يا هيام القلب يا هاجس الروح وياسقى للي بخفايَاه علوم ومواويل

13

البــارت الـثــالــث عــشــر ........

~~~
صباح اليوم التالي
أبو هاجس : يعني خلاص مقرر
هاجس:الديره ضايقه بي
أم هاجس : يمه لا تروح
هاجس وهو يبوس يدينها : يمه ان قالها الله ماني مطول
وعد : متى بتجي
هاجس : لا زانت النفسيه والاوضاع

أنتهى اليوم برحول هاجس من ديرته وموطنه ومحبوبته أخر شعره ما بين حب وصدمه وعدم أستيعاب ولا عاده يعرف نفسه وويش جاه!؟ هيامه الي بادي يحبها وتشد بصدر هاجس مبانيها من دون رغبه ولا طلب منها ،سوا بها هالسواه ما أسوء الحب ! أول نظرة وأول صدمة طرى على عقله هيامه ما لها ذنب ظلمها بشيء مالها ذنب دامها بادي يحبها الثقه لازمه بين المُحبين وهيام ! ما ظنتي قد أذت لها نملة وهاجس الي أسمة يعبر عن أفكاره ظلم بنت حبها بصادق الأحساس ما بين خوف ومشاعر متلخبطه وخذلان الحياة ما عدلت لكن!؟ كل شخص بياخذ جزاة  الشخص الي يحب بصادق الأحساس ويخاف على سمعة محبوبة ويخاف عليه من نسمة الهوى وأنا؟ متشفقة على لمسة يدين حبوبي شفاقة الي يمنعني ! خوفي من رب العالمين والتالي سمعتة لكن هاجس كشخص بادي يحب شوه سمعه محبوبته؟ قدام الملأ هذا وهو تو بادي يحب والي متعلقٍ له بواحدٍ كم سنة يرجي ضما شفاهه ضما بغيتك بغية يا وليف القلب بغيتك بالحلال الشريف وحبي لك ماجا من تسلية حبيتك بصادق الأحساس خوفي أكتب عنك! ويعرفون الناس من المقصود وش يطفي غيرتي وهم ما يعرفونك ! كذب الأفكار الي تراود عقله بين كل حين ألا يكذب نفسه
-
اتنقل ! بين ضواحي الدنيا و مغاربها
ارتجي بـ طريقٍ يردني لك يا اغلى الاوطان
- مالي على فرقا الوطن قدره و وحيله  -

~ صلاة الجمعة
الكايد : هلا ومسهلا
الكاسر : مرحبا ومسهلا
الكايد : وشلونك وش علومك
الكاسر :  حمد لله وش علومك انت
كايد : بخير نحمد لله مطول الغيبات!
كاسر : أبد والله موجود انت ما عاد لك حس
كايد : الدنيا اشغال يالرفيق
كاسر : اييه تقول لي اشغال عسى مهب اشغالك الاوله!؟
كايد : ا تعال الصلاه
كاسر : ايه ايه الله يتقبل !

~ وقت التسليم من الصلاة
بصوت عالي : السلام عليكم ورحمة الله
كايد : شفت الي قبالنا
كاسر : ايه علامهم
كايد : ناويلهم نيه
كاسر : عشى ما شر !؟
كايد : تجمعو علي البارحه
كاسر : قهووك !؟
كايد : قهوتي لاخليهم ماينسونها
كاسر : تعرفهم ! بينك وبينهم معرفة! مشكلة شي !؟
كايد : لا يا ابن الحلال عرفت واحد يعرفونه ومتزاعل معهم وقبو علي كل ابوهم
كاسر : كلهم عليك !؟
كايد : علي الحرام
كاسر : ابشر باللي يرضيك ويسر خاطرك
كايد : علي الحرام انك كفو يلوموني فيك !؟

~ هاجس بمحل السيوف
فلاح : اقول يا بلال طلع السيوف والبشوت الجديده وعلقهم
هاجس : اقول ما ودك تجيب القهوه؟
فلاح التفت يمه : هاجس ! تو ما نور المحل يا هلا ومسهلا
هاجس : هلا فيك
فلاح : وينك وين ديارك ما عدت اسمع اخبارك !
هاجس : موجود وجيتك تردني !؟
فلاح : كلي فداك
هاجس : تحرجني
فلاح : علام وجهك مصفر !؟
هاجس : ما كليت شي
فلاح: افااا ويش العلم!
هاجس : يقولون تسوي كبسه تهول القلب!
فلاح بغمزه : ودك بها؟
هاجس : علي الحرام اي والله
فلاح : يا بلال انتبه للمحل
هاجس : وين!؟
فلاح : امش الكرفان
هاجس : عساك ترقد هنيا !
فلاح : اي بالله راس الديره ومكان ما به احد غيري
هاجس : ما شاء الله ما شريت لك بيت!؟
فلاح : لا وش ابي به ذا يكفيني وزود
هاجس : بتعيش به للابد !
فلاح : لين تجي بنت الحلال عاد بعدها نشوف
نزل هاجس راسه وتنهد
فلاح : علامك
هاجس : صارت مشاكل
فلاح : اعوذ بالله وشنهي !
هاجس : اختي ماتت
فلاح : اعوذ بالله الله يرحمها متى صار !؟
هاجس : قبل كم يوم
فلاح : لا حول ولا قوه الا بالله يا هاجس داري مو هين لكن دربنا! وسنة الحياة كلنا راحلين!
هاجس : مو بس المشكلة الوحيدة
فلاح : اجل !

..