لين ـــــــــ تعصبت من حجيها وطلعت حرگتي كلها بيها اجت وضربتني وطردتني گلتلها انطيني موبايلج اخابر اهلي دورت رقم عباس مامو زاني ماحافضته رحت سألت حلا كتبته ورجعت خابرته واني ابجي اجه فات للاداره و گلتله راح انفصل سألني ليش وسولفتله لعب بيهن طوبه و هددها
غالب ـــــــــ تدرين بمزاجي اطيرج ورا خيال الشمس بعيدا عن الصبوره الالكارونيه الماجبتيها للطلاب ترا ادري بخبايه كلشي خافي احسلج وهسه الكتبني اتشگي لا يصير عليج شي مو خوش و هذا اله اجيب بلاغ من التربيه واله ينقلن من المدرسه واني اعرف وين انقلهن
لين ـــــــــ اخذت كتبي وطلعت شكرت عباس حيل
عباس ـــــــــ ومتىيدين تشكريني شكر ثاني
لين ـــــــــ على شنو
عباس ـــــــــ خربت حجاية رجلج وماراح يزوج
لين ـــــــــ اي شكرا،،، رجعنه للبيت لگيته يزرع ورد ولا همه فتت بدلت وسبحت لگيته مطين مطلع ملابسه يريد يسبح رحت گعدت امشط شعري سبح وطلع دنگ لشعري يشم بيه باس فروة راسي،،،،، لا كلما تخسر بنيه تجي تبوس بيه وترضيني اني مو سبير
غالب ـــــــــ لا والله مو سبير انتي الرئيسي
لين ـــــــــ لا تهنبل عليه غالب اني ماعدت غبيه واصدگ كلشي عفيه يالله وخر عني اني مو سياره تشتريها وتعوفها وتشتري سياره غيرها تحترگ لو تخرب وترجع عليه
غالب ـــــــــ غير انتي الاصيل غير انتي الاصيله الماتخربين بساع
لين ـــــــــ اذا عندك مخافة الله ولو بشويه طلگني
غالب ـــــــــ انجبي بنتي ما اديحها اني
لين ـــــــــ الله لا يوفقك غالب روح ان شاء الله منك لله ان شاء الله ماتفرح ولا تتهنى بحياتك يالضالم يالحقير
غالب ـــــــــ اششش انتي من الناس لتحجين اششش تغلطين عليه و تسبيني وتضربيني وتطاولين عليه وتدلونين وتريديني ابقى عليج ولج كلما حاولت افتح وياج صفحه اطبگينها تعرفين اني اكثر شي شنو اكرها التجاوز التجاوز والبه لو مو حامل لا اشوفج القذاره على اصولها وبسيطه الج الماتغيرتي والله لخليج گمله والله
لين ـــــــــ سكتت مارديت شرد اذا طلغت امي العايله واني المو خوش رجع باس راسي وسحب المشط مشط اني مشطت شعري هوا كمل وراح رجعت ادرس ليجدام اريد اطلع شي يستاهل شي يرفعني شي اتحداه بيه واگله اني گد حالي ماعدت لين التتمنا منك شفقه بقيت ادرس الى ان گال
غالب ـــــــــ اتأخر الوكت تعاي نامي
لين ـــــــــ رحت نمت من سكوت حضني ويبوس بيه صرت ابجي واشهگ من سمعني ابجي عافني وصد غاد ضل يزفر اني بسرعه نمت افتقر للنوم ماگعدت صليت الفجر ماگدرت اصلا لو ماهو يگعدني الصبح جان راح عليه الوكت گعدت بدلت وتريگت شربت دوايه ورحنه للمدرسه عباس التحق ضجت حيل عباس حيل مصبرني على وضعي والله قليله بحقه كلمة اخو البنات بالسادس روحهن بخشمهن وميطلعن من غرفهن كله دراسه اما عمتي من بعد حجايتي اني وغالب ماعادت مثل ماهيه لان انقخرت و القهر يگصر العمر اذا اني شببت هيه شتگول مرت الايام وامتحنه شهر اول وجبت ميه من ميه البنات بنات الصف صارو يتوددون الي لان شاطره اني ناصادقتهن لانهن مصالح صديقتي مبتعده عني مامتوقعتها مني اعوفها ضحت كتبتلها رساله وخليتها بجنطتها جان عدنه درس شاغر گعدت ادرس بالصف هيه هم بقت،،، سبا
سبأ ـــــــــ نعم محتاجه شي
لين ـــــــــ اكو شي بجنطتج بتيه خلته مدري شنو رساله مدري شنو وگالت اذا شفتي سبا گليلها تقراها مدري شنو
