"لاحول ولاقوة الا بالله"
_
"في مجلس الرجال"
الجد:انا رايح انام تبغون شي
الكل:سلامتك
طلع الجد لغرفته وتفرقو عياله لغرفهم القديمه وبقى العيال في المجلس
فهد:الي بيسهر يطلع برا
حاكم:قلنا عندك عيال بس مو تطلعنا
فهد:صاحي من الصبح ما نمت
حاكم:بتنقل لي العدوا جاني النوم
ونامو قصي وحاكم وفهد
وطلعو الباقين "طبعا كنان مارجع للبيت"
راكان:المره الي راحت هم كانو هناك
نمر:اصبري اروح اتمصلح معهم
صالح:روسهم يابسه
نمر:ثقو فيني
وليد:روح مع ان الثقه معدومه
راح نمر يضحك وطق الباب فتحت له جود قال:نادي حنين وروان
راحت جود ونادتهم
نمر:طلبتك ي بنت الخال
قاطعته روان:لاتطلب مافيه اخر مره قلنا طيب الحين لا
نمر:افا وانا اقول طلبتك بس مامنك فايده حنين طلبتك
حنين:لا
نمر:ترا بناخذها غصب
روان:ترا بقفل الباب
حور وهي تلعب ولدها:انتم للحين تتهاوشون عليها وبتفكير يمكن اقول لجدي باخذها انا وولدي
صالح:لو تنامين انتي وولدك في المطبخ ماراح تاخذينها
حنين:خذوها بس اخر مره
صالح:مع السلامه
راحو وهم يمثلون الحزن وليد:انا قلت مافي ثقه
نمر:يلا بس قالو اخذوها
صالح وهو يمشي:وحور تقول بقول لجدي باخذها انا وولدي
راكان:تبطي تاخذها
نمر:ذا المجلس النومه فيه مو حلوه الي بعدها
وليد:خلونا نرقد بكره جدي بيقومنا بدري
_
عند البنات كلهم في الصاله يتجهزون للنوم واول ماحطو رؤوسهم على المخدات نامو من كثر التعب الا حور كانت تنوم ولدها ونامت ونام معها
_
"الصباح"
كان يدور على غرف عياله ويصحيهم
طلعت جميله من غرفتها وباست راسه
غسان:كيف بنتك معد نشوفها
جميله:بخير مافيها الا العافيه
طلع ياسر من غرفته على كلمة اخته
غسان:انزلو فطور ولف ونزل
ياسر:ثريا للحين نايمه؟
جميله:مدري ادخل شوف
دخل ياسر وشافها تجلس في الصاله وتمسك كتابها راح وجلس جنبها
ياسر:صباح الخير
ثريا:صباح النور
ياسر:ثريا
ثريا:هلا
ياسر:وش صار امس؟
ثريا:ولا شي
ياسر:افا ماتبين تقولين لي؟
ثريا:وش تبي اقولك اقول ان حرمة ابوي وبنتها قالو لي كلام يسد النفس؟وان اللي يسمى ابوي ياخذني بس عشان حرمته تقول لي كلامها الي يجرح؟وابوي امس سألته بنته ليش تجيب ثريا وانت ماتحبها تدري وش قال؟وكملت وهي تقلد صوته عشان زعلت امك وقلت اراضيها وجبت لها ذهب وجبت لها ثريا عشان امك تطلع كل الكلام الي في قلبها عليها ورجعت صوتها الطبيعي عرفت الحين وش صار؟
ياسر مسح على راسها:لاتهتمين لكلامهم واذا على الروحه مع ابوك انا اكلم جميله واعل
قاطعته:لاتعلمها
كمل ياسر:ماراح اقولها شي من الي قلتيه بس بقول هي ماتبي تروح مع ابوها
ثريا:يحليلك ي خالي تحسب بتقول طيب؟بتقولك لا وذا ابوها ولازم تروح له
ياسر:خليها علي وانزلي افطري
