب ـــــــــ ماعلى المريض حرج و ندفع عنج كفاره
لين ـــــــــ عمه الله يخليج مرضيش نسوان بشهرهن التاسع ويصومن اني يادوب يادوب بنهاية الاولي حتخبلوني انتو حتخبلوني عمي فهمنه تحبوني وتهتمون بيه بس مو لهالدرجه الاهتمام هم مايصير هيج عمي والله كرسعتوني لا تسوين هيج ولتطلعين و لتشتغلين وهاج دواج واكلي شوفيلي صرت فيل من الاكل والگعود مايصير مايصير هم لازم اتحرك لا زينلي اگعد ولا زين للطفل
ام غالب ـــــــــ غير نخاف عليج ييمه
لين ـــــــــ على عيني وراسي خوفكم و اني فرحانه لگيت اهل يحبوني بس هم مايصير انخنگ منا من انتو تغسلون ملابسي و تنصخرولي ماترهم عمه ماترهم منو الجنه ومنو العيال اني العيال لو انتو مايصير
ام غالب ـــــــــ شاهد الله عمري ماعتبرتج جنه اعتبرج مثل حلا وغلا وازود
لين ـــــــــ الله يعزج خاله والله هم اني احبكم هوايه و ماگدر بدةنكم متعوده عليكم هوايه بس انتو تخنگوني انتو لو بيدكم حتى الصلاة تصلوها عني لا والنوب غالب غالب مصيبه يگعد يمي يضل يراقب نفسي يشوفني حيه لو ميته و كل شويه مگعدني يوجعج شي يوجعج شي هم زين التحق اقلها اگدر انام مو حامل عبالك بيه كانسر
ام غالب ـــــــــ اسم الله ييمه بعيد الشر عن عويلنه(عائلتنه)
لين ـــــــــ گعدنه نحجي ونشاقه و اخيرا قنعتهم اشتغل وگمت مسحت الغرفه مو ماسحه الغرفه عبالك مسويه انجاز وسويتلهم اكل من كل نفس طيبه صار يجنن خليت الاكل وگعدنه ناكل و يمدحون بأكلي،،،،، اگلج عمه ها متت؟؟؟
ام غالب ـــــــــ اسم الله عليج ييمه
لين ـــــــــ متت من گمت واشتغلت!؟؟
ام غالب ـــــــــ لا
لين ـــــــــ عمه انتي ليش هيج طيبه صيري شويه عمه شديده 😂
ام غالب ـــــــــ شنحصل لو شدينه ييمه
لين ـــــــــ اي والله اللهم احفضلي عمتي يارب واحميني من عيني الحاسدات
ام غالب ـــــــــ ههه عليش
لين ـــــــــ على هيج عيال
ام غالب ـــــــــ مو انتي حليبج طاهر لو اشوفهج تلعبين بذيلج جان ماخليتج
لين ـــــــــ ها طلعت عمتي مو على نياتها
ام غالب ـــــــــ لا ييمه محد على نياته
لين ـــــــــ ههههه عمه اريدج تحجين ويه غالب
ام غالب ـــــــــ على شنو ييمه
لين ـــــــــ من انام هوا يسهر يضل يراقب نفسي وين اكو هيج قابليه عنده ماينام الليل وكل شويه مگعدني ها يوجعج شي ها تريدين دوا
ام غالب ـــــــــ مو يخاف عليج
لين ـــــــــ خوفكم حيل حيل حيل مبالغ بيه حيل مبالغ بخوفكم
ام غالب ـــــــــ هسه ماعاجبج خوفنه
لين ـــــــــ عاجبني اهتمامكم بس مو لهالدرجه متعبيني ومتعبين نفسكم ومقيدين الوضع
ام غالب ـــــــــ مدري مو نشوفج هالتعبانه والمريضه و الصفره نخاف عليج
لين ـــــــــ خوفكم مبالغ بيه
ام غالب ـــــــــ لا ييمه بس خايفين عليج تدرين غالب جان مزوج گبلج
لين ـــــــــ انصدمت وگمت لحيالاي ،،،، وليش اني ماعندي خبر لو ماستاهل اعرف
