بعد مرور ساعات
ليان تفتح عيونها بتعب : وين اني
سنان : بمدينه بابل انتي
تنظر ليان بستغراب
استاذ: اسمي هو سنان و هاي الي كاعدة هناك ياشر اله على مراة بعمر ال50 سنه اسمها العمة اسراء متكدر تسمع طرشه
يستدير لغادر
ليان : تعااال انت وين رايح اشرح الي شنو دا يصير و شسوي هنا
سنان : عندي شغل ورا الغدة اجاوب على اي سؤال الج . اترخص منج هسه . قبل ما انسى غرفتج بالطابق الثاني (يشمر عليها مفتاح ) تحتاج شوي تنظيف بس
ليان
شسالفه ؟؟؟؟!!!!!
هسه شنو اني مخطوفه ؟؟!!!!!
امي وين ؟!!!!!
اني وين ؟!!!!!!
شديصيييرررر؟؟!
وكفت تفكير و باوعت بلبيت الي اني بي العمه اسراء نايمه على الكرسي بهدوء ضوء البيت خافت الريحه غريبه كلش سيئه . شسوي هسه اشرد ؟؟ بس كال اني ب بابل ربع ما عندي ارجع بي وهم معرف احد هنا يساعدني . اخاف جذب عليه يجوز اني مو بابل و دا يراقبني هسه علمود يشوف شنو راح اسوي من يعوفني وحدي !!!!
(تباوع ع المفتاح الي بيدها ) نشوف شكو فوك
الدرج وصخ هم
تفتح باب الغرفه و تراقب بضجر
ليان : حيوان ميكدر يعيش هنا حتى مصدر تهويه ما بيها!!!!!!!!! .. ما اريدها هو اني ليش باقيه من الاسااااس
سنان : هدوء شوي ممكن ؟!!!
ليان لاحظت انو بيدة سطل 🪣 وبي ادوات و مساحيق تنظيف
سنان : شبيج صفنتي ....
ليان : منو راح ينظف ؟
سنان بستغراب : انتي
ليان : ما اعرف
سنان بستغراب : شنو ؟
ليان بصوت عالي : ماااا أعرف انظف !!!!
سنان بنزعاج : دائما انتي هوسه هيج !! .. و شغله ثانيه شنو ما اعرف تره الموضوع ما يرادله شي و اصلا غرفتج هاي فه بكيفج اذا جنتي تردين تكعدين بيها وهي وصخه
عم الهدء ثواني سحبت ليان السطل من ايد سنان و و اتوجهت اللغرفه
سنان : اذا احتاجيتي شي اني جوه
ليان
ما متعودة انظف بيتنا حرفياً ما اسوي شي معتمدة على امي بكل شي...... طولت هواي بيها العجيب بالموضوع انو هي كلش فارغه مجرد ديكور وصخ ما بيها اي اثر حياة او شي يدل على انو بشر جان بيها قبلي .
___________________________
فرات 48 ساعه بس
جاسر : وين راح نلكاها ؟؟
فرات يمسك راسه بعصبية : ما اعرف ما اعرف لا تسالني دا حاول افكر !!!!!
حسام يراقب بهدوء
جاسر : عصبيتك هاي فراغها على حيدر مو عليه خوش !!!
فرات ينظر اله بغضب : انت(قاطعه حسام )
حسام: مو وكت مشاكل هسه لازم نلكاها وين تروح مثلا هي باجر عدها دوام مو
فرات : حتى لو عدها دوام ما راح تداوم
حسام : نفترق و نفتش , بيتهم و بيت كل شخص تعرفه , عدنا كل معلوماتها وين تروح مثلا ؟
جاسر : واذا خلصت ال48 ساعه وما كدرنا نلكاها
فرات : هنا اول كارثه راح تصير هي الي تدلينا عليها
___________________________
ليان
بعد ما كملت تنظيف نزلت جوا اساعد سنان بالطبخ.. معرف اطبخ بس هو يوجهني واني انفذ بهدوء ما حجيت اي شي وهو هم جان كلش هادئ
قاطع صوت الهدوء
سنان : ادري انتي متوترة و خايفه هم و هواي شغلات صارت بسرعه و بدون تفسير منطقي بس راح اوضحلج و اساعدج بالمقابل اريدج تسمعيني للاخير و تفهمين كل حرف اكوله و أي سؤال يجي على بالج سئلي
ليان : تمام
اشر سنان الي على طبق السلطه ( ماعون الزلاطه ) علمود أخذة صرت قريبه منه كلش الى درجه اكدر اشتم عطرة لسنان ( ريحه سنان) بس فجئه تشوشت و الدنيا بدت تفتر بيه ( بدايه اغماء ) و وكعت بيد سنان ( فقدت الوعي )
سنان : جسمها تفاعل بسرعه ويا الشريحه
ينظر سنان الي الساعه و الطعام (الاكل ) و يعاود النظر الى ليان التي بين يديه
سنان بضجر : يعني اليوم لا اتعشة ولا انام
________________________
صباح اليوم التالي
________________________
ليان : هم فقدت الوعي البارحه
لاحظت وجود سنان يراقبني من بعيد
سنان : انتي ليان مو
ليان :اي ؟!
