لين ـــــــــ غالببب غااالللببب
غالب ـــــــــ طبي جوا
لين ـــــــــ وين رايح ارجع
غالب ـــــــــ گلللتتت طبببييي جووااا
لين ـــــــــ رحت لعباس اسئله ضل بالي يم غالب رحت بالطرمه انتضره اجه قميصه مدمي و يسب،،، صار بيك شي شوفني
غالب ـــــــــ ابن امه اليمد ايده علي واني جمره
لين ـــــــــ غالب خوفتني عليك
غالب ـــــــــ طايح الحض يضرب اخويه واسكتله
عباس ـــــــــ وانته رحت ضربته مو شلون اتسوي هيج ولك لو اريد اضربه جان بمكانه دفنته بس هسه بعد حلم ازوجها بعد حلم ينطونياها
غالب ـــــــــ اصلا من البدايه مينطوكياها لك بابا تفتهم هذوله شنو احنه وياهم مينطونها لو تصير الوزير لو اطگ براسك نخله احنه مو گايلين لا ناخذ منهم و لا ننطيهم نسوان شلون تروح تحب بنتهم
عباس ـــــــــ اني ما الي لازم بمشاكل الاولين اني البنيه حبيتها وخلص
غالب ـــــــــ عباس لتخليني ادفنك اهين يول لا اطلعني من طوري طب جوه لا تعرف شسوي بيك
عباس ـــــــــ اني ماعدت عباس الصغير التحكم عليه فاهم غالب اني عباس الي شخصيتي ضابط و نفس رتبتك وكم شهر و اتعلى رتبه واصير اعلى منك ف ايدك هاي ضمها بجيبك ولتطلعها اني مو مرا تضربني ولا طفل
غالب ـــــــــ هيج صارت اخوتنا هيج بس ياحيف عليك الترباه
عباس ـــــــــ لتدخل بشي ميعنيك خصوصا اموري فااهم
ام غالب ـــــــــ راح تجلطوني انتو
لين ـــــــــ غالب زعل وطب للغرفه انقهر رتبنه العشى ولا غالب اجه ولا عباس تعشينه شربت علاجي وانطيت الهدايا للبنات اخذت هدية عباس دگيت الباب اجه فتحه
عباس ـــــــــ هلا لينو
لين ـــــــــ هلا بيك عادي تجي للحديقه نحجي
عباس ـــــــــ اي
لين ـــــــــ سابقتك
عباس ـــــــــ اي
لين ـــــــــ طلعت گعدت انتضره شويه واجه گعد
عباس ـــــــــ ها لنوش
لين ـــــــــ هاي الهديه من غالب راد ينطيكياها بس تكاونتو و ماگدر ينطيكياها ف اجيت اني انطيكياها
عباس ـــــــــ ماريد منه بس يجفيني شره
لين ـــــــــ عباس غالب يحبك ويريدلك رفعة الراس وهمه مينطوك تفهم شنو نينطوك اذا همه كبارهم عدهم عداوه ويه كباركم و حقد الكبار اثر عالصغار مادام ماينطوكياها انته عليش ساحل نفسك عليها وغالب ماتحمل يشوف اخوه ينضرب ويسكتلهم انته المفروض تقدر يول لا تخسر اخوك محد يعرف بالخسارة غير الخسران لتخسر اهلك واخوك علمود انسانه غريبه ماعرفتها قبل شكم يوم
عباس ـــــــــ اني غلطان بس هوا هم غلطان تدرين رجلج جان حيل شاد ويايه عبالك مو اخو عبالك عدوه
لين ـــــــــ غالب هوا طبعه هيج طبعه حاد و كله عصبي ماخذ الدنيا انو تمشي عدل بعصبيته وترا مايستصغرك بس انته گلت رباك اكيد يشوفك بعدك طفل
عباس ـــــــــ بس اتي كبرت صرت بگد ابويه
لين ـــــــــ هسه تراضو خطيه امكم انقهرت
عباس ـــــــــ ماشي هسه اراضي
لين ـــــــــ شفت غالب يدحگ من الشباك و اعصابه فايره اكيد عليه،،، افتح الهديه تنشوف شجايبلك
عباس ـــــــــ اي
لين ـــــــــ فتح الهديه جان جايبله ساعه حيل حلوه لبسها وابتسم
عباس ـــــــــ حلوه مو
لين ـــــــــ اتجنن يالله تروح تراضي
عباس ـــــــــ خل اضوجه شويه ظحجيله يدحج من فوگ بعصبيه
لين ـــــــــ اي شفته
عباس ـــــــــ انتي هم على كيفج ويه اخويه
لين ـــــــــ شمسويتله الله يسلمك
عباس ـــــــــ تجاوزين عليه هالشي مو حلو بيج
لين ـــــــــ اني شوكت متجاوزه
