"استغفرالله واتوب اليه"
_
"في منطقه الرياض"
وصل اخته جامعتها وانطلق لدوامه وصل لمكتبه جلس على كرسيه ينظم اوراق تخص شغله كان مشغول في الاوراق وقطع عليه رسالة من جواله ومحتوى الرساله:حاكم اذا خلصت تعال للمطعم نتغدا سوا
رد:ابشر بس مر على حنين معك
قفل جواله اول مادخلت عليه السكرتيره تعطيه الاوراق عدل جلسته ياخذ الاوراق ويرتبها وبعد مرور وقت انتهى من بعضها وترك بعضها لوقت ثاني نزل لسيارته وحرك للمطعم
_
تنتظره عند البوابه صاده الشمس بيدها عن عيونها وقف عند البوابه وكان يضرب بوري فتحت الباب ورمت شنطتها عليه وركبت وصدت للطريق ماتبي تناظره
وليد:شفيك
حنين:ابد سلامتك
وليد:قولي
حنين:لهدرجه وليد متأخر جتني ضربة شمس وانا انتظرك
وليد:وريني وين ضربتك
حنين:سخيف وين حاكم ليش ماجاني
وليد:ينتظر في المطعم بنتغدا هناك
حنين لفت عليه:صدق
وليد:ايه
حنين رجعت ظهرها بهدوء واخذت جوالها ترسل فيه
وليد:انزلي وصلنا
نزلو لحاكم الي ينتظرهم وطلبو لهم غدا
حاكم:كيف يومك
حنين:حلو
وليد:بدت الاجازه الحين الكل بيجي لجدتي
حنين:اول مانرجع بطلع فوق انام لا اشوفك تجيني
حاكم:لاتطولين في نومك عشان تروحين للبنات تحت
وليد:توصيها ذي الحين ترجع تنام وتصحى قبلنا تتجهز
وصل الاكل واكلو وبين مزح وسوالف عن يومهم رجعو للبيت
وسلمو على جدتهم وجدهم وطلعو فوق لبيتهم وكل واحد راح لغرفته ونام
-
"في ابها وتحديدا بيت ابو نادر"
ام نادر:نادي اختك تساعدك
غرور:خليها تخمد لان لو جات بتبلشنا
ريوف:افا انا ابلشكم؟
غرور:لا ابد
ريوف:وبعدين يمه ليش تسوين الاكل من الحين؟
ام نادر:جدك غسان يبينا نتجمع بدري اليوم
ريوف:طيب يمه خالاتي وخوالي كلهم بيجون؟
ام نادر:ايه
ريوف:حتى خالتي ساره وخالي فلاح؟
ام نادر:ايه
ريوف:وبناتهم فيه؟
ام نادر:مدري
ريوف:طيب ابوي وينه؟
ام نادر:ريوف ابلشتيني روحي عني لا احط الصحن في وجهك
ريوف:فطوم شفيك ترا بس سألت
غرور:بدال الهرج روحي تجهزي لأن بنروح بدري
ريوف مشت وطلعت للغرفه فتحت دولابها وبدت تطلع لها لبس
دق نادر باب الغرفه
ريوف:ادخل
نادر دخل وتكلمت ريوف:من ووش تبي؟
نادر:بسم الله وينك انتي؟
ريوف طلعت من تحت كومة الملابس:هنا وش تبي
نادر:وش حادك تدخلين في ذي الكومة؟
ريوف:اوف نادر مالقيت لي لبس حلو بروح اخذ من عند طلال واخذ منها
نادر:لو شافك بتودعين
ريوف:معليه ماراح يعرف وش كنت تبي
نادر:اخلصي بنروح الحين
ريوف:يلا اجل دقايق
راحت لغرفه اخوانها وفتحت دولاب طلال واخذت منها بلوزه باللون الازرق وكملت تدور
دخل طلال الغرفه وقفل الباب بهدوء وراح يوقف وراها وتكتف
اخذت نفس البلوزه وبلوزه ثانيه باللون البيج ولفت بتطلع
وصرخت
_
"في بيت الجد عامر"
"اذن العصر" صحو العيال وتوضو وراحو المسجد مع جدهم وكانت حنين تتجهز عشان تنزل لجدتها ورجعو العيال من المسجد
وليد:ماعرفتك انتي مسويه ذا؟
حنين تبخر نفسها:اي شرايك
وليد:بذوقه عشان تعرفين رايي