سنان : الاكل مالج بالثلاجه و اترخص منج اروح انام
ليان بغضب : شنو تنام اريد ارجع الاهلي اني انت خاطفني
سنان :اني نقذتج و نقذت الناس منج يتكلم بنعاس ٧ ساعات و كعديني
اثناء سير سنان في الممر يصادف العمه اسراء
اسراء : انت شلون تجيب وحش مثل هذا للبيت
سنان : ليان مجرد طفله برئيه احاول اساعدها و احميها
اسراء : لازم تحمي روحك منها اول ، لازم تلكه طريقه تقتلها بيها
سنان : اششش اعرف شنو اسوي اني ، شكراً على خوفج و حرصج بس اني مو ذاك الطفل الي جنتي تهتمين بي كبرت و صرت اعرف اتصرف وحدي
اسراء : نصحتك قبل وما اخذت نصيحتي و انتهى الموضوع بموت غيم
سنان : رجائاً لا تجيبين اسم غيم على السانج بعد
اسراء : دا تتجه نحو الهاويه مرة ثانية انت يا سنان ، المرة الاولى غيم حمتك بس هسه انت وحدك
يغادر سنان بخطوات سريعه الى غرفته و يغلق الباب بقوه ، يستلقي على السرير ليتفقد القلادة التي على رقبته و ينظر اليه بعمق ، حتى وان اغلق عينيه فإن الدموع سوف تسيل لتعاود ذاكرته اعادة شريط ماضي قديماً قد عاشه مع تلك الجميله التي تدعى غيم تسير به الذكريات الى ذلك اليوم الاليم الي فقد به غيم كانت النيران في كل مكان عيون غيم تحدق به و شفتها تحمل ابتسامه حزينه ، لتسير مبتعدة عنه وتختفي بين السنه النيران
ـــــــــــــــــــــــــــــــــــــــــــــــــــــــــــــــــــــــــــــــــــــــــ
حيدر
جنت واحد من الجيل الثامن جان عددنا 4 اني و سنان و غيم وفرات و ......
الشريحه الي نزرعت بجسم سنان جانت كلش قويه ما يتحملها جسم بشري على الرغم من ان سنان جان الاقوى بينا بس اضطر الدكتور صالح انو يقسمها الى قسمين قسم بجسم سنان و قسم بجسم غيم ، صارو شحتنين سالب و موجب ، سنان جان الشحنه الموجبه و غيم جانت السالبه ، بكل المهام جانو سوه يشتغلون الى ان اجه اليوم الي تمردت بي غيم ، اصدر الدكتور صالح امر بقتلها ، سنان جان واقع بحبها لذلك اعلن تمرده على الاوامر و هرب ويا غيم
__________________________
فرات
مثل ما كال حيدر اني جنت من ضمن الجيل الثامن
بس جان شغلي محصور بالمختبر بس لان الدكتور صالح زرع بداخلي الشريحه الي تحتوى على المعلومات وبس يعني ما عندي قوى جسديه تذكر عقلي جان اسلاح كافي بالنسبه الي ، بس هذا الشئ ما جان كافي الغيم علمود الفت نظرها الي ، غيم جانت شخص كلش مختلف محب للحياة كاره للقواعد ابد مو منطقي ينفذ الي يجي براسه ، جنت احب تهورها ، الحياة جانت لطيفه الى ان اجه اليوم الي وصلتنا اوامر بقتل غيم لان دكتور صالح لاحظ تطورات غريبه بالمؤشرات الخاصه بيها ، انطاني اوامر بتعطيل نظامها كامل....... وافقت لان غيم بالنهايه راح تصير السنان مو الي ان بقت او ماتت ما راح تكون الي ، افضل انو اشوفها ميته على انو اشوفها ويا شخص ثاني ، لكيت مكانهم بعد هربها ويا سنان
___________________________
يتبع ...
