يا هيام القلب يا هاجس الروح وياسقى للي بخفايَاه علوم ومواويل

4

طلعت هيّام وهي رايّحه للمطبخ وغافله عن الصُوت الي ينده لأهله أول بالأصح ماسمعته وتصادفت أجسامهَم ببعض وتلاقَت عيُونهم ببعض و بسرعَه بديهه لفت هيّام لأجل ترجع ولكِن ألتوت نعلتها بالبَاب مما أدَى لسقُوطها على ظهرها وتفاجأت بمسكه هاجّس لها مع خصرها "بسم الله عليك" تخالطَت أنفاسهِم مع بعض وكان شعُور هيّام جدًا مُريب بحَضن هاجّس ووجهه قريب من وجههَا وأنفاسه خالطِت أنفاسها ليردَف هاجّس وهو ينطّق : شكل عجَبتس حضني بما أنتس ما ودتس تقومين منه
هيّام بعَدت عنه ،من شده توترها نطقّت : ل لا بس ما دريت ا انك هنا " ما استوعبت الي صار"
هاجّس وهو مبتسم على تعابِير وجهَها : ليت هالغلَط يكثِر يا هيّام القلب
هيّام بانت بوجههَا العصبيه : بأي حق تقول لي هيّام القلب! أنا هيام المطلَق ، أستحَاله تنسبنِي لقلبك!
هاجّس سحبهَا وهو يهمَس بأذنها : أنا لا بغيِت شي جبته ، لا تجبريِني وأحطتس براسِي وتصيرين مَلك لهاجّس ودنيّته
هيّام أردفت من شّده قرب هاجّس لها! وتنطّق : وأنا بنت المطلّق مافِي مثل عنَادي
هاجّس بأبتسامه خفيفَه : أصيِر أعند منتَس وأخذتس وأنتي راضيّه " دفعته هيّام ورجعت للبنات

عند هاجّس وهو حاط يدَه على قلبه ويعِض شفتَه : ألا أذا ما خليتَس ل هاجّس ومن أملاكَه الخاصه ما كووون هاجّس الشاعر وببتدي أول شعِري بتس يا بنَت مطلق
"مثَل الفرس ترى ماهِي سهَله قيّاد
ما هِي لكل الناس ترخيّ هيامهَا"

عند هيّام راحِت تغسل وجهها وتعدل شكلَها ودخلت عالبنات
هيّام : بنات أخوكم يناديّ
نجّد : أخونا ؟
حنيِن : بهالغرفه محد عنده أخو غيركمَ
مِزن : طول الوقت ينادون أنا تعبتَ رايحَه جايه
وعَد : لا تتحلطمين وأمشي قدامِي " مشو عند هاجّس"

عند حنين وهيّام :
حنيِن : ألا هيّام بسألك
هيّام : أسمعتس
حنيِن : مطحَس
قاطعتهَا هيّام : وش به مطحَس
حنيِن : يابنيه خليِني أكمل ، هو ليه يعني بعيد عنكم دايّم أشوفه مايحتك مع أيّ أحد كثير بس جالس لوحدَه! وفيه بروُد حتى هَرج مايهرج واجِد مدري غريِب هالأنسان
هيّام : تغير له سنتين ومال للهداوه أكثَر وكلنا كنا مستغربِين حتى نحاول نعدلّه لأجل مايصَاب بالأكتئاب ولكن للأسف عجزنَا فيه سوينا كل شِي وتعودنا عليه أذا تغير بقول هذا مو مطحَسنا
حنيِن : يعني بدون سبِب صار كذا؟
هيّام : السبب الله أعَلم به
حنيِن : طيب ماتفكروُن تزوجونه يمكن يتغيّر
هيّام : شوفي للأمانه أخاف نظلم البنت مالها ذنب لكن أن هو يبي يتزوج محد بيرفض طلبَه أبدًا!
حنيِن : قصدتس ياخذ عن حب ولا تقليديّ؟
هيّام : تقليديّ لا وألف لا لأن قلت لتس يمكن تنظَلم البنيه ولكن عن حب يمكن هالحَب يغيره لحال أفضَل ، ألا ماودتس تاخذينه أنتي تتناسقون قوه
حنيِن رفعت حاجبها : أنا اتزوجه؟ يعقبّ! أنا أصلَح أخذ لي واحد أنيق ومن مدينَه وش أبي بمطحَس! من زينَه!
هيّام وهي تهبدها : حلمتس ماراحّ يتحقق
حنيِن : ألا بيتحقق! هذا أملِي الوحيد أني أطلعّ من هالديره! بعييِش بعيد عنكم حتى ماراح تشوُفوني أساسًا
هيّام : ليه ماهِي عاجبتس ديرتَتس؟
حنيِن : ألا بس ياخيّ حلو التغييّر كذا أتزوج واحد من برا ومايعرفنَا وتصير حياتِي فوق ألا أخر عمري تبيني أخذ واحد راعِي بل
هيّام ناظرتها بطرف عين : أقول أعقلِي وخليّ عنتَس هالحركات
ولكن؟ للأسِف دار هالكَلام تحت سمعَ مطحَس" بما أن البنات فاتحين شباك الغرفه وكان هو جالِس تحت الشبَاك ولكن برا لأجل يتعاطى مسكَره الي يظنّ أنه راحتَه ومنجِيه من عذاب الدنيا
❓فلاش بَاك ❓
" بارت ١٤ "
مِزن وهي تسُولف مع هيّام وحنين ونجد تفاجأوا بدخول وعَد والأدهى ملامحها متوتره ، جلست على طرف السرير وهي تتنافض
أنتبهت لها نجّد! : يويلي ترجفين! "نطقت يمها وهي تنطّق : علميني من مزعلتس أذبحه لتس
مزن بصوت عالي : حنييين أفتحِي الشباك بسرعه ماتشوفين البنت مكتومه!
حنيِن : "نطت وهي تفتح الشباك "لأجل يتهوون!
مزن : في أحد مهاوشتس؟ شوفو شلون ترجف بروحي عنها!
حنيِن : أعوذ بالله سمي بالرحمن وتعوذي من الشيطان"