حنين:شوف في صحن خليت لك فيه
وليد اخذ قطعه:حلو
حنين:امش نزلنا لجدتي
اخذت حنين الصحن ونزلت هي ووليد لجدتهم
لميس ابتسمت وهي تشوفهم مع الدرج:الله يحفظكم
حنين:ابتسمت:امين وياك جا احد؟
لميس:لا يقولون على وصول
حنين:راحت المطبخ ولميس ووليد جلسو يسولفون
وليد:اكيد وصلو بروح لهم برا
لميس:بروح لحنين روح لابوي انت
طلع وليد لهم برا وشاف اعمامه وعيالهم راح جنب حاكم يسلم عليهم اما الحريم دخلو من الباب الثاني وكانو يسلمون على بعض وطلعو العبايات وجلسو عند الجدة و البنات في المطبخ كانو يرتبون الحلويات ويسوون القهوه
لميس:حنين عطيني البُن
حنين اخذت البُن:خذي انا بحط الحلويات
روان:حطي من كل نوع واحد
جود:روان افتحي ذا الحلا وحطيه
خلصو البنات واخذو الحلا والقهوه للحريم يتقهون كلهم كانت جلستهم حلوه و الجدة فرحانه بلمتهم بناتها واحفادها وحرمة ولدها كلهم حولها
لميس:احترام شوي تراني عمتك
جود تضحك:اسفين عمتي
حنين:وش كنتو تقولون انتي ووليد يوم رحت
لميس:عمة تسولف مع ولد اخوها يعني اسرار بينا
جود:امحق اسرار
روان:متأكدة عمة تسولف مع ولد اخوها؟
انوار:ماظنتي الي اعرفه كل شوي متهاوشين كيف صرتو عمة وولد اخوها
لميس:لا ذا زمان الحين متصافين
حنين:من كثر التصافي امس يتصافقون وجدي عاقبهم
جود:عشقي جدي وش سوا لهم
لميس:خفايف اخذت لي ضربتين وهو ضربتين ونظفنا
الجدة:يحريم ادخلو العيال بيجون يسلمون علي
دخلو الحريم ومابقى الا البنات وتغطو دخلو عيالها واحفادها وسلمو عليها وسولفو مع امهم كانو البنات يسولفون ولميس مزحت مع روان:يا ام راس وخري عني
روان:يبه شوف اختك تقول لي ام راس يرضيك
مالك:مايرضيني وانا ابوك تعالي وضم كتوفها
لميس تطقطق على بنات اخوانها وكانت كل وحدة تتعزوى بابوها وطقطقت على حنين وقام حاكم وضم حنين قام وليد:افا وانا اخو حنين اوريك اذا ما صفقتك شوي
لميس:ماتقدر ابوي فيه
الجد:وليد خلها لا اقوم لك
وليد:عشان جدي ولا ماني فاكك
لميس:اقول طس
وليد:جدي بنتك بقوم عليها
الجد:قومو ما ينقعد معكم خلونا نروح في المجلس
راح الجد وراحو العيال معه ودخلو الحريم يكملون جلستهم
_
في بيت ابو نادر
صرخت:يمه طلال يا بزر طلع صوت شي لو وقف قلبي من هدوئك ذا
طلال:وش تسوين؟
ريوف:بس كنت بحط ذي في الغساله
طلال:بس اللبس نظيف
ريوف:لا شوف فيه بقع
طلال:روحي واذا تبينها ثاني مره لاتكذبين
ريوف باست راسه:شكرا فكيت ازمة
طلال:العفو
طلعت ريوف ولبست وتجهزت وسوت شعرها ونزلت تحت صراخ غرور
ريوف:خير شفيك؟
غرور:اخلصي تأخرنا
ركبت وحرك نادر السياره وبعد دقايق وصل لبيت جدة
نزلت ام نادر وبناتها باكلهم ودخلو بيت غسان الي كان بيته مشابه لقصر
شافو الكل مجتمع على الغدا ونزلو عباياتهم وجلسو على الارض
الجدة(فضة):جميله وين بنتك؟
جميله:بتجي
شوي ونزلت ثريا من على الدرج وجلست جنب ريوف
ريوف بهمس:اذا خلصتو تعالو لمكاننا
هزت ثريا راسها بصمت
انتهو من الغدا وقامت ريوف وغدير وثريا خلفها وجلسو في مكان خلف البيت