قامت ثريا ونزلت ووقف ياسر على الدرج وتنحنح عشان حريم اخوانه يتغطون حطو الطرح على روسهم ونزل ياسر وسلم عليهم وهو صاد وقال ل جميله تجي وفعلاً راحت معاه جميله
ووقفو عند الباب
جميله:سم؟
ياسر:اطلب منك طلب؟
جميله:آمر
ياسر:ثريا مابيها تروح مع ابوها الا برغبتها
جميله:قالت لك شي؟
ياسر:لا بس انا اقوله
جميله:ذا الدلع الزايد حقها وبعدين ذا ابوها ولازم تروح له واعرف ان هي قالت لك ذا الكلام وعناد فيها حتى الليله بتروح
ياسر:ي جميله اهدي
جميله:انا هاديه ولاتدخل بيني وبين بنتي
ياسر:طيب بنتك وكيفك
راح وهي دخلت تفطر معهم
_
في بيت الجد عامر
كانو البنات في المطبخ يسوون الفطور
لميس:وسام قولي ل نمر يجيب سكر خلص
روان:مايحتاج انا فيه
لميس:انتي سم مو سكر
روان:تمونين
راحت وسام للمجلس وما لبست نقابها لأن بس نمر الي كان نايم والعيال كلهم عند الجد برا وهي داخله اصدمت بجسم احد
وصرخت:يمه من انت
صالح والنعاس طار من عينه بسبب صراخها:جني يعني من صالح
وسام بخوف:شسمه صد انا مو لابسه نقاب
صد صالح وعرف صوتها:ادخلي مافيه الا نمر
راحت جوا وسحبت اللحاف عنه:قم جب لنا سكر
نمر سحب اللحاف:وسام روحي مانمت زين
وسام:ياربي يانمر قوم
نمر بعصبيه:قلت بنام
وسام وهي تتأفف طلعت للمطبخ:يقول بنام
دلال:صالح يقول بيجيبه
لميس:وش دراه اننا نبي
دلال:انا كلمته يجيب
انوار وهي تعجن:بنات خالي رافع وينهم
روان بانتقاد:يبون الفطور يوصل لعندهم
دخلت خلود ودخلت شادن معها
شادن:صباح الخير
البنات:صباح النور
دخلو خلود تسوي الحليب وشادن تعجن مع انوار
خلود:مافيه سكر؟
دلال وهي داخله بالسكر:الا جبته
جهزو البنات الفطور وانتهو منه وحطو في الصاله للحريم
لميس:حنين نادي وليد يجي ياخذه
حنين:بس هو لحاله؟
وسام:راكان راح يجي معه ونزلت من على الطاوله بتطلع ومسكتها لميس:وين وين اجلسي هنا
وسام:وش اسوي هنا بروح افطر
دلال:لا يكون كل ذا بتوديه حنين
وسام:اف حنين امشي
حنين:لا تأفأفين فوق راسي شيلي معي الفطور نحطه عند الباب
شالو الفطور وحطوه عند الباب الخارجي واتصلت على وليد يجي ياخذ الفطور جا وليد ومعه راكان واخذو الفطور وحطو السفره وحطو فوقها الفطور اما عند الحريم كان الكل صاحي ويفطر الا حور وجود نايمين
الجدة:حطيتو لهم فطور
روان:اي خليت لهم في الفرن
سلمى:يمه تعرفين ولد ابو مسعود؟
الجدة وهي تتذكر:اي وش به؟
ام كنان:مسوين له عشا الليله ي عمه
الجدة هزت راسها ولفت للبنات:وانتم لا تبطون علينا بخرابيطكم
لميس:اصلا انا حلوه بدون الخرابيط مايحتاج احطها
الجدة:تاخذين العقل وانا امك بدونها ونزلت لميس راسها بحيا
روان:تسلك لك ولا انتي والزين كل واحد في ديره
لميس اخذت الخبز وحطته في فم روان:يزينك وانتي ساكته