عباس ـــــــــ ابد مامتحاوزه افقيره خطيه زين والغلط والصياح ذاك اليوم مو تضربين بيه گدامنه
لين ـــــــــ هوا يستفزني
عباس ـــــــــ انتي تگليلي وتنصحيني ومتنصحين نفسج
لين ـــــــــ هوا يحبك من محبه يسوي وياك هيج بس اني يكرهني
عباس ـــــــــ فكرج هوا ميحبج
لين ـــــــــ وين يحبني يخطب عليه
عباس ـــــــــ لا يحبج
لين ـــــــــ اليحب ميحسس محبوبه بأنو هوا لا شيء تدري هوا دائما يحسسني انو اني غريبه ومو من العائله و دائما يحسسني انو اني يتيمه متعمد دائما يگلي انتي مجرد امانه اليحب يحتوي مو يطشر يلم
تدري ليش راد يزوج عليه مرتين و مافكر بيه لان يحسني لا شيء وهوا يستحق الافضل هيج يحس يحسني مو من مقامه مافكر بيه بالبدايه و حتى هسه لو لاگي وحده وتوافق تتزوجه والله لا يروح ويزوج اني من اكاونه وافتعل المشاكل متعمده حتى لا احس بالذل تدري شگد انذل ويه كل لگمه اكلها ويه كل لبسه البسها كلشي من عنده هوا مايحسسني هوا الي ع بالك غريب يتحسن عليه و دائما بينه مشاكل يگدر هوا يتغاضا عن المشاكل بس هوا بالاساس بالاساس يريدنه نتكاون
عباس ـــــــــ الله يهدي سركم واروح اراضي اني
لين ـــــــــ اي عفيه بعد لا تزعل من عنده انتو اخوه مالكم غير بعضكم
عباس ـــــــــ ان شاء الله
لين ـــــــــ اشرله ينزل هوا اجه اني رحت للغرفه گعدت اتذكر كلامي الحجيته للعباس بالفعل احس نفسي شي زحم على غالب احس زياده عليهم اني
غالب ـــــــــ شجنتي تحجين ويه عباس
لين ـــــــــ ماجنه نحجي شي
غالب ـــــــــ اي
لين ـــــــــ تراضيتو
غالب ـــــــــ اي تراضينه
لين ـــــــــ الله يهديكم
غالب ـــــــــ اي
لين ـــــــــ عزلت ملابسي ضايجه وين اروح رحت نمت گعدت ثاني يوم بعد شكم يوم دوام ضايجه اني صح مكمله نص المواد بس خايفه من المدرسه لزمت كتبي وكعدت ادرس والخص بالدفاتر جتى من اريد ادرس بس اراجع مرت الايام عاديه مثل ماتعودتو علينه مشاكل اني وغالب اليوم اول يوم دوام گعدت غسلت وبدلت و لبست جنطتي اني كتب عندي ميحتاج اخذ من المدرسه وكتبي مرتبات رحنه ورجعنه انطونا تحضير واحد و اني بس راجعته اني ذكيه بسرعه استلم والنوب قريت الخامس سهل تقريبا اني قاريته ليجدام بس العربي يكسر تكسر مو متقدمه بيه وخايفه منه
رجعت للبيت اني والبنات لگيته بعده نايم نزلنا جبناها على بيوته عنتي گالت هسه وصخات لازم نسويلنه خمله عليهن قبل لا يبدي الدوام مالتنه ومنگدر انضفهن عاد العصر رحنه نضفناهن ورجعنه بليل انهلكنه هلاك رحت نمت جنت شبه نايمه على بطني نومني زين جنت حيل اغفي لدرجه مگدر احجي بس گاعده تفاجئت بصوت عمه عمه ابد متصعد لان موزين على رجليها رجلها تشكل متصعد درج
ام غالب ـــــــــ خطيه تعبت بالتنضيف
غالب ـــــــــ اي
ام غالب ـــــــــ هاي جزاتها وياك غالب
غالب ـــــــــ كافي يمه الله عليج سدي الموضوع
ام غالب ـــــــــ عمرها يالله 17 سنه وزوجها متحضر يزوج عليها المرا الثالثه
غالب ـــــــــ جرحت كرامتي يمه جرحتني ماريدها المايريدني ماريده و مو مجبور ابقى هيج
ام غالب ـــــــــ خايفه اذا درت شراح تكون ردة فعلها شنو عيني منها
لين ـــــــــ لا عمه ماعليج عتب انتي شبيدج،،،،، دحگتله غوشن عيوني من الدموع مسحت عيوني بس اريد اشوفه شنو موقفه اله زرجعن عيوني غوشن من الدمع غمضت عيوني وفاضن دمع الشهگه ماحسها تطلع من زردومي احسها من گلبي
