شكرا علئ الدعم في باقي القصص اتمنئ تدعموني بلايك و متابعه للحساب قصة جديدة احسن استمر بيها القصة شوية طويلة بس بيها احداث مشوقة
خلينا ندخل في احداث القصة
.
مرحبا اسمي لارا عمري حاليا 27 سنه حسولفلكم قصتي اتمنه اتسمعوني للاخير وتاخذون عبره منهه
موصفاتي :طولي 170 وزني 60 شعري سرح لونه بني وطويل حيل و بشرتي بيضه كلش وعندي غمازات 2 كلش واضحات لون عيوني جوزي اسكن محافظه واسط 😊
من كان عمري 12 سنه كنت احس بنفسي طفله مالبس حجاب ولاعبايه ولا صايه اطلع العب وي الجهال عبالك طفله منهم بيهم منطقتنه ريفيه نوع ما معزوله اشلون القريه صايره بطراف واسط
عندي اخت اكبر مني اخذت ابن عمتي هسه همه كاعدين بلحله اسمهه شيرين مصار اهواي من ازوجت 4 اشهر
احنه بس 2 اخوات ماعدنه اخو لان امي من جابتني تمرضت وذبت رحمهه ضلينه بس اني وشيرين ابويه
رجال فقير عد كد حاله وضعنه زين ابوي عنده كاع يشتغل بيهه فلاح وامي تخبز للمنطقه كلهه شيرين ازوجت ع صغر يعني16 سنه واخذهه ابن عمتي واني حاليا عمر 12
فديوم اني اباوع ع التلفزيون كان هستوه نازل بذاك الوقت اسمع امي تصرخ
طفرت من مكان رحت اركض عليهه لكيت امي نار كلهه محتركه😣😣
اني كنت طفله ماعرفت شسوي كمت اصيح واذب مي عليهه لشوي اجو جورينه نسوان طفنهه
بس كلش اتاذت احترك وجهه واديهه ورجليهه
ضلت تبجي كلشي بجسمهه يحركهه اني مكابلتهه وكاعده واون وياهه 😢😢
للضهر اجه ابوي شاف امي فزع خطيه
ابو لارا :هاي شلون هيج صار احجي شلون
ام لارا :كوه تحجي 😟القنينه وحدهه طلعت نار رحت عليهه كبت عليه
ابو لارا:الله اكبر اخ منج ي جميله (اسم امي) غير اديرين بالج ليش هيج سويتي بنفسج
ام لارا:صلاح (اسم ابويه)ساعدني فدوه الحريك كتلني راح اموت فدوه العينك
ابو لارا:لارا كومي لبسي امج ناخذهه للمستشفى بلولايه بسرعه
لارا:لبس امي خطيه كل ساع وتلجم ماتكدر تبجي من تنزل دموعهه وجهه يحركهه😣😣
اني اشهك وي شهكاتهه لكم امي هاي الي ماعرف انام اله بحضنهه هيج يصير بيهه ربي ساعدهه اريد امي😢
ابو لارا ؛يله نطلع للشارع العام بلكت نلكه سياره امشن قبل لا تلتهب
لارا:امي ماتكدر تمشي تتجه عليه وتصيح من الوجع
ابويه كوه لكه سياره صعدنه بيهه وصلنه بسرعه دخلوهه لجوه مارضو يدخلونه واسمع صرخات امي خليت اديه ع اذني وكرفصت نفسي كعدت بالكاع 😭😭
اجه ابويه حضني ويكلي مابيهه شي بس يعقمون الحرك وهالشي ياذي هسه شويه وترتاح بالمناسبه امي كلش متاذيه بس ابوي يهدي بيه حته يسكتني بس عرفتهه لان انتهت لحمهه طالع 😣اخ ياربي اريد امي فدوه دخيلك
ربع ساعه وطلعو امي بس شفايفهه يابه من كد الصريخ ماتكدر ترفع ايدهه 👋
ابو لارا :ها دكتوره بشري بيهه شي😟
دكتوره:شكولك خويه المريضه كلش متاذيه حرك مااثر ع عضلات جسمهه كلش عميق احتمال ماطول تعذرني
ابولارا:وين اخذهه حته تصير زينه
الدكتوره:اخذهه لبغداد اهناك عنايه اكثر وحتمال تتحسن لان هنا حته بيت زجاج حته مايلتهب الحرك ماكو
ابو لارا :اي دكتوره اخذهه 😔
لارا:قرر ابوي ياخذهه لبغداد بس فلوس عنده قليله لان الحصاد لهسه ماحاصده حته يبيعه وامي اذا تاخرت ماطول راح العمامي لموله فلوس 😔بمنيه خطبه ابوي وجهه اصفر كلش صار هوه عنده سكر كلش خفت عليه
