#المـجـهول
#الكاتبه_فــروتـــــي
لتواصل حسابي الانستا
@frf7t
لَـــوزاتي لتنسون التصويت+التعليق بين الفقرات+ متابعهه الحساب
شاركوا القصه بنوتات المـجـهول
قِراءه مُمتِــــعه ♡.
(3459) ڪلمه
°°°°°°°°°°°°°°°°°°°°°°°°°
ريڤان
كعدت مرتاحه بالنومه باوعت منا و منا أسيه ماكو والغرفه فارغه باوعت على الساعه لكيته بـ التسعه امم اكيد راحت لدوام تذكرت ابويه من كال اشتكي طفرت من الجربايه اركض عدلت شعري و غسلت وجهي وطلعت لكيت امي كاعده صبحت عليه و سألته:
- اكلج يوم ابويه وين
-راح لشغل كال مناك اروح اشتكي
- ها تمام ثواني هسه اجي، ركضت للغرفه واتصلت عليه تاخر يلا جاوب:
- ها باباتي
- ها بابا اشتكيت لو بعدك
- هسه راح اطلع
- اا بابا ثواني لتروح خلي نجي اني و سُلار وياك حتى دليل واضح
- تمام انتضركم
- يلا براحتك، سديته واتصلت على سُلار واردفت بسرعه:
- سُلار الحك بابا راح يشتكي، تعال خلي نروح وياه
- اكلج راح انتحر اني والله ابويه ليش مينسه يبو علينه
- اكلك انتحر واني وراك بس هسه خلي نلحك هاي المصيبه
- جاي جاي
- جاي لو كهوه هههه
- هههه امشي بدلي يلا
- يلا، رحت بسرعه اكلت وامي مستغربه وضعي الحمدالله مسالت بس ماتفوتله فرصه بسرعه حجت:
- شبيج ولج مستعجله
- امي راح نروح للشرطه نشتكي
- صلوات لعد كلكم
- مو احنه نعرف بالي صار ومستحيل ابويه يضل بدون ميروح ويانه
- هم صح
- اي، رحت لبست بنطرون جارلس لون زيتوني وقميص يصير بي تور من معصم الايد وبي مثل الرباط من الرقبه لبست ساعه سوده وحذاء اسود واخذت نضاره وشعري رفعته ونزلت خصلات على وجهي وطلعت وكفت بالطرمه استغربت سيارتي مموجوده كلت يجوز اخذه بابا اتصل عليه سُلار طلعت لكيته بالباب صعدت واني ضايجه:
- راح اموت اذا كالو لابويه مو حرامي نروح بيه سُلار من ذكائك طلعتلنه فكره حرامي الله اليستر والله
سُلار:- دسكتي اسكتي طول عمرج متحجين شي بي خير لازم تجفصين تفائلي بابا
- اي اي ليش لا
أنت تقرأ
المجهول
General Fictionانتقام الدمِ، دماً وانتصار الخير ِ، نصراً وانتهاء لعبه الموت، لبوهٌ شَرِسهٌ . أختارها القدرُ، تُكملَ مسيرتُها. لِوحدُها، وجاء اليها الاسدُ، المُنقذِ لها، بعد عِده فريساتٌ، فاشِله كانت لبوهٌ طاغيهً الجمالِ ، تُغري الصيادونَ، اهلكتْ نفسُها لتعيشَ بر...
