عباس ـــــــــ لين
لين ـــــــــ ليش مو بغرفتك
عباس ـــــــــ شجابج هنا
لين ـــــــــ اجيت
عباس ـــــــــ غالب گاعد
لين ـــــــــ لا
عباس ـــــــــ لتگولين لاحد واني رايح گبل لا يگعدون
لين ـــــــــ قبل لتروح عندي حجي وياك
عباس ـــــــــ شكو
لين ـــــــــ اني ادري بيك بتت هنا مابتت بغرفتك ادري ليش ليش كتلت روحك عليها من ماتحبها ها ليش كسرتها مو گلتلك يتيمه
عباس ـــــــــ لا اني بس لان
لين ـــــــــ شنو بس لان
عباس ـــــــــ خل اكمل مو خفت متاخذ راحتها بالغرفه طلعت
لين ـــــــــ جدامك جاهل تجذب عليه عباس ترا اني افتهم مو جاهل تاتجذب عليه هيج جذبه عاديه بعدين البنيه تگول گالي ماحبيتج هيج عباس هيج تفشلني هاي حگ الاخوه
عباس ـــــــــ ان شاء الله بعد ماعيدها وحروح اعتذر منها
لين ـــــــــ وتتوقع تنساها الك هاي اول ليله الها بحياتك انته تعوفها هيج اول ليله تدخل بيتك تعوفها وتجي تنام هنا عالقنفه
عباس ـــــــــ يمعوده حروح انام هناك بدون لا تحس عليه
لين ـــــــــ الله يهداك بس هالمره ماراح اگل لغالب المرا اللخ مو بس لغالب اگول اگول حتى لامك زاذا صارلها شي محد يتندم غير انته ولتضلم بنت الناس وياك
عباس ـــــــــ خير ان شاء الله
لين ـــــــــ تنشوف
عباس ـــــــــ ان شاء الله
لين ـــــــــ عفته ورحت واني مقهوره على صديقتي خفت لا كلام غالب يصير صدگ
سبأ ـــــــــ جنت اصلي سمعت فتحه الباب انطفه الضو كملت صلاتي و گمت رحت للفراش
عباس ـــــــــ تقبل الله
سبأ ـــــــــ بخنگه،،، منا ومنكم
عباس ـــــــــ شبيج واگفه تعالي نامي
سبأ ـــــــــ بس اضم المصلايه
عباس ـــــــــ اي
سبأ ـــــــــ رحت نمت بمكاني وصديت عنه دموعي تنزل حضني و يبوس بيه
عباس ـــــــــ زعلان حبيبي
سبأ ـــــــــ لا مازعلانه
عباس ـــــــــ سبويه
سبأ ـــــــــ هم
عباس ـــــــــ جنت تعبان و حجيت هيج و النوب عمامي ضوجوني بكلامهم و حجيتلج هيج
سبأ ـــــــــ اني شعليه عباس
عباس ـــــــــ حبيبتي انتي اني اسف اعذريني والله غلطت
سبأ ـــــــــ اي
عباس ـــــــــ يالله ارضي لضلين حاقده
سبأ ـــــــــ ماصار شي لتهتم
عباس ـــــــــ سبأ شسويتي بيه
سبأ ـــــــــ شسويت
عباس ـــــــــ ولج هيج عشگتج اغرمت بيج ولج حتى من طلعت من الغرفه ندمت گلت شجاني بجيتها
سبأ ـــــــــ عادي ولا يهمك حبيبي
عباس ـــــــــ شبيج تعالي لحضني لحضن حبيبج تعالي
سبأ ـــــــــ رحت بحضنه
عباس ـــــــــ اعشگج امزت بيج يولي
سبأ ـــــــــ واني احبك عباس بعد لزعلني تدري شگد متت من القهر من رحت فكرتك صدگ متحبني ومتريدني
عباس ـــــــــ لا حبيبتي اني لو ماريدج ماجان تزوجت بس لين شمدريها
سبأ ـــــــــ جنت ابجي و اجت عليه مدري
عباس ـــــــــ ها شگلتيلها
