رحنه اني وابوي وعمي وعماتي 2 وخالاتي اجرو كيه جبيره صادف هستوهه نازله ورحنه للبغداد اخذنهه خلوهه فوك ع السوبايه وطلعنه للنجف
نزلو امي من التابوت اتخبلت ملخت روحي شعري شلعته لان اشوف الدفان يحفر بالكاع يريد خليهه بالحفره
لارا:لا عمي امي تخاف من الضلمه لا عمي لاتخليهه ابوس رجلك بجه الدفان كلهه تبجي لزمني رجل شيرين ونزلوهه كبال عيني لكم لا لا جاي اكول ماتفهمون اشبيكم احمد هدني وخر لك راح ينزلوهه فلتت منه ورحت لزمت التابوت حباب لا😢
عمي :سحبني
لاراا:حباب عمي لا فدوه والله ماكدر بدونهه والله عمي هدني(بتوسل)
عم لارا:خويه هالطفله تموت هيج خليهه اشوف امهه
افتحو التابوت
لارا :من كال هيج عبالي حيرجعلي امي فرحت رحت اركض فتحو التابوت شو امي زركه صايره كلهه بوستهه واصيح اوف يحنيتج راح ترجعين ويانه يله كومي سحبتهه من التابوت سحبني احمد شالني اتخبلت لك لا لا هدني مشه بيه مسافه عنهم بين الكبور كوه فلتت نفسي منه نزلوهه مالحكت اكوم واطيح اصعد ع الكبور واطفر واصيح لا لكم ماتخافون الله كاعده هيه جانت عوفوهه 😢😭😭
وصلت حضني ابوي وصاح ربي هدي هالطفله بجاهك يالهي دخيلك خليني بس ع فراك جميله مااكدر هالحمل كله الهي ماريد تاخذ بنتي مني
😢😢
نهاريت بحضن أبوي بجيت وهوه داير وجهي ميخليني اشوف دفنهه اشلون فقدت الوعي ماكعدت اله السياره خضتني فتحت عيوني بالكوه احس بنفسي انتهيت فكرت كلت يجوز اموت نفس امي
مخليه راسي بحضن عمتي اتمسد ع شعري وتقره ايات نمت اشويه وصلت شفت شيرين اتبجي الصخر حضنتهه وبجيت وتسالني سولفيلي اسولف كدام النسوان وابجي
لارا :لج شيرين عمي كال شوفيهه ردت اجيبهه وياي واحمد رجلك ماقبل 😢
شيرين:ربي دخيلك خليهه توعه ع الواقع ماريدهه ضيع 😭
لارا :لج تدرين نزلوهه جوه بالضلمه لج امي من تطفي المولد عدنه تحضني اتخاف اشلون بيهه هسه شنو مايخافون الله
خلصت فاتحه امي اني منعزله وضايعه وافكر بامي وابجي اشلون بيهه بالضلمه وليش هيج سسوو بيهه اسمع ابوي وشيرين يبجون بليل بهدوء اني اغطي راسي ودموعي تجري بدون صوت شيرين ضلت سبوع يمنه وراحت لعيالهه ابوي كالهه خليهه لارا يمي شنو تردون تموتوني من الوحده ضليت يم ابوي
كمت اطبخ لبوي اكلي بيذنجان اخليهه وطفر متر عن الدهن اوف يمه وجودج يمي اله قيمته بحياتي
كمت ماطلع للشارع صرت متعقده وحيده كلش وابوي يطلع ب8 الصبح ويرجع ب8 بليل اضل وحدي اشم بهدوم امي واحضنهن ونام مالي غير بس النوم يخفف عيشتي كبرت صار عمري 15 سنه
صرت جبيره وحليت كلش جسمي برز وصرت ضخمه اشويه ضخامتي مو نفس عمري مبينه اكبر من هالعمر
ابوي جابلي عباه وحجاب كالي تلبسين من طلعين
كتله ماشي خلال هالفتره اشوف ابوي ينهار كدامي يوم عن يوم ينزل والشيب ترس وجهه وشعره كبر 50 سنه بعد وفاة امي جان يحبهه كلش لان اخذهه عن حب بت عمه هيه تصير
مرت حياتي هيج لا واحد طبني ولا واحد اجاني بس شيرين كل شهر تجي اجيبلي دشاديش مالاتهه مايصيرن عليهه البس بيهن ولاعمه ولاخاله ولا اي بشر شافني بعد وفاة امي
ييمه بخلافج تهت يعافيتي 😢
مانسيتهه يوميه اذكرهه واسولف وي هدومهه بس وعيت ع الموت شنو هوه عرفت ليش هيج سوو بامي صارت عندي خبره بكلشي علمني موقف امي انو اعيش واواجه والوحده القاتله علمتني الصبر ونزول ابوي كدامي يوم عن يوم علمني بخلاف امي البيت يضيع وابوي ضاع كام يشرب جكاير وهو ضعيف جسمه وبده يضعف وعنده سكر صار عضام وجلد يوميه ابجي ع عيشتي واكول الحمد الله
فد يوم الضهر جنت نايمه حسيت الباب يريد يتفلش خفت اكوم مااسمع ولد يصيح لج افتحي الباب ابسرعه ابوج اتخربط بسرعه
لارا :فزعت وشهكت ركضت فتحت الباب شفت ابوي منتجي ع 2 ولد بعدهم عمارهم 22 هيج شفت ابوي وجهه اصفر نسيت نفسي بدون حجاب يا شبي ابوي احجي للولد
الولد:خويه كاعدين وشفناه وكعد وهوه يزرع بالكاع وجبناه
لارا :سوده عليه بابا بيك شي احجي بابا
ابو لارا:اريد انام 😟
لارا :اي خويه طببو لجوه فدوه بدون زحمه
الولد :صار خويه تتدللين
لارا :الولد كلش حباب بس الي وياه يباوع عليه بنضرات اتفاجاة كصني كص كلش استحيت لان بدون حجاب خلو وطلعو 😣
بابا بيك شي ليش هيج صار احجيلي
ابو لارا :بويه ماادري احس روحي خوت وحدهه
لارا:ارتاح بابا خليني اجيبلك ماي اشرب ورتاح
ابو لارا:ابو لارا اي بويه
لارا :رحت ورجعت لكيته نايم ماكعدته بس فزعت كلت خاف مات نفس امي رحت عليه لا لكيته يتنفس
للعصر كعد زين
يتبع
.
.
.
.
أنت تقرأ
تمزقت طفولتي
General Fictionقصه عراقيه تتحدث عن فتاه اسمها لارا عمرها(27) توفت امها و بعدها ابوها يا ترئ ما الذي حصل لها
