هلو هلو لَـــوزاتي بارت من وقت وطويل هم، بس اريد منكم شي الي قروا الروايه بالجديد، اذا اني ذاكره عمر نيار، تاريخ ميلاد أسيه، ياريت تكلولي ♡.
"#المـجـهول"
" #الڪاتبه_فــروتـــــي "
" لَـــوزاتي لا تنسون التعليق بين الفقرات، التصويت، متابعه الحساب "
"لتواصل حسابي الانستا"
@frf7t
" قناه التلي بنهايه البارت"
•قِراءه مُـمـتـعهه •
(5419) ڪــلمه
' ' ' ' ' ' ' ' ' ' ' ' ' '
ريڤان
كعدت لكيت زهراء نايمه على ايدي كوه سحبت ايدي وتسحبت طلعت من الغرفه، دخلت غسلت وطلعت، نزلت شعري وضفرته ونزلت يمهم لكيت امي و خاله و تُميم كاعدين، اجيت يمهم و اردفت:
-صباح الخير
لايدر، تُميم:- صباح النور
ام زهراء:- هلا صباح العافيه، تعالي تريكي حتى تروحين وي البنات
- اها تمام، كعدت اتريكت وصعدت شفته ساعه ٩ كعدت سُهير كوه شلعته من الفراش ورحت كعدت زهراء، دخلت للحمام سبحت وطلعت لكيت زهراء تسوي بشعرها، هي شعره هم طويل بس للخصر او شوي نازل للفخذ، اخذت ملابسي ودخلت للحمام بدلت وطلعت، وكفت كدام المرايه مبتسمه على شكلي، فستان شوي من رجليه يطلعن لونه اسود ومفتوح جهه الصدر ينلبس جواه فانيله اني لابسه فانيله بيضه مخططه باسود فتحت شعري ومشطته
شلت شوي من الاطراف ومن المقدمه رجعتهن لوره، لبست حذاء فلات ابيض و خليت مكياج خفيف وطلعت انصدمت بالي شفته، سُهير صدك عروس شكله يخلي الواحد ميطلعه من البيت، لابسه فستان يجنن بسرعه رحت حضنته وصورته، طلعت زهراء لابسه فستان هم بس لونه وردي احنه ابيض و اسود، نزلنه تُميم ينتضرنه بالسياره، بسرعه صعدنه و تُميم ساق السياره، صافنه على الجام اباوع بهدوء
وصلنه هناك بـ 10:30 ص، دخلنه لصالون وفهمناهم الي ردناه كعدت ام الصالون باوعتلي وضحكت اردفت:
-هاا شو ضحكتي
- شعرچ ما شاءالله يمكن نتأخر من وراه
- هههه، تسريحه بسيطه حتى لو
- اي تمام
بلشت تسوي تسريحات بشعري نقريبا ساعه كامله يلا خلصت واجت للمكياج تخلي وتباوع شوي وترجع تكمل
مرت الساعتين واني بعدني مااكدر اشوفهم شنو سون لان ما اكدر ادير وجهي وهيج شفته ساعه ١٢:٣٠، نزلت زهراء جابت اكل واجت، اكلت شوي و رجعت اكمل وهيج صارت ساعه ٢ كمت باوعت على نفسي طالعه حلوه وحيل حلوه
بس لو أسيه هنا تخليني انغر بجمالي بس ماكو الي تتغزل بيه راحت، درت وجهي لـ سُهير طالعه لعابه لابسه الفستان والمكياج عليها يجنن بحيث زهراء تجيب البرگع توصله لصدره وهي توخره، زهراء ماناقصه من الجمال تجنن لابسه فستان اخضر و بي كريستال ابيض بس هي لابسه شال و العبايه مقربته لوجه، اني جايبه وياي شال لبسته وتغشيت بي، بسرعه طلعنه و هاي سُهير اخذت كل المكان زهراء جعصت روحهه بحضن سُهير واني ضحكت وكعدت بالصدر، وصلنه للبيت هوسه وهلاهل دخلت اني اول وحده
أنت تقرأ
المجهول
General Fictionانتقام الدمِ، دماً وانتصار الخير ِ، نصراً وانتهاء لعبه الموت، لبوهٌ شَرِسهٌ . أختارها القدرُ، تُكملَ مسيرتُها. لِوحدُها، وجاء اليها الاسدُ، المُنقذِ لها، بعد عِده فريساتٌ، فاشِله كانت لبوهٌ طاغيهً الجمالِ ، تُغري الصيادونَ، اهلكتْ نفسُها لتعيشَ بر...