روان ضحكت وغصت في الخبز وحنين تضرب في ظهرها
_
"عند الرجال"
مالك:متى جيت؟
كنان:الفجر
مالك:وش أخرك؟
كنان:شغل
مالك سكت ونطق كنان:يبه ودي اخطب
مالك:ومن بنته؟
كنان:بنت عمتي سلمى
مالك:اي وحدة؟
كنان:الكبيره
راكان نطق بسرعه:ماعندنا بنات للزواج
الجد:افا ي راكان ليه تقفلها في وجه ولد خالك
راكان:ي جدي البنت صغيره وماتبي
قاطعه مالك:كلامنا مع ابوك
راكان:ي خالي البنت ماتبي وانا بروح اشاورها وتشوف بنفسك
كنان:ماتفهم قلنا كلامنا مع ابوك مانبي رايك
راكان بعصبيه:هذا وجهي ي كنان اذا اخذتها تفهم
كنان ببرود:ورني وجهك بعد ثلاث ايام اجل
راكان قام من الفطور وطلع برا البيت وركب سيارته كان حاس من برود كنان انه بياخذها اكيد كنان مكلم ابوه وابوه لقاها فرصه يطلب له مبلغ ويعطيه انوار ما كان مرتاح لكنان بس زاد الشك ابوه يوم قاله ولد خالك اشتغل معي وانت تتهرب مني هو واثق في عيال خواله بس مايثق في كنان ومايبي يودي اخته للموت يعرف طبع كنان وافعاله وهو يبي يعطي اخته رجال ثقه بس مايكون كنان كان هو الاب لخواته هو الي شايلهم بدل ابوه الي ماهمه الا حرمته الثانيه وبناتها وانه يبيع الخراب والفلوس ما كان يعطيهم ولو ذره من الحنان ماخذو منه غير القسوه والضرب والاهانه تعب من التفكير ونزل البيت وراح ورا الحوش واتصل في انوار تجيه شوي وجات انوار:وش فيك؟
راكان:انوار اسمعيني لين اخلص
انوار:خوفتني راكان قول
_
في الصاله
دخلت جميله وجلست جنب اختها فاطمه وثريا مقابلتها
فضة:اليوم بنروح المخيم جهزو قشكم
وبصوت عالي:الكل بيروح
جميله وعينها على ثريا:ثريا ماتقدر تجي
رفعت ثريا راسها وعينها في عين امها
فضة:وليش؟
كملت جميله:بتروح عند ابوها
ثريا ببرود:ماراح اروح
جميله:بتروحين ابوك عنده معزوم في الرياض ويبيك تجين
ثريا:قلت ماراح اروح ومو لازم احضر عزيمته
جميله وقفت:لاتطولين لسانك لا اقصه لك تراني امك
ثريا:ماطولت لساني
جميله:انتهى وبتروحين وانتي ساكته تفهمين؟
ثريا:لا ما انتهى وروحه مع ابوي على قولك ماراح اروح
وطلعت للحوش
جميله بصوت عالي:ياقليله الادب
فضة:جميله اجلسي
جميله:سمعتي وش تقول يمه؟
فضة:اي سمعت بس كيفها لاتروح
جميله:الا بتروح قليله الحيا ابوها يدورها وهي ماتبيه
وقفت ريوف وحطت يدها على الطاوله بهدوء:الواضح انه يدورها والخافي الله اعلم به ومشت تلحق ثريا
شافتها على الارض وسرحانه
جلست جنبها ومسحت على ظهرها بهدوء:ثريا
ثريا:وش
ريوف:اسمعيني
ثريا:قولي
ريوف:روحي معه الرياض
ثريا:ليش فاقده عقلي
ريوف:ثواني وتفهمين
اتصل ريوف على ياسر
ريوف:ياسر
ياسر:هلا
ريوف:تعال في الحوش الي في جهتنا
ياسر:طيب
مشى طالع من عند ابوه وراح لهم
ياسر:وش بغيتي
ريوف:اعرف انك تعرف سالفه ابو ثريا وابي اقولك شي