دبرنه الفلوس واخذهه اخذني وياه بس الطريق طويل نص الطريق امي لزمت ايدي
ام لارا:يمه لارا اخاف يصير عليه شي ديربالج ع نفسج وع ابوج اسمعي اذا صار شي لاسامح الله روحي لختج بالحله لاتضلين هنا الدنيا مو امان يمه ماشي دير بالج يمه بنيتي 😢
لارا:اش يمه كافي لاتحجين هيج يمه اموت قبلج يمه بعدني صغيره ع فراكج حبابه ضلي يمه 😭
ام لارا :صيري قويه لاتبجين بنيتي اذكري وياج دوم وياج راح اضل ماعوفج
لارا:كافي يمه لاتحجين اهواي موزين عليج ابوي يسمع ويبجي
ام لارا:صلاح وينك
ابو لارا:اها يالغاليه احجي
ام لارا:لارا بامانتك لاتتركههه عندي كاع من ابوي ورثتهه تلكون اورقهه بهدومي خليهه الارا صلاح بتك تيهه بدونه
ابولارا:صار بس والله تصيرين زينه والله بس اصبري راح نوصل نامي هسه
ام لارا:اي حنام🙂
لارا:لزمت ايدي وايد ابوي وبتسمت ونامت هيه ع رجليه نايمه
اني هم غفيت وكفت السياره بالسيطره فزيت لكيت ابوي نايم
اباوع لمي لهسه مبتسمه ونفس ماكو اشو بطنهه ماتتحرك مثلي من اتنفس( تفكير طفله 😢)
كعدتهه يمه يمه اكعدي يمه ماكو ضربتهه راجديات ع ابتسامتهه وماكو كعد ابوي ع صوتي ها شبيج
لارا:بابا امي مجاي تكعد
ابو لارا :جميله جميله اكعدي ماكو
لارا :عرفت امي ماتت من ابوي دنك راسه وبجه مثل الطفل وكفت السياره بمكان خالي كل الصاعدين نزلو ويانه
لارا:بابا لاتبجي هسه تكعد هيه كالت اضل وياج 🙂
ابو لارا:😢
لارا:يمه يمه حبابه كافي نوم كتلج نامي حته ترتاحين مو تنامين هالكد يمه حاجيني 😐
ايست وشفت الكل يبجي ويترحمون لبوي الله يرحمهه حجي العمار بيد الله حجي قوي نفسك
لارا:شجاي يخربطون ذوله هسه تكعد ادري بيهه
يمه كافي كومي لج يمه😢
حبابه فدوه اروحلج 😭يمه وين انام بعد شبيج منو يلفيني بعد يمه منو اليبدلي ويمشطلي يمه فدوه كومي😭😭 ابوي يبجي ماتشوفي يبجي عليك كومي
ماكو صرت عصبيه ضربتهه حيل بايدي ع صدرهه كتلج كومي كومي بكل قوتي اجو النسوان سحبوني كمت اصيح كومي لج حبابه كومي فدوه كومي لج يمه واتماطل وياهن غطوهه بجرجف عد السايق بالسياره والمره حجت باذنهه وصعدوهه حطيتهه بحضني وصلنه البغداد الطريق كله اسولف وياهه هايمه مانيتج اتكعدين شو غطوج يمه😢خدي ع راسهه ودموعي بللت شعرهه
يمه جا هسه انتي وين راح ترحين ابوي بس يبجي وصلنه نزلوهه كبل للثلاجات مال المستشفى حللو حاله الوفات انو التهاب حاد بالجرح سوه مضاعفات جسمهه ماعدهه مناعه ماتحملت الحر صادف تموز الله يساعدهه ع الوجع اخ ربي الي ينجوي جويه بسيطه يركض للمي البارد والثلج كيف امي حركهه مخسوف خسف والشمس تضرب بي اتخيلو وجعهه
رجعت البيتنه امي ضلت وصلني ابوي للبيت كال راح ادفنهه بالنجف ضلي اهنا لكيت شيرين ملخه روحهه تمليخ اتخبلنه اني وشيرين اله نمشي وياك امي ماشوفهه من يدفنوهه صادف حامل هيه اتخربطت وكعت كامت تنزف النسوان طببنهه ورفعن رجليهه كالن تهدد الطفل بالاسقاط لازم ماتتحرك
بقيت اني كال ضلي يم اختج بويه لارا
لارا :اختي ماتموت ضاله اشوفهه اهواي بس امي بعد ماشوفهه بويه ابوس رجلك اخذني حضني ابوي بجه اهواي كال امشي 😢😢
يتبع
.
.
.
.
أنت تقرأ
تمزقت طفولتي
General Fictionقصه عراقيه تتحدث عن فتاه اسمها لارا عمرها(27) توفت امها و بعدها ابوها يا ترئ ما الذي حصل لها
