اقتبااااس
اول ما شافتها رايحة ناحية السلم بصت حواليها برعب وقالت بصوت واطي
_انتي بتعملي ايه هتودي نفسك في داهية
.... بلعت ريقها بخوف وقالت بقلة حيلة
_هتموت لو منزلتش ليها..لازم تأخد اي جرعة ماية حتى
_انتي عارفة انه ممنوع ننزل ليها او نساعدها بأي شكل من الاشكال
_ايوة بس بس دي روح بردو مهما كانت ومهما عملت مش هينفع نسيبها تموت كدا حرام والله
_روحي قوليله الكلام دا
_انا تعبت من قسوته وتحكماته دي مبقتش قادرة اتحمل
_ومين متعبش بس اسمعي الكلام يا .... بالله عليكي هتعرضي نفسك لعقابه
_وهو اللي احنا فيه دا مش عقاب دا سجن مشدد انا هنزل اساعدها وان شاء الله مش هيعرف
_لا يا ... ارجوكي مش عايزة اخسرك بالله عليكي
_لو خايفة سيبيني انتي وامشي
ولسه .... هتتحرك خطوة لقدام
لقته بيصقف لها
_لا برافو عليكي عجبني شجعاتك دي اوي
.... اترعشت وبدأت تنتفض بخوف
فضحك بسخرية _ايه دلوقتي عاملة انك بتخافي ما كنتي هتعصي اوامري وتنزلي تساعديها ها
بلعت ريقها برعب اكتر لانها عرفت انها خلاص هالكة لا محالة
مقدرتش حتى تلف وشها ليه وغمضت عنيها بخوف وحست بحاجة جامدة بتضغط ع أيدها هتكسرها ففتحت أيدها فلقته ماسك ايدها جامد وبيبصلها بشر
_بتعصي اوامري يا ..... رغم تحذيراتي المشددة ليكي
قالها وضربها بالقلم وقعها ع الارض والدم خرج من بوءها
.... صرخت ع اختها
_... .. اا ارجوك ارجوك سامحها بالله عليك مش هتعمل كدا تاني
.... قامت وقفت وقالت بقهر
_انت ايه يا اخي اتحولت لإيه ازاي بقيت كدا ازاي بقيت من غير قلب بالشكل دا انا بقيت بكرهك وبكره المكان اللي انت فيه دا
ضربها تاني بالقلم_ الظاهر اني معرفتش اربي وانك عايزة تتربي من جديد
.... بزعر
_لا لا بالله عليك يا ابيه سيبها سامحها المرة دي هي.. هي مش عارفة بتقول ايه
..... بحدة_ لا انا واعية لكل كلمة بتقولها وقبل ما تربيني ربي نفسك الاول
بصلها بعيون كلها شر وقال ل....
_روحي انتي ع اوضتك اما اختك فحسابها معايا عسير
مسكت ..... ايده تترجاه
_لا لا بالله عليك بالله بلاش.. بالله عليك
_قلت روحي ع اوضتك والا مصيرك هيكون زيها
جريت .... ع اوضتها بخوف
اما هو فنادى ع قدرية
_قدرية انتي يا نيلة
_امرك يا بيه
_خدي الغبية دي على اوضة العقاب ومتخرجش منها الا بأذني مفهوم
_امرك يا بيه
... بخوف_ لا لا كله الا الاوضة دي بالله عليك بالله عليك يا ......
اول ما سمع الاسم دا ارتبك وبصلها بحنان لكنه سرعان ما اتحول للوش الشرير تاني اللي معندوش قلبي وقال بصرامة _خديها من قدامي
فضلت ... تعيط
_لاا لا بالله عليك انا بترعب منها
قال بصرامة _يلا
