السبع حواديت

مدرسة الحوريات

الشيخ زايد
الساعة الثامنه و النصف صباحا
مريم موجهة حديثها لحارس العقار: سلام عليكم
الحارس: و عليكم السلام و رحمة الله وبركاته اهلا وسهلا طالعة لمين يا عروسه
مريم : انا اللي هسكن في الشقة الفاضيه اللي في الدور السادس
رد عليها الحارس مستبشرا: انتِ الست مريم
ردت مريم: اه و حضرتك اسمك إيه
رد الحارس: اسمي عبد الدايم يا ست الكل
ردت مريم: ماشي يا عم عبد الدايم اهلا وسهلا كنت بس عايزه حد يطلع معايا الحاجات الباقيه
عبد الدايم: امرك يا ست هانم ابني حسين هيطلع معاكي بس قليلي صح انتِ هتسكني في الشقة لوحدك مقصدش حاجه انا بس احب استفسر
ردت مريم محاولة كبت غضبها: لا يا عم عبد الدايم انا زي ما تقول كده مقطوعه من شجره بابا و ماما ماتوا و بابا مقطوع من شجره و اهل ماما مسافرين
رد عبد الدايم: حقك عليا يا ست الكل
مريم: ولا يهمك ممكن حد يطلع معايا الحاجات
_______________________________________
طلعت مريم و معها حسين ابن الحارس لشقتها في الدور السادس كانت شقة صغيره مكونه من غرفتين و صاله و مطبخ صغير
مريم: بص حط الصندوق ده هناك كده و انا هدخل الاوضه و هنده عليك يا حسين يلا
حسين: اوامرك يا ست الكل
دخلت مريم لأحدي الغرف كانت صغيره و لم تكن قد اشترت لها اثاث بعد
مريم: ياربي بلاطه مكسوره
ذهبت مريم لرؤيه تلك البلاطه فوجدت كتاب
مريم في نفسها: إيه الكتاب ده
حسين: يا ست الكل في حاجه اساعدك فيها
مريم : لا يا حسين و تعالي خد دي ليك و دي لزينب اختك الصغيره تجيب بيها حاجة حلوه
حسين: ربنا يخليكي يا ست هانم
_________________________________________
مريم: اما نشوف الكتاب ده بيقول إيه
بدأت مريم في القرائه و وجدت اول صفحة تقول
قد انهي الفصل الأول مغامر سابق و الأن حان الدور للمغامر الجديد عليك تحمل عواقب قرأتك للكتاب
مريم ببلاهه: اه ده مجموعة قصص و ده الجزء التاني
بدأت مريم في القرائه ثم قالت في نفسها: إيه العبط ده حوريات إيه و بتاع إيه انا هنام
____________________________________
استيقظت مريم بفزع ثم قالت : انا إيه اللي جابني هنا