سبأ ـــــــــ منو حطتها
لين ـــــــــ گلتلها بخنگه،،، مدري
سبأ ـــــــــ شبيج
لين ـــــــــ لا مابيه،،، طلعت ورحت ابجي بعدها اجت وحضنتني وتبجي ويايه
سبأ ـــــــــ خبله شلون تحجين هيج مستحيل اعيرج اصلا انتي انضلمتي بيه
لين ـــــــــ هئ خفت لا ختى انتي تكسريني لان ماحبيت احد اذا لو مات لو كسرني
سبأ ـــــــــ اني غير
لين ـــــــــ اشتاگيتلج هئ هئ جنت كل مرا احاول احجي وياج بس اخاف واتردد وابطل هئ
سبأ ـــــــــ لتبجين يروحي
لين ـــــــــ هئ هئ
سبأ ـــــــــ اسكتي يمعوده هسه يگولن الخبل ازوج عليها
لين ـــــــــ هههههه
سبأ ـــــــــ اي اضحكي اگلج منو هذا الاجه فصل المدرسات علمودج
لين ـــــــــ ههه هذا حمايه
سبأ ـــــــــ ولج ردت ازحفله بس من عرفت اخو أيست
لين ـــــــــ هههه ها سبوش رجعنه للزحف
سبأ ـــــــــ يمعوده والله اتشاقه تدرين بيه يادوبني على الدراسه
لين ـــــــــ شفايتلي لو تصيرين حماتي مو اشهگ للسما
سبأ ـــــــــ انجبي تريد تورطيني مثل ماتورطتي
لين ـــــــــ لا يولي والله يختلف عن اخو جذرا اخو نسيوينجي و هوا لا
حتى دوم يستحقر اخو
سبأ ـــــــــ اگلج لا تزرعينه براسي خليني مچتبه راسي للدراسه لتودين راسي للحب شسوي بيه هاللعبان النفس
لين ـــــــــ براحتج
سبأ ـــــــــ بس والله حلو
لين ـــــــــ هههه ها منو اليريد يروح عالحب
سبأ ـــــــــ انيي
لين ـــــــــ بقينه نشاقه ونضحك بالبيت الصبح البنات بالدوام من يرجعن عالمركز بليل يجن يدرسن للمدرسه ينامن ساعتين و المغرب ساعتين خطيه مسلوبه راحتهن ماطول عليكم ورا نص السنه وجبت بنيتي ضليت عشرتيام ماداوم بعدها رجعت ادازم اني مسيطره لان اني اقرا لي گدام ومن جبت مابطلت ادرس هم ادرس وعمتي تعتني بالطفله واجت عليه سبأ باركتلي وجابتلي بدله للطفله بس جبيره گلت من تكبر البسلهيا هيه شويه صوتها عالي بالضحك عباس يعبالي اني لو وحده من البنات دگ الباب وگال
عباس ـــــــــ وسم ان شاء الله مو يمنه خطار هسه شيگولون علينه مربين بنات اگ،،،،
سبأ ـــــــــ يول يلين شگد عيب شگد فشله بس لا رجلج بس لا يوفت اهين
لين ـــــــــ ههه لا هذا عباس وميفوت
سبأ ـــــــــ وسم اني جم مرا محذره نفسي ماضحك وماحجي بصوت عالي شوكت اصير انوثيه واصير بنيه
لين ـــــــــ ضليت اضحك على حجيها ضلينه نحجي بعدين امها رادت تروح هيه اقارب عمه بس مو حيل المهم طلعنه وجان عباس طالع من غرفته معطر ومكشخ لابس قميص ابيض و قمصله جوزيه و بنطلون اسود و بوتين جوزي ختلت ورايه هوا صفن منو هاي البنيه
عباس ـــــــــ بس لا هاي اببنيه صوتها عالي وصحت بيها عباليها اخواتي
لين ـــــــــ هههه اي ليش متميز صوتهن
عباس ـــــــــ لا والله من صارن سادس ماسمعت حسهن ولا اميز صوتهن انصدمت من رحت لغرفهن لگيتهن موجودات
لين ـــــــــ سبأ اتگرص بيه ظعم انزلي تانزل وياج نزلت واني اضحك عليها سلمت على امها وهيه راحت
عباس ـــــــــ شگد عيب وله لين
لين ـــــــــ ههه خطيه حرجتها
عباس ـــــــــ تستاهل تا تحترم نفسها هيه مو ابيتها تا هالصياح
لين ـــــــــ يمعود هيه هتره هذا طبعها هيج حبابه هيه
عباس ـــــــــ مارتاحيتلها
لين ـــــــــ لا بالعكس والله مؤدبه بس هيه خبله وهتره
عباس ـــــــــ اي
غالب ـــــــــ سلام عليكم هاشو موبفراشج