سبأ ـــــــــ شمدريك لين اجت
عباس ـــــــــ مو واجهتها من ردت اجي وكاونتني
سبأ ـــــــــ ها
عباس ـــــــــ اي شگلتيلها
سبأ ـــــــــ گلتلها كمل زواجنه و طلع وگالي ماحبج بقت يمي ليما غفيت ونمت گعدت مالگيتها صليت وانته اجيت
عباس ـــــــــ اي حبيبي
سبأ ـــــــــ لتسويها بيه بعد الله عليك
عباس ـــــــــ لا گلبي اني احبج اريد تعرفين هالشي
سبأ ـــــــــ اي واني احبك،،،، حضنته ونمت حسيت عليه يدفعني بقوه فزيت وگعدت وبسرعه بجيت
عباس ـــــــــ ها شكو شصار
سبأ ـــــــــ هئ
عباس ـــــــــ ليش تبجين گلبي
سبأ ـــــــــ ليش دفعتني ها
عباس ـــــــــ هل گلبي مادفعتج ليش تتبلين عليه ها تشاقين ويايه مو عفيه گعدتيني من نومي خليني انام تعبان
سبأ ـــــــــ ماتشاقه انته دفعتني
عباس ـــــــــ ها يجوز واني نايم مادري بروحي
سبأ ـــــــــ بس شكلك مو شكل واحد نايم
عباس ـــــــــ شنو تشكيننن بيههه من اگول شي معناااهااا مووو غلللط
سبأ ـــــــــ سكتت عنه مدري ليش احسه يسوي كل هذا متعمد ماجاني نوم گعدت طلعت لگيت عمتي و غالب گاعدين ولين تسوي ريوگ سلمت وگعدت يمهم باركولي اخذت دارين بحضني اللاعبها اجن البنات گمت بوجهن وسلمت عليهن باركلي
ام غالب ـــــــــ يمه رجلج وينه
سبأ ـــــــــ عمه نايم
ام غالب ـــــــــ ليش ييمه ماگعدتي
سبأ ـــــــــ ماقبل يگعد
غالب ـــــــــ هذا التنبل مالت النوم ماينفع وياه اله اني هسه اگعه لتخافون
سبأ ـــــــــ راح اخو يگعده اسمع صوت المصايح اجه مغندب گعد يمي وخلى ايده ورا ضهري وغالب يضحك عليه جر طرف شالي نشف وجها من المي
ام غالب ـــــــــ بالمبارك ييمه
عباس ـــــــــ الله يباركلج يمه والله نسيت بسبب هذا الخبل
غالب ـــــــــ اني خبل مو اگوم
عباس ـــــــــ البگره
غالب ـــــــــ انته الجاموسه
عباس ـــــــــ انجب حمار
غالب ـــــــــ شو ماعليك جهرة المزوج غير تگعد ويه مرتك نفسك ماتغيرت
عباس ـــــــــ عليش هيه مرا جبناخا من بيت اهلها لبيتنه شصار يعني واني جنت وحدي بالغرفه اجت صرنه ثنين
غالب ـــــــــ عببباااسس احجي عدل واگعد عدل و اعرف لسانك شيحجي بنت الناس ماجبناها تا تحجي هيج عليها
عباس ـــــــــ يعني شتريد أهآ آهاه مو حاضنها
سبأ ـــــــــ حز خاطري كلامه حيل اترخصت ورحت يم لين دحگتلي هبابني بجيت رحت حضنتها حيل وابجي واشهگ اني كارثه من ابجي بعد من ابجي مايسكتني غير النوم ودت الريوگ عماي اجت تناديني اسمع لين تگللها مو جوعانه بس هيه تگللها لا لازم تاكل بقيت مسحت دموعي بسرعه و حا لت مابجي بس هيهات من شفتها احتنگت وصرت ابجي گلتلها مامتعوده هنا وبجيت گالت انتي تتعوظين ومن هالسوالف غسلت ورحت تريگت هوا صدگ ولا عبالك مزوج راح للغرفه اجه مبدل ومكشخ و ماخذ موبايلاته ثنينهن.
