وصلني لختي للباب وراح مارضه يدخل وياي يسحتي حضني وصاني انو ادير بالي ع نفسي وراح
من راح مني دعيتله انو ربي يوفقه لان ماقصر ويايه وحتمال بعد مااشوفه صح ابن عمي بس اني لحد عمر 16 سنه يله شفته كان بالي انو القدر يجمعنه بخير دكيت الباب طلعلي ولد عيونه عسلي وشويه ضخم ولحيه محدد يعني مرتب كلش يجي عمره 23 او 24 ماعرف
اكرم : منو انتي تفضلي طالبه احد🙄
لارا :اني اخت شيرين ممكن تصيحه الي بدون زحمه🙂
اكرم :اوو اسف اسف صدكيني ماعرفتج انتي بت خالي صلاح
مو كالت شيرين حتجي يمنه بس ماعرفت يمته فمعذور مو
لارا :اي بت خالك صلاح معذور خويه
اكرم :اتفضلي شيرين جوه 😊
لارا ؛اشكرك دخلت بس ماعرفت هالولد منووكلت بكلبي ادخل واسال شيرين 😐
اكرم : حعرفكم نفسي 😊👇👇
اسمي اكرم طولي 170 اشويه ضخم بس موكلش عيوني عسلي وابيض العب بالنادي طوبه مرات حاليا ادرس جامعه مرحله 3 تاريخ اجتي بنت واني طالع للطوبه وي جماعتي لهلي شفتهه سبحان الخلقهه كلش حلوه وشكلهه طفولي ماعرفتهه انو هيه بنت خالي صلاح الله يرحمه اني اكطع من اقاربي لا عماتي ولاخالتي مو دور الواسط اروح بس احمد امي شافت شيرين لان ع طول تروح وترجع عليهم خطبتهه هوه شافهه وافق بس شفت بنت خالي كانت كلش اصغيره ماعرف اسمهه لسه كانت طفله من توفت مرت خالي جميله بيومهه سوت عمايل من رحنه للنجف صادف عمري بذاك الوقت 18 سنه ادرس خامس ادبي الكل انقهر عليهه ادور اتوفه خالي هم مارحت الهم بس ماتوقعت خالي يعوف بنت مثثلهه وحدهه مالهه احد بس اختهه ويروح جوه التراب الاخ يرحمك ياخالي لبست حذاءي وطلعت مادخلت لجوه كلت خاف تتقيد😊
لارا :دخلت ولا واحد بالبيت بس عمتي اتكلب بالتفزيون وكاعده ع القنفه وماتكدر اتكوم لان هيه كلش سمينه خطيه رحت عليهه بوستهه رحبت بيه وشافتني بجت اني هم بجيت بدموع صامته مثل ميكولون واتضاهر القوه كلتلي اختج بغرفتهه اتنيم بمريومه صعدي الهه صعدت ع كيفي للغرفه نايمه ع الجربايه وبصفهه بتهه شافتني بتسمت
طلعت من الغرفه حضنتني وبجت
شيرين :اشلونج بيج شي اشو وجهج اصفر😢
لارا:خيتي افراك اهلي سلب روحي مني يخيتي اسكتي لاتحجين شي حضنتهه وبجت😢😢
هدئتني كالت اسويلج غرفه اتعيشين هنا وياي
لارا؛ شيرين بيت عيالج احس زحمه اكعد هنا وياكم شيرين خليني ارجع البيتنه فدوه
شيرين :اش وصيت امي وابوي وعمتي اتكول وصيه اخوي ماافرط بيهه لاتحجين هيج كدامهه تره اتضوج كلش ماشي
لارا:سكتت لان وصيه اهلي مابيدي شي 😭
شيرين :صدك منو الي جابج عمي ليش ماطب
لارا:لا منصور جابني رايح للدوام اخذني وياه وصلني
شيرين :قصدج الي زواجه بيوم وفاه ابوي
لارا:اي هوه
شيرين :خطيه طلع مو عرس عليهه 😟
لارا :اي صح والله (والله يختي لو تشوفين شجرالي ماتكولين ع الغيري خطيه اني الخطيه مو احد ثاني هالحجي بكلبي *😭
دخلتني الغرفه كلهه غراض وهوسه كالت يله نضفهه ونسويهه الج بس بصفهه غرفه يطلع من جوه الباب هوه بارد يرد الروح سالتهه هاي المن الغرفه
شيرين :شبيج ولج هاي لكرم ابن عمتج
لارا:يااكرم🤔
شيرين :عزه لج لاتحجين هيج يجي واكلج بيهم واحد واحد بسكوت حته البنات اعلمج بيهم حته ميكولون كطعيه وكلشي مايعرفون عنه ماشي
لارا :اي ماشي
نضفنه الغرفه جابتلي جربايه صغيره شويه مال مريومه خلتهه لونهه وردي فرشتهه زلات وخلتلي مجر نايلون جبير صفطت بي هدومي بس هدوميش جرود يلعبن النفس هسه يكولون معيديه جبت اوراق وصيه ابوي الي وصاني عليهه خليتهن جوه فراش الجربايه كلت كلشي يصير 😢
طلعت
لارا :لج شيرين عاد بس اسبح ولج كتلني التراب
شيرين : لج منو الزمج هذاك حمام بنهايه الغرف مخلينه بس للخطار وللمشايه بس اليحتاجو روحي طبي اسبحي وها تعالي هاج دشداشه ولح فضحتيني ضاله ع الهدوم الوديتهن الج لسه
لارا؛منين اجيب مثلا شيرين لاتخشمين نفسج ع وضعي 😢
شيرين :اش لاتبجين ماقصدي والله بس ضجت لان لسه عليهن ضاله اني اكول لااحمد يشتريلج فد كم شغله يله روحي
لارا:من اطلع عندي وياج كلام بيني وبينج امانه يمي الج لازم اسلمهه الج
شيرين :ماشي ☺(عرفتهه فلوس لو ورث )ابتسمت 😒
يتبع
.
.
.
.
أنت تقرأ
تمزقت طفولتي
General Fictionقصه عراقيه تتحدث عن فتاه اسمها لارا عمرها(27) توفت امها و بعدها ابوها يا ترئ ما الذي حصل لها