ياسر جلس جنبها:وش
قنات ثريا ودخلت جوا وطلعت لغرفتها
ريوف:خالتي تبي ثريا تروح مع ابوها الليله لعزيمه في الرياض وثريا ماتبي والليل بنروح المخيم اساسا ف انا وش قلت
ياسر:وش قلتي
ريوف:تعال اقولك
همست في اذنه
ياسر:تم
_
راكان:انوار ما اعرف كيف ادخل في الموضوع بس ابوي يبي يعطيك لكنان بمقابل وتعرفين ابوي اهم شي عنده الفلوس اما احنا عياله ما اهتم لنا كثر ما اهتم للفلوس ما اهتم لنا كثر ما اهتم لبناته وحرمته الثانيه ما اهتم لنا كثر ما اهتم للخراب الي يبيعه انوار لا تحسبين بخليك تروحين لكنان انا ابي مصلحتك وكنان مو عاجبني ومابي اعطيك لكنان بس اذا غصبك ابوي انا بتفاهم معه واوقفه عند حده لو توصل فيني اشتكي عليه انتي ضعفتي قدامه كثير و صار يستغلك ويبيعك الحين مقابل الفلوس انوار ليش تسوين في نفسك كذا هو يعطي بناته الاهتمام والدلال وانتي الي تاخذين عقاباته تمشين على شوره الي كله غلط انا ما احرضك عليه بس شوفي النهايه كل ذا وما فكر يبيع وحدة من بناته لا باعك انتي لكنان لان كنان اعطاه مقابل
انوار كانت ساكته من الصدمه ماتكلمت معقوله ابوها بعد كل شي هي سوته يبيعها هي تشوف كنان مافيه شي بس الموضوع غير ابوها باعها لكنان مو اعطاها كيف باعها وهي كانت احن بناته عليه كانت تطلعه من مشاكله عكس وسام اختها وبناته
راكان حضنها وبمواساه:انوار لاتوافقين بيلعب عليك بكلمتين وتوافقين انا معك اذا ماتبين قولي ما ابي وابشري ماراح اخليك
انوار ببكى:كيف باعني ي راكان كيف وشهقت تكفى لاتخليني
راكان مسح على راسها:ماني مخليك الحين اروح واقولهم ماتبين
ووقفها ومسح دموعها:اخت راكان ماتبكي
ابتسمت له بحزن:الله لا يحرمني منك
راكان:ولا منك وراح لمجلس جده وجلس عند وليد
وليد:وين رحت
راكان:رحت لسيارتي والتفت لخاله:خالي مالك
مالك:نعم
راكان بهدوء:شاورت اختي وقالت ماتبي كنان
كنان:ماطلبنا منك تروح تكلمها وابوك موافق اساسا
راكان:وش علي من ابوي قلنا لك البنت ماتبيك الشغله مو غصب
كنان:اذا ابوك موافق مالها اي كلمة
نمر:اذا عندك شوي كرامه يليت تحس على نفسك انك نشبت لنا ورديناك
الجد:نمر وش ذا الكلام احترم ولد خالك
نمر:محترم ولد خالي بس قلنا مانبيك لا ينشب وطلع نمر برا المجلس بعصبيه وطلع وراه كنان ومسكه:قد كلمتك؟
نمر دف كنان:اي قدها يعني بتمد يدك علي
كنان بتحدي:الايام بيننا ي نمر
نمر:رح بس
طلع كنان من البيت وركب سيارته وراح
_
في مكان اول مره نزوره"
فالح:قلت لي نمر قل ادبه معك
كنان:اي وبنتقم منه وباخذ اخته
فالح:عندي لاتشيل هم ي يافع تعال
دخل يافع:نعم
فالح فتح جواله:شفت ذا ما ابي فيه عظم صاحي
يافع:مافهمت
كنان:وانت متى فهمت