عباس ـــــــــ يمه اني طالع
ام غالب ـــــــــ يمه وين طالع بعد توك مزوج اگعد واركد
عباس ـــــــــ يعني تزوجت اگعد جني النساوين
سبأ ـــــــــ لا روح مو مشكله
عباس ـــــــــ باي زوجتي الغاليه
سبأ ـــــــــ الله وياك
لين ـــــــــ عباس والله الرحت اگول
سبأ ـــــــــ عوفي خلي يروح مو مهم
عباس ـــــــــ احجي عدل حبيبتي ماريد اضوجج من اول مصباحيه
لين ـــــــــ عببباااسس
عباس ـــــــــ لين لتجاوزين حدج
لين ـــــــــ اها عباس صار بيها حدود
عباس ـــــــــ من يوم يومها بيها حدود
لين ـــــــــ انته كو تگول اني اخوج وصديقج شو رديت بكلامك
عباس ـــــــــ اتأخرت مع السلامه
لين ـــــــــ راح ولا عبالك
سبأ ـــــــــ اني رايحه لغرفتي
لين ـــــــــ سبوش
سبأ ـــــــــ ماعليه شي مو جديد القهر بعدين هوا يحبني
لين ـــــــــ انقهرت عليها راحت لغرفتها رحت لغرفتي لميت دعولة غالب مطلع سلايت تلفزيون وغراض ومدري شنو مو غرفه عبالك مخزن اخذتهن نزلتهن للمخزن عزلت الدعوله گعدت تحمرت ورتبت نفسي ورحت سويت غدا اجه هوا عباس ماجه وادري بيه ماراح يجي مثل كل مرا بس يستاهل
سبأ ـــــــــ جنت ابجي بالرفه اجت رساله منه شفتها مثل المخبله
عباس ـــــــــ شلونو حبيبي
سبأ ـــــــــ زينه
عباس ـــــــــ وامي تهودتي عليها
سبأ ـــــــــ اي حبابه حيل واخواتك هم
عباس ـــــــــ واني
سبأ ـــــــــ وانته هم حباب
عباس ـــــــــ اعشقج
سبأ ـــــــــ و اني اعشقك
عباس ـــــــــ احبج
سبأ ـــــــــ واني احبك
عباس ـــــــــ اذيتج البارحه مو
سبأ ـــــــــ انسى
عباس ـــــــــ احبج
سبأ ـــــــــ واني اعشقك
عباس ـــــــــ شگد
سبأ ـــــــــ اموت بيك اتنفسك
عباس ـــــــــ تحبيني
سبأ ـــــــــ شلون ماحبك ياحبي الاول
عباس ـــــــــ شوكت حبيتيني
سبأ ـــــــــ من ايام الخطبه حبيتك
عباس ـــــــــ اني من شفتج حبيتج احبج گلبي اعشگج
سبأ ـــــــــ ليش من تكون موجود ويايه تضهرلي غير محبتك بالمراسله
عباس ـــــــــ ها مو لان ماعشنه ايام خطوبه
سبأ ـــــــــ شدخل هاي بهاي
عباس ـــــــــ مو تا نعيش ايام خطوبه
سبأ ـــــــــ ها
عباس ـــــــــ احبج
سبأ ـــــــــ بقينه نتغزل ليما اذن رحت صليت ومن رجع غالب تغديه هوا ماجه ولا رايح للجامع غالب گال ماشفته ولا سيارته موجوده گلت يجوز رايح لغير جامع ولو جان يراسلني
غالب ـــــــــ وين راح هذا
لين ـــــــــ غير اخوك وين راح متدري يعني
غالب ـــــــــ مادري عبالي سابقني للجامع
لين ـــــــــ مادري