_
"اذن العصر"
راح الكل يصلي ورجعو البنات الغرفه والعيال المجلس
وسام:وسن جود قومو نروح الحوش طفش
حنين:لا تروحون خذو من الحلويات وارمو اكياسها في الحوش
وسن:افا عليك ماطلبتي شي
لميس:خليني اشوف كيس بس
قامت جود مع وسن ووسام
حنين لفت تسولف مع روان ولميس تسولف مع دلال وانوار
"في الحوش"
صالح:يوه نمر اخلص لا يجي جدي
ضربت الباب وطلعت من وراه:شعندكم
نمر:وجع وسام وش ذي الحركات فجعتينا
وسن:تدخنون؟
صالح:لانلعب وش تشوفين يعني
جود:لو شافكم جدي رحتو فيها
وليد:اذا انا مصفق خالتكم نظفت الحوش انتم بتبنون البيت
راكان:وجلد كل ساعه مع اعمال شاقه
نمر:بسم الله من وين طالعين انتم
صالح:من كثر مصايبكم عارفين وش بيسوي فينا
وليد:يقول علم اغلاطك غيرك يتعلم منها
راكان ضربه على راسه:انت تعلم منها عشان تعلم غيرك
نمر:وسام ادخلو البيت
دخلو البنات المطبخ جود تحط من الحلا ووسام تصب لها قهوه
وجلسو في الارض ياكلون
_
"في المجلس"
قام كنان باستعجال وطلع لسيارته وحرك "لمكان بعدين نعرفه"
الجد:ذا وين طاس؟
مالك:يقول عنده شغل
راكان يهمس لوليد:على طاري كنان في سالفه بقولها قم
قامو وقال الجد:على وين؟
وليد:بنشم هوا ونجي
مالك:توكم جايين ما كفاكم الهوا
وليد:لا يعم لازم نجدد كل ساعه
الجد:ما صار لك ساعه من جيت
راكان:النفس يبي يتجدد ي جد مايهم الوقت
مالك:اقنعوني يبه خلهم
راحو وهم يضحكون وجلسو على عتبة الباب الخلفي للبيت
وليد شاف ملامحه تغيرت:راكان قول شفيك
راكان بضيق:ابوي اشغلني يبي ابيع واتاجر معه
وليد:سويت شي من الي قاله؟
راكان:لا لا انا احاول ابعد عنه ما بينا نقاش
وليد:انتبه لنفسك ولنمر لا يضيع ابوك شبابه
راكان:ابي اشكي عليه بس امي تمنعني
وليد بصدمه:لا ياراكان ذا ابوك انصحه يمكن يلين مع النصيحه لاتشكي عليه مابيك تجرب شعور الفقد الي جربته
راكان:وليد مو كل اب اب خالي الله يرحمه كان طيب معكم بس ابوي اقسى قلب شفته شفت خواتي الي جوا يحطمهم ويضربهم انا ونمر يغصبنا نتاجر معه في الزفت حقه هذا اب ي وليد؟
وليد ماتكلم وكمل راكان:خل ذا الموضوع انا شاك في كنان
وليد:كيف شاك فيه
راكان:احس له يد مع ابوي بس ما تأكدت
وليد:اقول راكان شرايك نروح
راكان:وين نروح
وليد:اي مكان انا بروح لصالح ونمر تعال
راح وليد يطق الباب فتحت له روان:صالح ونمر هنا
روان:اي ادخل هم في الغرفه
راكان فتح الباب:قومو بنروح
صالح:وين بنروح
وليد:بنطلع
نمر فز:قم ي صالح
صالح:قمت ي المصفوق مشينا
طلعو كلهم على سيارة راكان وراحو اقرب كوفي من بيت جدهم
اخذو لهم مكان وجلسو ينتظرون طلبهم
صالح:يعيال بنطلع للبر
راكان:مشتاق لجلسات البر
نمر:اجل خلوه بعد العشا نروح ونتعشى هناك
وليد:تم
_
في بيت الجد غسان عند البنات
ريوف:ابلشتني كيف طلال وانتي اخته من امه وابوه وهرج فاضي
ثريا:اي ووش قلتي؟
ريوف:قلت لها اي بخير ونشبت لي طول اليوم
غدير:احس حرام
ريوف:حرام وش اقو..
