"အစ်ကိုတော်"
"ဟင်.."
လေးပစ်ကျင့်နေစဥ်ညီမတော်ရောက်လာတာ
ကြောင့်မင်းသားဂျီဟွန်းလေးတံကိုပြန်ချကာလှည့်
ကြည့်လိုက်သည်။
ဒီအထိရောက်လာပုံထောက်ရင်တစ်ခုခုအလိုရှိလာပုံ
ရသည်။
မျက်ခုံးတော့ခပ်လှုပ်လှုပ်ပင်။
မင်းသားဂျီဟွန်းကမိဖုရားအငယ်မှမွေးဖွားသည့်
ဒုတိယမြောက်သားဖြစ်သည်။
မင်းသားဂျီဟွန်း၏အထက်တွင်အသက်သုံးနှစ်ကွာ
သောအစ်ကိုတော်ဂျီဝမ်တစ်ယောက်ရှိသေးသည်။
အိမ်ရှေ့စံဂျီရှင်းနှင့်မင်းသားဂျီဝမ်ကအသက်တစ်နှစ်သာကွာပြီးဂျီဟွန်းနှင့်ဂျီဆူးကသုံးနှစ်ကွာသည်။
မိဖုရားတစ်ပါးဆီကမွေးကြသည်ဆိုပေမယ့်ဂျီဟွန်း
ကဂျီဆူးအပေါ်အင်မတန်အချစ်ပိုသည်။
ဂျီဝမ်ကတော့ထိုသို့မဟုတ်ချေ။
"ဘာလဲဆူး...ဘာလိုချင်လို့လဲ"
"အစ်ကိုတော်ကတော်လာပြီပဲ"
မင်းသမီးကအစ်ကိုဖြစ်သူကိုပြုံး၍ကြည့်ကာ
"ခမည်းတော်ဘယ်နေ့အမဲပစ်ထွက်ဦးမလဲသိချင်လို့"
"ဆူးကဘာလို့သိချင်တာလဲ"
"လိုက်ချင်လို့လေ"
"ဟမ်..."
ဂျီဟွန်းအလန့်တကြားဖြင့်ညီမတော်ကိုကြည့်လိုက်
သည်။
ထို့နောက်
"မဖြစ်ပါဘူး...အန္တရာယ်အရမ်းများတာ
ခမည်းတော်ကလဲလိုက်ခွင့်ပေးမှာမဟုတ်ဘူး"
"အစ်ကိုတော်...လေးတံပေး"
"ဘာလုပ်မလို့လဲ"
"အစ်ကိုတော်နဲ့ ညီမတော် လေးပစ်ပြိုင်မယ်
ညီမတော် နိုင်ရင် ခမည်းတော်ကို ဆူး အမဲပစ်
လိုက်ဖို့ရအောင်ပြောပေးရမယ်
ဘယ်လိုလဲ"
"မဖြစ်ပါဘူး ဆူးလေးရာ အိမ်ရှေ့စံကလဲ.."
"ညီမတော်ကအစ်ကိုတော်ကို
အကူအညီတောင်းနေတာအစ်ကိုတော်ကလက်
မခံဘူးဆိုတော့အကြမ်းနည်းသုံးမှရတော့မယ်
ထင်တယ်"
"ဘယ်လို"
မင်းသမီးလေးကပတ်ဝန်းကျင်ကိုတစ်ချက်ဝေ့ကြည့်
ကာအနီးအနားမှာဘယ်သူမှမရှိတာ
သေချာမှအစ်ကိုတော်ဖြစ်သူနားနားသို့ကပ်၍လေသံ
တိုးတိုးဖြင့်