سبأ ـــــــــ احس نفسي مالي قيمه زوجته ومتدري وينه مستحيه من اهله حتلو معاملتهم زينه ويايه والله الحق يقال وجنت خايفه من امه بس مرا حيل حگانيه مادري عالبعدين بس اشوفها تسوي على لين و متصاحبات اني منعزله عنهم حدي السؤال والجواب هوا المفروض احبهم واتعود عليهم غير اهل زوجي بس اذا زوجي و هاملني من اول يوم للعصر تا اجه جنه گاعدين برا اجه سلم وگعد غالب رزله ماعجبه راح نام رحت وراه،،،، عباس محتاج شي
عباس ـــــــــ نزعيني حذائي
سبأ ـــــــــ ليش مانزعته انته
عباس ـــــــــ سمعتي شگلتلج نزعيني حذائي
سبأ ـــــــــ انزعه انته مو مكسر
عباس ـــــــــ عجل عليش گلتي محتاج شي اي محتاج تنزعيني حذائي
سبأ ـــــــــ مو هاي
عباس ـــــــــ مثلا بيش احتاجج
سبأ ـــــــــ نزعتلهيا ونزعته جواريبه
عباس ـــــــــ وهسه اغفي اريد انام يالله اطلعي
سبأ ـــــــــ لا اريد ابقى
عباس ـــــــــ بس بدون صوت
سبأ ـــــــــ عباس ليش تصرف ويايه هيج
عباس ـــــــــ شمتصرف شمسوي اني
سبأ ـــــــــ احضني
عباس ـــــــــ تعالي اي شمتصرف
سبأ ـــــــــ تتجاهلني ومهملني
عباس ـــــــــ يتروحي انتي شمسوي اني
سبأ ـــــــــ عباس ترا حيل ميصير هيج عفتمي من اول يوم بعرسنه اذا من اول يوم مليت ورحت شلون حتتحملني بقية العمر
عباس ـــــــــ نامي حبيبتي تفكيرج مريض
سبأ ـــــــــ بقيت احجي وياه ماخذت لا حگ ولا باطل نام گعد باسني و رجع باس راسي وخدودي
عباس ـــــــــ احبج
سبأ ـــــــــ واني احبك
عباس ـــــــــ ننزل
(ماريد اطول القصه عليكم وتملوها ح احاول اختصر)
سبأ ـــــــــ مر شهر و عباس تصرفه ويايه حيل مدىي شلونه نوب يبينلي يحبني ويعشگني نوب يبينلي عدم اهتمامه مر شهر على هالحاله و حملت بهالشهر اما حلا انخطبت مر شهر ثاني ومنعني الدوام انقهرت ومتت من القهر اويلاه انحرم دوامي ليش بس يالله اداوم ويه لين السنه الجايه بلش الدوام وامي اقنع نفسي ندرس اني ولين سوا المهم حلا تزوجت و بليلة العرس شفته يغامز لبنت خالته ورما راحو لعبت طوبه بيه وتكاونه جان غالب توه نازل من دوامه و شافنه متكاونين تدخل سكتت ماحجيت بس لحو عليه وسولفت اني سولفت لو هاج شيطانه موتني كتل گلت البطني راح خلاص خسرته بس الحمد الله ربي ستر وماخسرته نمت بغرفة حلا بقينه شهر كامل لا اني احاجيه ولا هوا يحاجيني ويراسل ويخابر گدامي عود يقهرني مر شهر طبيت بالرابع وعرفت بيه اوليد جان گاعد بالسياره قررت اراضي عليش اضيع من ايدي واني اذا ارجع لخوالي مايستقبلوني اذا همه گبل گبال گالو اذا اجيتي زعلانه بفد يوم لا تسوفين منه شي موشويه الشي الخلاني ابقى وماروح زعلانه كرهت امي الفضلت الزلگه (من نعصب انگول ازلگه ) عليه على بنتها يالله الحمد الله الله عوضني بطفلي هوا يكبر وماريد شي من الدنيا اتحمل هم ابوه ميخالف
