" သား...သားညီမလေးရဲ့အခြေအနေ
ဘာထူးလဲဟင် ပြန်ပေးသမားတွေနဲ့ ညှိလို့ရလား
သူတို့က ဘယ်လောက်လိုချင်တာတဲ့လဲ
သမီးလေး ဘေးရောကင်းရဲ့လားကွယ် "
မိုးထက်မြတ်သည် မိခင်ဖြစ်သူ ဒေါ်ဒေစီအောင်၏ စိုးရိမ်မေးခွန်းများအား ပြန်မဖြေနိုင်တော့ဘဲ ငေးစိုက်စိုက်ဖြင့်သာ အံကိုကြိတ်ထားလေသည်။
သူ့ရှေ့၌ ညီမဖြစ်သူအား ကြိမ်ဖန်ပေါင်းများစွာကိုယ်ထိလက်ရောက် ကျူးလွန်နေသည့် ပုံရိပ်တို့ကထပ်တလဲလဲဝင်ရောက်လာကာ အလွန်တရာမှမုန်းတီးလှပါသော တိုက်စစ်မှူးဟူသည့် ထိုလူထံမှာမှ လက်နက်ချအရှုံးပေးရသည့် အဖြစ်ကြောင့် ယူကြုံးမရကာ လူသတ်ချင်စိတ်တို့ ဖြစ်ပေါ်နေပါသည်။
မိုးထက်မြတ်၏စိတ်ခံစားချက်နှင့် အမူအယာတို့ကို ရိပ်မိသူမိုးမြတ်မြင့်မှာတော့ သက်ပြင်းအခါခါချကာ မိုးထက်မြတ်၏ပခုံးအားနှစ်သိမ့်ဟန်ဖြင့် ပုတ်လိုက်ပါသည်။
" ဘာလို့ မေမေမေးတာကို တစ်ယောက်မှမဖြေကြတာလဲ ဒီအမေကို အကျိုးကြောင်းလေးပြောပြကြပါအုံး သားတို့ရယ်မေ့သမီးလေး ဘာတွေဘယ်လိုဖြစ်နေပြီလဲ ကောင်းကောင်းမှ
စားရရဲ့လား အသက်အန္တာရာယ်မှကင်းရဲ့လား အဟင့်အမေရင်ကျိုးပါပြီသမီးလေးရယ် "
မိခင်ဖြစ်သူမှ ယူကြုံးမရစွာဖြင့်ရင်ဘတ်စည်တီး
ကာ အော်အော်ငိုငိုလုပ်နေခြင်းကြောင့် မိုးထက်
မြင့်နှင့် မိုးထက်မြတ်တို့ ညီအကိုနှစ်ဦး တစ်ယောက်မျက်နှာတစ်ယောက် ကြည့်ကာ မျက်နှာပျက်နေကြလေသည်။
" မေမေ ညီမလေးက ဒီအနီးဝန်းကျင်မှာပဲရှိပါတယ် "
" သား သားဘာပြောလိုက်တယ် သမီးလေးက ဒီအနီးဝန်းကျင်မှာပဲရှိနေတယ် ဟုတ်လား "
"ဘယ်မှာလဲ သမီးကအခုဘယ်မှာလဲ "
" ဒါပေမဲ့ ညီမလေး ပျောက်သွားရတဲ့အဓိကအကြောင်းရင်းကတိုက်စစ်မှူးဆိုတဲ့ အစေခံမရဲ့ သားကြောင့်ပဲ မေမေ "
" ဟုတ်တယ် ကျွန်တော်တို့ကို မကျေနပ်လို့ ညီမလေးကိုအခုလိုလုပ်သွားတာ "
မိုးထက်မြင့်သည် မိုးထက်မြတ်၏စကားအားထောက်ခံကာ ထိုသို့ထပြောလိုက်ပြန်သည်။
YOU ARE READING
အမုန်းတို့ဖြင့်....ထုဆစ်ထားသော (OC) Paid
Romance(both Unicode + Zawgyi) ဟုတ်တယ် ကျုပ်က ခဗျားတို့ပြောပြောနေတဲ့ အိမ်ဖော်မရဲ့သားပဲ...။ အဟက်! မင်းအတွက်တော့စိတ်မကောင်းပါဘူး.. မင်းရဲ့တစ်မိသားစုလုံး ကျုပ်ခြေဖဝါးအောက်ရောက်ဖို့ မင်းကို စတေးရလိမ့်မယ်...။ တိုက္စစ္မႉး + သဲႏုငယ္ ဟုတ္တယ္ က်ဳပ္က ခဗ်ားတို႔ေျပ...