فالح:برسل موقع وروح واذا الرجال طلع لحاله سو الي عليك
يافع:امر اروح الحين؟
فالح:لا خله الليل ولا بكره
كنان:ايه الحين اكيد العيال معه
_
في بيت غسان الظهر
فضة:امشو
ريوف:انا وغدير بنجي الليل
فاطمه:اقول امشي بس
ريوف:يمه خالي ياسر بيجلس معنا
فضة:اعجلو جدكم يدق يبينا نطلع
سارة:انتبهو لنفسكم
غدير:معليك
طلعو وياسر قال نفس الكلام لابوه
راح الكل ودخل ياسر عند البنات
ياسر:راحت؟
غدير:اي يلا
طلعو وهم ناوين يروحون للرياض
ريوف:الحين واقفين عند محطة****
ياسر:الي هنا صح؟
ريوف:اي
غدير:وانتي وش عرفك؟
ريوف:فتحت الموقع حقها قبل تطلع
ياسر:مخططه لكل شي
وطبعا كملو يمشون ورا سياره عزام وهو مايعرف ويوقفون السيارتين يصلون ويرجعون يكملون الطريق
_
في بيت الجد عامر "العشا"
كانت عندهم عزيمه لصديق مالك واهله
كانت حور تتجهز والبنات مخلصين ويسولفون
وروان راسها على رجل حنين وتناظرها انتبهت حور لنظراتها ورفعت كتفها بمعنى نعم
روان طنشتها تسمع سواليف البنات
انوار:مدري كيف برجع ادرس احس بتعب
حنين:بترجعين وغصب تبين بعدين اذا قررت اروح ماعرف شي هناك
حور تحط الآيشدو:ترا مو بزر انتي تقدرين تروحين لحالك
حنين:حاولي ماتحشرين نفسك
حور تبي تستفزها:قلنا امك وابوك ماتو وانتي صغيره مو يعني ماتعرفين حتى تروحين مكان لحالك
حنين:لاتجيبين امي وابوي على لسانك فاهمه
حور باستفزاز:ياربي نسيت تزعلين ماعندك ابو يخاف على زعلك ولا ام حنونه تضمك لها اذا زعلتي او اخت تجلسين معها
خلود قاطعتها:حور بس
حور:او ابو يصرف عليك ويدلعك ولا ام تدافع عنك
خلود بعصبيه:حور قلت بس
حور:او ابو يدافع عنك اذا غلطو عليك او ام
وقاطع كلامها روان الي قامت واعطتها كف صداه في كل البيت
روان بعصبيه:انطمي ولا تتكلمين فاهمه اذا هي ماعندها ابو وهي صغيره عندها اخوان ساندوها عوضوها عن ابوها واذا ماعندها ام ولا اخت انا امها واختها وبنت عمها وكلامك ذا لو اسمعك تعيدينه اقطع لسانك تفهمينن! لا تعايرينها ان امها وابوها ميتين ترا الدنيا دواره ي حور واعيد كلامي واكرر لو اشوف كلامك ينعاد وتقولين لحنين كذا او تغلطين عليها كسرت فمك
واخذت حنين وراحو ورا البيت وروان مسكتها:حنين لاتهتمين لكلامها تكفين اسمعيني اذا ماعندك ابو وليد وحاكم عوضوك كثير ماعندك ام وماعندك اخت انا لك الاخت والام وكل شي انا مافارقتك من يوم ولدت وانا معك انتي اقرب لي من خواتي حتى لاتهتمين لكلام السفيه الي جوا احقريها
حنين طاحت في حضن روان تبكي وروان تمسح على ظهرها
روان:حنين خلاص لاتبكين شوفي المسكرا عدمت وجهك
حنين:موتهم كان مقصود ما كان حادث عادي
حور وهي طالعه وتصارخ:اطلعي لي ي روان انا تصفقيني اطلعي
روان وهي تقوم حنين:ذي الي بتموت على يدي