وقاطعها جمال من خلف الجدار:وش الي حرام
ريوف:شتبي انت؟
غدير:جمال ووجع ارجع لاتجي ترا مو متغطين البنات
جمال:ها تغطيتو؟
ريوف:نعم لا ارجع
جمال:وانتي شفيك اخلاقك في نص خشمك
ريوف:مالك دخل في نص خشمي ولا فوق خشمي
طلال:جمالوه فك اختي من شرك
جمال:خلها تفكني من شرها
بتال من خلفه:اعجلو بنكمل لعب
غدير:وش بغيت؟
جمال:خذي اغسلي ثوبي بحطه هنا
طلعت جميله وهي تدور ثريا ونادتها مشت ثريا لأمها:هلا
جميله:اطلعي ابوك يبيك
ثريا:يمه مابي اروح
جميله:روحي بس اجلسي معه شوي وبترجعين معليك
ثريا:طيب
مشت ثريا وعدلت نقابها وطلعت لأبوها
_
"اذن المغرب"
وليد:حنين جيبي لي الولاعة
حنين:ابشر
لميس:وين رايحين
وليد:البر
لميس:الله تكفى وليد بروح معكم
حنين:اي وليد من زمان ما طلعنا
وليد بتفكير:هم بيذبحوني لكن اطلعو بالعبايات اصدموهم
لميس:كفو
وليد:كفوك لا تتأخرون
راحو البنات يلبسون عباياتهم وطلعو لهم قبل ما يروحون
راكان:وش جابكم
حاكم:مو قلنا بس احنا سوق البلده وش جابهم
لميس ضحكت:خفيف دم بس بنجي معكم
نمر:ايه مادام فيها لميس مانا رايحين
صالح:تروحون بشرط
راكان:وذا يتشرط بعد
لميس:تم بس اهم شي نجي
وليد فهم فكره صالح:قلتي تم؟
لميس:ايه تم
وليد:راكان الحقني بناخذ البنات في سياره
لميس:نعم كلنا في سياره وحدة!