عباس ـــــــــ ها شگالتلج الدكتوره
سبأ ـــــــــ انزل جيبلي ازبري ابو الكوب مالت مراد و اني اگلك
عباس ـــــــــ ماشي
سبأ ـــــــــ راح اشترا ورجع انطاني جان مشتري للبيت بيهم شي حلو من يجيب الواحد لمرته يجيب لكل البيت هسه غالب من يجيب للين يحسب البيت وياه عباس قليل يجيبلي بس من يجيبلي شي يحسب اهله وياه
عباس ـــــــــ احجي
سبأ ـــــــــ حالة الجنين زينه
عباس ـــــــــ الله يحفضها متشوق اشوفها
سبأ ـــــــــ مو بنيه
عباس ـــــــــ شنو
سبأ ـــــــــ مو بنيه البطني ولد
عباس ـــــــــ هم رزق عالمرات الجايات ان شاء الله
سبأ ـــــــــ ليش ماكيفت
عباس ـــــــــ لا كيفت بس احب البنات دلوعات
سبأ ـــــــــ يالله دارين موجوده وان شاءلله ماكو فرق
عباس ـــــــــ اي
سبأ ـــــــــ عاك اكل
عباس ـــــــــ لا ماحب هالازبري هذا
سبأ ـــــــــ طيب
عباس ـــــــــ ماحبه
سبأ ـــــــــ براحتك
عباس ـــــــــ اجيب عشى وارجع
سبأ ـــــــــ اي،،،، نزل جاب عشى رحنه للبيت هما ثنينهم عدهم بيوت غالب بيتين و عباس بيت بس ميريدون يبعدون عن امهم والله اني اضوج وحدي شگد. حلوه من العصريه نگعد اني ولين وغلا و عمتي نسولف ونضحك يشهد الله حتى همي يروح المهم بشرتهن فرحلي هوايهمرت الايام و عباس شگد حاولت ارجع العلاقه بينه طيبه ماكو جان مبتعد هوا مو رياد گلت خاف مسحور و رحنه اني وعمتي گال كلشي ماكو لا سحر ولا كلشي يعني هوا من نفسه
ميريدني شگد اشوفه يخابر و يطلع من احاجي ينتر بوجهي ويصيح و الشرع حللي اربعه والشرع حللي اربعه گمت اسكت عنه بس مابطلت محاولاتي ماريد ارجع لبيت خالي ماريد محد يحبني هناك اقلها هنا صديقتي امه اخواته اخو الحسبة اخويه المهم جبت وليدي كنان جنت حيل حالي تعبان وت اموت حتى من جبت طفلي عمه كبر بأذانه وسماه مو هوا حتى بأصعب ايامي ماجان موجود ورغم جان مو مداوم عبرتها وگلت سبأ لخاطر وليدج لتخسرين من لسانج حجايه رجعنه للبيت بالجذب الحمد الله عالسلامه ماگال اخذ الوليد وصار يلعبه اله امه گالتله ماگلتلها تا اجه تحمدلي بالسلامه وباس راسي و باركلي مر الاربعين سويناله عشى وعزم خواله وعمامه وتصدقائه ويبو خبصه قررت اروح عالحفافه ارتب نفسي ثاني يوم رحت وبليل رتبت نفسي اجه سد الباب وصفن عليه جنت مرتبه نفسي وهاي ضل يدحگ عليه ابتسمتله و گلتله تعال ليش واگف بالباب
عباس ـــــــــ ليش لابسه هيج و ليش حاطه مكياج مايحتاجله كل هذا
سبأ ـــــــــ حبيبي هذا كله الك
عباس ـــــــــ روحي بدلي
