ثاني يوم الصبح ساعه 5 كعدني عمي كلي كومي حته نرجع الواسط من وقت قبل اليل كمت متلهفه الشوفتهم نسيت انو راح اشوف بس تراب وطابوكات نسيت انو مراح المسهم 😢
ركضت سبحت وبدلت خليت جنطتي بالسياره لان ماراح ارجع لهنا ابد بعد راح اغير حياتي 😟
طلعنه ب5 ونص بس ماودعت ولااي احد محد يستاهل بس عمتي وزوج عمتي سلمت عليهم ماكو داعي اكعد شيرين اساسا هيه مرتاحه الروحتي عنهه اتحسني ثكل عليهه طلعنه الطريق كله دموعي تجري ع اهلي كلش محتاجتهم كلش اريدهم محد يفهمني غير امي لو موجوده جان مامريت بكل هذه جان حياتي صارت اسهل وصلنه ب9 بعد الازدحام وصلت للمقبره ركضت عفت عمي وراي ركضت قبله لكبر امي وابوي واحد بصف الخ ذبيت نفسي بين الكبرين صفنت دموعي وصلت الاهم نشفت ابجي بدون دموع حرت ويامن اسولف وي منو بيهم احجي ابدي ويامن ياربي لكم عفتوني ليش جا مو بتكم انه وين اروح لكم شيرين ماتريدني وين اروح بويه جا من حطيت راسك ومتت مافكرت تاخذني وياك وانتي يمه ماكلتي البينه حبيبه امهه اني المن احجي والمن اسولف يمه بخلافكم متت بوست بالكبر ودموعي نزلت جانن بكلبي بس من نزلن ارتاحيت
خليت عليهم مي ورد وشموع بخور وصيتهم يزوروني بحلمي كل يوم لان من اشوفهم احس اني بعدني عايشه بهالدنيا الوصخه 😢اجه عمي لان جان كاعد بعيد عني تركني وحدي لكيته يبجي قرالهم قران وعفتهم بس روحي يمهم امشي وتلفت وتعثر بين الكبور وبكلبي اكول هسه يصيحوني ويكولون لاترحين 😢
وصلنه للسياره انكطع املي ميصيحوني ابد مبين ميصيحوني 😭
صعدت رحنه للامام دخلت واني العبره خانكتني نهاريت صادف ناس قليلين حجيه كاعده بعيده عني شويه لزمت الشباج واسولف و امامي وادعي وحجيت كلشي صار وياي واكول جا اميري اني مو من شيعتك ليش ماتباوع الحالي هيج صار وياي وهيج وهيج ودموعي ماسكتت هدءت حسيت بنفسي ارتاحيت صدك لاكالو اليريد يبرد كلبه يروح يم امامه الحجيه لكيتهه مبتسمه تباوعلي
الحجيه:خاله الي راح يصير بالايام الجايه ارضي بي هالشي حيسعدج خاله
لارا:😯شنو خاله
الحجيه :عندي نور من اهل البيت وشوف الي حيصير خاله🙂
لارا :حجيه دخيلج تعبت كليلي شسوي اريد ارتاح ماشفت بس الضيم
الحجيه:اي خاله سمعت حجيج كله صدك تعذبتي خاله الي حيصير الايام الجايه ارضي بي لان من مصلحتج راح ترتاحين اليمج كلهم ذيابه بس شخص راح يخلصج
لارا:اشكرج خاله ربي يوفقج وبحفضج بكل حياتج 😢
طلعت وافكر بكلامهه شحيصير شقصدهه دخيلك ياعلي افتحهه بوجهي دخيلك 😭
طلعت عمي خطيه اخذني للسوك اشترالي عبايه وتراكات ودشاديش واحذيه خطيه خسر اهواي يكلي بنت الغالي انتي يعني بنيتي مثل حجايه عمتي 😢
رجعنه الطريق طويل كلش عمي تعب من السياقه ارتاح بمطعم اكلنه اشويه وطلعنه وصلنه المغرب لبيت عمي طبيت اتلكني بناته ومرت عمي وولادهم الصغار سلمت عليهم كتلهم كلشي ماريد بس اسبح ونام صدك بيومهه كلش انتهيت من التعب طبيت للحمام لبس تراك زي هندي جنه انسمي وطلعت صار بوجهي منصور
منصور:😮😮😮
لارا:اشلونك☺
منصور"زين بس ولاعرفتج صايره مره 😁
لارا:مانضل دومنه اصغار اشلونك انته
منصور:بس اشتاقينالج 😊
لارا :ربي يخليكم الي يله اني رايحه انام 🙂
منصور:هسه المغرب تنامين 🤔
لارا :اذا كعتوني ابجي والله 😢
منصور"محد يكعدج يله روحي نامي 🙂
منصور👇👇
صار سنه ونص مشايف لارا اليوم ابوي جابهه واجه اخذ سيارتي اني تخرجت وكعدت عد اهلي بطلت اروح البغداد بس اوف متغيره صايره جبيره معقوله هالسنه ونص سوتهه مره الجسم شنو العيون يخبلن راح احسد البت 😁 ربي يحفضهه بس لو تسمع الخبر العندي احتمال ترتاح يله خليهه تنام وبعدين اسولفلهه☺
يتبع
.
.
.
.
أنت تقرأ
تمزقت طفولتي
General Fictionقصه عراقيه تتحدث عن فتاه اسمها لارا عمرها(27) توفت امها و بعدها ابوها يا ترئ ما الذي حصل لها