راكان:تبين تعالي ماتبين ارجعي
ركبو الكل واتجهو للبر حطو فرشتهم وجلسو بذا الترتيب راكان وليد حاكم نمر صالح وجنب صالح لميس وانوار ودلال وروان وحنين وجود ووسن ووسام جنب راكان والنار في وسط الجلسه
راكان: وليد غن لنا
وليد:ما جبت العود
حاكم:صوتك حلو من الله ما يحتاج عود
لميس:راكان صوتك بعد حلو غن
نمر:بدون احراجات تراه ما يتحمل
راكان:نمر سد حلقك
صالح:مو لازم عود غن
وليد:طيب بفكر تنحنح وهو يقول:
مابقى في حبّنا باكر
حدّنا لين امس
انتهينا امس
شفت كيف الوقت قادر
مع السلامه ياحبيبي
ما الله كتب ياحبيبي
مع السلامه ياتارك بـ قلبي علامه
ومسحة حزن ماتداريها ابتسامه
احس اني لقيتك بس
عشان تضيع مني
عشان احس اني لقيتك
وانا عايش بدونك
في حياتي فيه نقص
عشان تقيم وسط العين دمعه
ووسط الروح لوعه
وعشان ان طاب حالي
اذكر فراقك واغص
عشان احبس نفس منّك بقالي
واعيد استنشقه وتظهر قبالي
واضمّك لين اصحى من خيالي
واناديلك والاقيني لحالي
مع السلامه ياحبيبي
لميس:يحلو هالصوت
اما حاكم و راكان وحنين وروان بس الي يعرفون عن شعور وليد وليش غناها
"نرجع بالزمن شوي قبل ثلاث سنوات"
وليد:حور ترا جاي مع جدي بنخطب تجهزي
حور:وليد ابوي ماراح يوافق الا على ولد خالتي
وليد: بجرب يمكن يوافق
حور:وليد لا تحاول خلاص ابوي اقنعني في ولد خالتي ورضيت
وليد:حور تتكلمين صادقه؟انا ولد عمك اقرب
حور:ماكذبت في كلمة بس انا مو لك
وليد بصدمه:لا انتي مو حور وين وعودك وحبك نسيتيهم
حور:وليد مانسيت شي بس ارضى بالنصيب
وليد:تركتيني من بداية المطاف
حور:ذي البدايه ولا النهايه انا رضيت فيه وانتهى
_
قام وليد يشوف العشا وراحت وراه حنين وروان
حنين:وليد شفيك ماقلنا لك انسى
وليد:نسيتها بس المشاعر ما قدرت
روان:اسفه اني بتدخل بس وليد هي شافت حياتها وما اعطت لحبك اهميه وراحت لولد خالتها دوس على مشاعرك اذا هي ماتبيك لا تبيها في ستين داهيه حاول تتخطاها ركز معي اذا هي بعيده وانت تفكر فيها اذا جات هنا وش بتسوي مثل على نفسك انك كرهتها وبتكرهها اعرف الي بينكم مو بسيط بس الي نساك انساه واسفه مره ثانيه اني تدخلت بس لمصلحتك
حنين:كلام روان منطقي اذا هي من اول مشكلة هربت كيف تبي تعيش حياتك معها
وليد:طابت نفسي صح اني كل ما اتذكر انها مع ولد خالتها انقهر بس هي الي اختارت طريقها والله يستر عليها ومشكورين على كلامكم شلتو مني الضيق
حنين وروان:العفو
حنين:اجلس انت احنا بنسوي الاكل
روان:اي روح معليك احنا نسويه
راح وليد وهو مبتسم من كلامهم الي شال ضيقته كلها
لميس:اشوفك تضحك رحت تشيك على الاكل ولا تسولف
وليد:ترا اصفقك هنا ومحد درا عنك
لميس:ماينمزح معك انت
حاكم:جدي دق علي يقول عمي رافع وصل
سمعه وليد وصد
نمر:اجل نتعشى ونرجع
حنين وهي شايله الصحن:تسلم يدين اخوي
ابتسم وليد:بالعافيه عليكم
فرشو البنات ورا السياره بحيث ياكلون ويرفعون نقابتهم
راكان:يلا مانبي نطول وخصوصا جدي ما يدري
ركبو السيارات ورجعو لبيت الجد نزلو معهم باقي عشاهم
_
عند ثريا
دخلت بيت ابوها وفكت نقابها ونزلت طرحتها على اكتافها وجلست على الكنب
دخلت حرمة ابوها وبنتها وجلسو
حرمة ابوها:ولك وجه تجين بعد؟
نور:منجد ان ماعندك كرامة تبين كلام اكثر من المره الي قبلها؟
