"#المـجـهول"
" #الڪاتبه_فــروتـــــي "
" لَـــوزاتي لا تنسون التعليق بين الفقرات، التصويت، متابعه الحساب "
"لتواصل حسابي الانستا"
@frf7t
" قناه التلي بنهايه البارت"
•قِراءه مُـمـتـعهه •
(3059) ڪـلمه
' ' ' ' ' ' ' ' ' ' ' ' '
بَعدني اشتاگلك
بعده العشگ بيا
البُعد ماينوصف
شوف شعمل بيا .
أسيه
نايمه على جربايتي واتذكرت ملامحه التعبانه، شنو رده فعله من كعد وما شافني؟ منو سوه الاثر الي بخده؟
ليش من باوعلي دمع؟ معقوله كرهني؟
هه ليش كلبي الغبي دائما من يشوفه يطمئن ليش كل ما اريد انساه الكه نفسي اتذكر كلشي
كعدت صليت ونزلت شفته ساعه ٥ الصبح رحت لبره وباوعت على السماء ملبده بالغيوم وشكله يريح النفس
مثل كل مره الكه نفسي ضايعه بس ربي اليدليني، مشيت
دخلت للمطبخ سويت ريوك وكعدت اكل، صعدت طلعت
تراك بيجامته لركبه واكمامه لنص الكتف لبستهم ونزلت
طلعت معجانه خليت بيه منضفات وبلشت جلفت المطبخ والممر وجبت الصونده غسلتهم وجفلت الكاونتر ومسحته
رحت لطباخ جلفته ومسحته طلعت الصونده ونشفت المطبخ والممر طلعت الماسحه وكعدت على الكرسي هلكانه
ضحكت واني اتذكر احد ايام الاسبوع الاخير وياه صار موقف
كعدت الصبح غسلت وجهي ونزلت لا اراديا دخلت للمطبخ لكيته يجلف الكاونتر متت ضحك عليه وصعدت اجه باوعلي واردف:
-صباح الخير أسيه، شنو يمته كعدتي
باوعتله وضحكت:
-صباح النور، من جنت تجلف بالكاونتر
انصدم واردف:
-يعني فضحت نفسي
- اي نعم
- الحمدلله
- ههههه
- اكلج
- نعمممم
- شبيج تحجين من وره خشمج لج
- هو شنوو غير هسه كعدتتت بيه حيل احجي
- اي صح بيه حيل تلعلع بس مابيه حيل تحجي بادب
- الله ذكرتني بالأدب الجنت ادرسه والله اكعد ابجي كلشي ولا الادب
- صدك انتي شون تدرسين قسم رياضيات وانتي ادبي
-عندي شهادتين، ادبي وعلمي بس العلمي درسته بألمانيا ومن اجيت مجرد سوالي امتحانات وطلعت معدل زين انقبلت تربيه رياضيات اول سنه اهلي بس خلصن فلوسنه ههه قدمت حكومي قبلوني وبس.
أنت تقرأ
المجهول
General Fictionانتقام الدمِ، دماً وانتصار الخير ِ، نصراً وانتهاء لعبه الموت، لبوهٌ شَرِسهٌ . أختارها القدرُ، تُكملَ مسيرتُها. لِوحدُها، وجاء اليها الاسدُ، المُنقذِ لها، بعد عِده فريساتٌ، فاشِله كانت لبوهٌ طاغيهً الجمالِ ، تُغري الصيادونَ، اهلكتْ نفسُها لتعيشَ بر...