ام غالب ـــــــــ ماحبينه نضوجج و مرته ماتت وهيه تجيب ماتت هيه وابنها
لين ـــــــــ ليش ماگالي عمه احسكم ضامين عليه هوايه اشياء وليش اني مادري اني مو من ضمن العائله زين عوفيني يجوز خصوصيتكم متريد تضهروني عليها وتعتبروني غريبه بس رجلي ليش ماعرف عن حياته شي ليش واني حاجيتلكم عن حياتي من الهمزه للياء
ام غالب ـــــــــ يمه غالب هذا طبعه ميحب يحجي عن حياته شي
لين ـــــــــ هه بس اني مرته زوجته
ام غالب ـــــــــ كلشي بوكته حلو ييمه
لين ـــــــــ اني اسفه عمه سئلتج بالمايخصني و سئلتج بخصوصياتكم اسفه واتمنه تعذريني
ام غالب ـــــــــ لا عادي ييمه انتي هم اعذريني ما سولفتلج كلشي
لين ـــــــــ لا عادي عمه اصلا هاي مالت غالب مزوج راح انساها اشوفه يحجيلي هوا لو يبقى ساكت وامانة الله لتگليله يحجيلي
ام غالب ـــــــــ لا ييمه بس غالب جان مزوج بنت عمه اجبار و البنيه مو رايدته ولا هوا رايدها بس صارت مشكله بين ابوه وعمه و حلوها هالحل البنيه بعدها عمرها يالله 13 وحملت بالاربعطعش وهيه تشتغل قبل جنه كلنه ابيت واحد و حتى لو اني گعدتها و امها گالتلها لتشتغلين الحبايب ذنيج يفتحن بالسمه باب علبو بناتنه مشتغلات وهيه گاعده رغم احنه ومكملين شغلها ماتحملت وبالشهر السابع صارت عدها ولاده ودينها ماگدرو لا ينقذونها ولا ينقذون طفلها غالب رغم ماتقبلها بالبددايه بس من ماتت تأثر و لهذا السبب صارت مشاكل بينه وبين نسوان عمه وبعد تعاركو ويه ابو و قاطعهم للابد
لين ـــــــــ عجل والبيت الشتراه من عدهم
ام غالب ـــــــــ هذا بيت ابو المرحومه
لين ـــــــــ وليش ماساعده بدون لياخذ بيته
ام غالب ـــــــــ هوا عازم يبيعه لان بعيد عن اخوانه و غالب گال انطيه الگاع اليم عمامي لان هوا كاره جيرتهم
لين ـــــــــ زين ولو تدخل مني بس عباس ليش ماجبتو سيرته من جنه متهجرين ليش انصدمت بيه فجئه طلع عباس
ام غالب ـــــــــ عباس من راح للموصل جان الوضع هناك حيل حيل خطر و ماردناه يروح اتأثرنه حيل بغيابه و اني اضل اذكره بس ماريد اذكره جدام اخواته ويرجعن يحزنن مو عبالك رايح بعيد عبالك ميت ياحافض اي فكلنه نذكره بس بگلوبنه حتى لا نقهر بعضنه
لين ـــــــــ الله يحفضكم عائله متماسكه
ام غالب ـــــــــ امين. يارب ويحفضج النه
لين ـــــــــ هههه عمه الي الله يحليه يبقى شبيج خايفه عليه ماموت
ام غالب ـــــــــ ان شاء الله ميصيرلج شي
لين ـــــــــ ونعم بالله بس لتخوفوني بأهتمامكم الزايد
ام غالب ـــــــــ ان شاء الله
لين ـــــــــ يالله عمه اترخص اروح اعزل غرفتي
ام غالب ـــــــــ تريدين البنات وياج
لين ـــــــــ لا لا لا وين ردينه هاي وين ردينه عمه شحجينه شسولفنه
ام غالب ـــــــــ اسكتي اسكتي روحي اشتغلي
لين ـــــــــ ههه اي رحت رحت