حرمة ابوها(نورة):ذي وامها مايستحون وامها من بعد ماتطلقت قامت ترميها على ابوك
نور:واضح تعجبها الاهانه والذل
نورة:مره
نور:يبه بسألك
عزام:نعم
نور:قد حبيت ثريا؟
عزام:لا
نور:وليش جبتها؟
عزام:عشان زعلت امك وقلت اراضيها وجبت لها ذهب وجبت لها ثريا عشان امك تطلع كل الكلام الي في قلبها عليها
ماقدرت تتحمل ووقفت ونطقت بصوت راجف:رجعني عند امي
نورة:تبي امها اجل رجعها لأن ماتعرف ان امها تصرفها عندنا
قام عزام وركبت معاه ووصلها لبيت جدها وقبل لاتنزل قال:نفعتيني وشكل اجيبك بعدين عشان نورة تفرغ عصبيتها فيك وترجع احسن من قبل
في بيت الجد غسان
كان جالس هو وياسر ونادر على عتبة باب البيت ويسولفون ووقفت السياره قدام باب البيت وفيه صوت صراخ جوتها نزل الرجل وسحب البنت من السياره ودفها في الشارع فز ياسر وهو عرف انها ثريا وقام لها ورفع راسها
ثريا:مافيني شي
ياسر:متأكدة؟
ثريا:اي ي خالي متأكدة
مشت ثريا بتعب ودخلت غرفتها وقفلت الباب بقوه
_
"عند الحريم"
الجدة:وين رحتو
لميس:طلعنا البر مع العيال وتعشينا وجينا
وضحى:ليش ماقلتو لنا
روان:ما انتبهنا
وضحى:مره ثانيه انتبهو
خلود:ليتني جيت قبل تروحون
حور ضحكت:امسكي غلا وجنى وبعدين روحي
خلود:حور اخر وحدة تتكلمين ولدك صجنا في السياره
حور:يزين ولدي فداه
روان بهمس لحنين:اموت واشوف ولدها ذا
صبا بحماس:وش سويتو هناك
جود:جلسنا وغنا لنا وليد وتعشينا ورجعنا
حور:ايه وليد ماشاءالله صوته حلو
جلسو البنات وكانو يسولفون وروان وحنين يضحكون على سالفه
روان وهي ميته من الضحك:حنين الله ياخذ بليسك مت
حنين وهي تضحك:قومي للمطبخ بس وليد بيجي
حور بشبه غيره:ليه روان حلال على وليد تقابله
حنين:اي حلال
مشو متجاهلينها ميته من الغيره صح تركته بس للحين تحس بمشاعر له
"في المطبخ"
روان تقلد حور:شفتي صوت وليد ماشاءالله حلو
حنين ضحكت:اوف شذا تغارين
روان بقرف:اغار!!
حنين:لا امزح
روان:كنت بهبدك الا وين وليد
حنين:وانتي مصدقه ان وليد بيجي بس قلت كذا
روان ضربتها مع كتفها:طلعتي مو هنيه
حنين:الحين صدق وليد بيجي
روان:خبله انتي وين يجي انا جالسه
حنين:لا لا بيروح البيت ويبيني اطلع له
فتح الباب الخلفي وطلع مع درج بيتهم وانفتح الباب الي بين درجهم وبيت جدته نادت بصوتها الناعم:فيصل وين رحت اوه معليش كنت ادور ولدي /وشددت على ذي الكلمة/
روان طلعت من المطبخ هي وحنين وشافتها سحبت الباب وقفلته:ولدك عند عمي وش تدورين هنا
حنين:روان تعالي نطلع
حور:وانتي بتطلعين روان لأخوك فوق
كانت بترد حنين وقاطعتها روان:حنين امشي
طلعو على الدرج وشافو وليد واقف غمزت له روان وقالت:وليدوه كيفك بعد الطلعه
ضحك على حركتها وبنفس الوقت يبي يقهر حور:بخير وصرت احسن بعد شوفتكم
روان:جعله دوم
وليد:امين
طلعو كلهم فوق وكانت حور تدري ان وليد ماتخطاها بس روان تنرفزها بالكلام
_
سلمى:وين روان وحنين ما اشوفهم
حور وهي لقت عليهم زلة:ي عمة فوق في بيت عمي فارس مع وليد
اول ما انتهت من كلامها دخلو روان وحنين
هند:روان وين كنتي
روان:كنت فوق مع حنين
هند:ووليد ما كان فيه
حنين باستغراب من سؤالها:لا ما كان موجود ليش؟
حور:وتكذبين ي حنين شفته بعيوني معكم على الدرج
روان:انتي قلتيها على الدرج سلم علينا وطلع
