صدفه وطلع احد وراي اباوع اكرم مستحت ادموعي كان مخلي تلفون ع اذنه بس ميحجي مجرد كال بعدين نسولف وسده اجه كعد يمي
اكرم: شمكعدج بهالوقت 😞
لارا:وهيه تمسح بدموعهه ماكو شي بس اختنكت 😣
اكرم :احجيلي اسمعج 😕
لارا :حلمت باهلي 😢
اكرم ؛شحلمتي سولفيلي
لارا ؛واسولفله ودموعي تجري تاليهه مسح دموعي كالي كافي همه مرتاحين ارتاحي انتي كافي.🙂
رجعت نمت بس هدءت الكلامه حسيته صح🙂
كعدت الصبح ب8 متعوده اكعد من وقت لكيت اكرم مبدل وياكل هوه واكف مستعجل
لارا:😞
اكرم:يله مع السلامه👋👋
شيرين وعمتي:الله وياك 🙂
لارا:شيرين وين رايح اكرم😞
شيرين:لج للدوامه يدرس جامعه تاريخ وره الضهر يرجع
لارا :اها فهمت
مرت لايام ع طبيعتهه اكرم بدومه واحمد بشغله عنده محل مال ادوات منزليه يشتغل بي وعمتي مريضه عدهه ضغط ونايمه نهار بليل ماتطلع بالصدف تطلع
بناتهه 2 مزواجات يجن يشوفنهه ويرحن اسراء وحوراء يشوفنهه فد ساعتين يتعشن ويرحن البيوتهن لان قريبات هنه ع اهلهن
مرت 3 اشهر اتخربطت شيرين وكعت اخذوهه طلعت حامل تعبت كلش بحملهه خطيه اجت العطله مال اكرم نجح لرابع مرحله
ضل شغل البيت كله عليه كل شهر احصل دشداشه لو منوعمتي لو من شيرين اصير تلعب الروح يله اذبهه شسوي مثلا هذه حالي صار حملهه 5 اشهر بده تون بعد ماتكدر تنزل لجوه قرررت عمتي انو تنطي غرفتي الي سويتهه اسويهه مطبخ الشيرين خاف تحتاج شي وهيه حامل واني انزل بالبراني انام عادي وي ماكان هوه هذه الماعنده بيت يلفي يتبهذل 😔
الحد هالحضه ماداخله الغرفه اكرم ابد ولاشايفتهه يكولون ميقبل اني هم الشغل البيه الشتغله حته خدامه مو مثلي واكول خيتي خطيه اساعدهه لان حامل وبيهه ولد بلكت اجيب بالسلامه 😥
مرت الايام بسرعه فد يوم دنيا الضهر وحاره موت نزلت اني جاي امسح بالارضيه نزلت شيرين بعدهه بشهر ال 8 بنهايت الثامن نزلت من الدرج زلكت رجلهه وكعدت كامت تصيح من الوجع كبل اجه اكرم كان نايم كالي بسرعه لبسيهه ناخذهه للمستشفى وعمتي تبجي واني ارتبكت صرت ثوله صاح بوجهي ولج بسرعه اشبيج 😠😠
ركضت لبستهه عبايه وحجاب واني هم لبست واخذناهه بسياره رجل عمتي
اني وعمتي واكرم احمد بالشغل مايدري وشيرين اصيح وتعض بيدي من كد المهه طلع دمي ماهتميت لان من كد قوه عضتهه الي حسيت بوجعهه عبالك بيه مو بيهه وصلنه دخلوهه عمليات بسرعه طلعوهه تهذي وتصيح كله بسبب لارا هيه السبب اني نزلت دموعي عادي لان موغريبه عليه الدنيا هيج تغدر بيه حته باختي اكرم يباوعلي بنضرات مافسرتهه عمتي ماقبلت كالت لج شبيج مخبله تهذي من البنك اي واحد هيج صدكت كلامهه خلو الطفل بالخدج بس زين يتحرك بس كالو سبوع ع مايدخل بشهره ونطلعه ضليت سبوع بالمستشفى طلعت شيرين ثاني يوم ضليت يم الطفل لو احمد لو اكرم وياي حته مامه ماعرف اسوي علمني المضمد كمت ارضعه حليب للصبح كاعده مافدليله تمددت لا عمتي مره جبيره مو مال هيج تعب واخواته ولااجن هم عدهن اطفال وشيرين عمليه يوم اكرم يبات وياي ويم احمد بس ليله منواليالي الي بات بيهه اكرم
اني جاي ارضع بالطفل سمو مصطفى
اكرم :يلوكلج اصيرين ام 😊
لارا😶😶
اكرم :استحت الحلوه😊
لارا:تفاجاة بكلامه صار سنه عدهم كلامنه قليل كلش مو ذاك الكلام اتفاجاءة بحجيه كلت احتمال يشاقه
اكرم؛
صار لارا سنه يمنه ماارتاح اذا مااشوفهه يوميه رغم مااحاجيهه بس احس وجودهه يسعدني بالبيت الصراحه معجب بيهه وهيه كبرت وعت وصارت احله من قبل🙈
بالي يمهه كل يوم باوع عليهه خاف مريضه بيهه شي رغم اشكد جنت ادور نسوان ماخليت وحده بنفسي بس هالبنت لفتت نضري اشكد قويه وشكد حلوه بس شكدر احجي اخاف احجي وتطلع عقلهه طفولي وتفضحني خليهه لماتفرج وحدهه من كتلهه يوكلج اصيرين ام خجلت اوف ياخجلههه يموتني رغم كانت تعبانه كلش ع الطفل وجهه اصفر انجيب اكل ماتاكل قليل حسيتهه متخربطه بس ماتحجي
لارا :احس بجسمي ضعف مالي قوه احجي تعبت كلش بس محد يحس شسوي ولو ابن اختي واجبي هذه اني امه من بعد شيرين كوه طلعونه واحنه بالطريق اني واكرم وكف يم محل ملابس واني بيدي صوفي كالي انزلي كتله شكو
اكرم:دنزلي شبيج
لارا :نزلت دخلني للمحل اختارلي تراك واحد دشداشه وشال وعطر ومعطر وشامبو اني صافنه عبالي الشيرين هديه لان جايبه صعدنه بالسياره بدون اي كلمه
صعدنه كالي هذني الج
لارا :الي 😞 وشنو المناسبه
اكرم :هيج هديه مني شنو حرام مثلا
لارا :لاعادي اشكرك اكرم الصراحه مجبوره اقبلهن كلش بحاجتهن😢
يتبع
.
.
.
.
أنت تقرأ
تمزقت طفولتي
Fiksi Umumقصه عراقيه تتحدث عن فتاه اسمها لارا عمرها(27) توفت امها و بعدها ابوها يا ترئ ما الذي حصل لها
