" အား ကျွတ် ကျွတ် အမလေး !"
တစ်ကိုယ်လုံး ကိုက်ခဲနာကျင်နေ၍ လူကလှုပ်မရအောင်နုံးချိသွားကာ ဗိုက်ထဲမှလည်း တရစ်ရစ်ဖြင့် အောင့်နေပါသေးသည်။
ညနေ ၆ နာရီခွဲအချိန်မှ နားခွင့်ရကာ ထိုအိမ်ကြီးထဲတွင်မဟုတ်ဘဲယခင်ပျဥ်အိမ်ကလေးဆီသာ နေခွင့်ပေးခဲ့သည်။
ခြေလှမ်းတို့ ချနင်းလိုက်သည်နှင့် ခြေဖဝါးတွင်ဖုန်မှုန့်တို့ကပ်ပါလာသည်ဖြစ်လို့ စိတ်မသန့်ကာ တံမြက်စည်းအားရှာနေမိပါသည်။
" ဟပ် ဟပ်ချေး! "
တချက်တချက် နှာပါချေးသေးသည်။
" သမီး ကလေးမလေး "
" ဟင် ကြီးကြီး ဒီကို ဘယ်လို..."
သူမ ရှိရာအိမ်ကလေးဆီသို့ ဦးတည်ရောက်ချလာသည့် အိမ်ထိန်းအဒေါ်ကြီးအား တအံ့တသြကြည့်ကာ ရေရွတ်လိုက်သည်။
" သမီး ဒီမှာနေရတာအဆင်ပြေရဲ့လား "
" ဟုတ် ပြေပါတယ် ကြီးကြီး "
ဒါကတော့ သူမကိုယ်သူမရော အဒေါ်ကြီးကိုပါ
လိမ်၍ပြောလိုက်ခြင်းဖြစ်၏။
" ဒီမှာဒေါ်ကြီးသမီးလိုမယ်ထင်တဲ့ဟာလေးတွေ ယူလာတယ် "
" ဟင် ဟုတ်ကဲ့ ကြီးကြီး ကျေးဇူးများကြီးတင်ပါတယ်နော်..ငယ်လဲအခုပဲသန့်ရှင်းရေးလုပ်ဖို့ပြင်နေတာ အတော်ပဲဖြစ်သွားတာပေါ့ "
အဒေါ်ကြီးသည် သူမအတွက် အိပ်ယာခင်း ၊ ခြုံစောင် ၊ သဘတ် ၊တံမြက်စည်း ၊ ရေခွက် ၊ သွားတိုက်တံ ၊ စသည့် အသေးအမွှားပစ္စည်းများကအစ လက်တပွေ့တပိုက်တွင်
ထည့်ကာပေးပါ၏။
" ဒါနဲ့လေ ကြီးကြီး "
" ရေက ဘယ်နားမှာချိုးရမှာလဲဟင် ငယ် မတွေ့မိလို့ "
သူမအမေးကြောင့် အဒေါ်ကြီးမှ အနည်းငယ်
စဥ်းစားဟန်ပြု၍...
" ဒီနေရာနဲ့ မလှမ်းမကမ်းမှာ ရေတွင်းနဲ့ရေချိုးတဲ့နေရာလေးလုပ်ထားတယ် သမီး ဒေါ်ကြီးတို့အလုပ်သမားတွေအကုန်လုံးအဲ့မှာပဲ လျှော် ချိုး လုပ်ကြတယ် "
" သြော် ဟုတ်ကဲ့ ကြီးကြီး "
" အေးပါကွယ် ဒါဆို ဒေါ်ကြီးသွားမယ်နော် တစ်ခုခုအဆင်မပြေတာ လိုအပ်တာရှိရင်ပြောနော် "
YOU ARE READING
အမုန်းတို့ဖြင့်....ထုဆစ်ထားသော (OC) Paid
Romance(both Unicode + Zawgyi) ဟုတ်တယ် ကျုပ်က ခဗျားတို့ပြောပြောနေတဲ့ အိမ်ဖော်မရဲ့သားပဲ...။ အဟက်! မင်းအတွက်တော့စိတ်မကောင်းပါဘူး.. မင်းရဲ့တစ်မိသားစုလုံး ကျုပ်ခြေဖဝါးအောက်ရောက်ဖို့ မင်းကို စတေးရလိမ့်မယ်...။ တိုက္စစ္မႉး + သဲႏုငယ္ ဟုတ္တယ္ က်ဳပ္က ခဗ်ားတို႔ေျပ...
