_
_
"في اسطبل الخيول"
ودّ بتوتر:هلال اخاف اخسر
هلال مد يده يمسح على ظهرها:لا ان شاء الله بتفوزين باعلى المراكز
هلال انتبه لدخول لأهله:شوفي حتى ابوي وامي وعماتي وعمي وبنات عماتي وبنت عمي كلهم فيه
رجع هلال لمقعده وبدا السباق على ثلاث جولات
وبدت اول جوله وانطلقت الخيول
وودّ تدور حول نفسها بخوف هي طول الثلاث شهور كانت تتدرب بكل جهد لكن مع ذلك تخاف الخساره
انتهت الجوله الاولى وبدت الجوله الثانيه
والتفت ودّ لمقاعد اهلها وابتسمت من شافت ابوها و هلال متكتف ويناظرها بنظرات تعطيها الثقه والشجاعه ركبت خيلها وشدت على اللجام وركضت اول ماطلق الحكم ركضت بالخيل وهي تحط الفوز في نظرها وهدفها الاول مامرت الدقايق الا وفازت ودّ بالجوله الثانيه وبالمركز الاول وابتسمت بفرح تشوف فرحه اهلها وفي الجوله النهائيه السباق كان بين ودّ ورقم 6
انطلقت ودّ اول ماطلق الحكم وكانت في المقدمة لكن من بدت تقرب من الفوز بدت تبطئ سرعة خيلها وسبقها المتسابق الآخر
وبدو يتوترون اهلها لكن شدت على الخيل وبدت تهمس في اذنه وفعلاً انطلق خيلها بكل سرعته وقطع خط النهايه وما كان بينه
بين الخيل الآخر الا مسافه بسيطه نطو بفرح من فوزها وضحكت بكل فرحه من فازت وابتسمت بكل حب لان الي هي فيه كله من الله ثم عائلتها وتحفيزهم،وبدو في التكريم
:المتسابقه رقم 3 ودّ فلاح غسان
مشت واخذت الكاس ونزل ابوها يحضنها ومن بعده هلال وطلعت برا الاسطبل وسلمت على امها و عماتها وبناتهم وعمها وبنته وهي بقمة سعادتها
_
"و بذي المناسبه قررت روان والبنات يسوون حفله ل ودّ ويعزمونها"
روان:حنين انا علمتك بتجين يعني بتجين فاهمه؟
وسام دخلت اذنها في الجوال:حنين لو ماتجين بتتصفقين
لميس دخلت من الجهة الثانيه:ياويلك لو ماجيتي
وفي الصاله بعدها حوسه البنات وبعد ماتجهزو ينتظرون الضيوف "الي يكونون بس اهل غسان واخت سعاد ام حور"وطبعا وصلو الكل ودخلو غرفه الضيوف
ريوف طبعا جلست هي وحنين وروان وغدير ووسام كانو يسولفون ويضحكون وقطع عليهم صوت يعرفونه كلهم الا ريوف وغدير:اوه ذي المهانه الي تصفقت اليوم ورجعت لمكان اهانتها؟
ضحكت حور ولفو ريوف وغدير:على البنات من ذي
غدير:الي تكلمت صالحه بنت خالة حور
وسام لفت لهم بقهر:وذي عديمة الكرامه الي تلاحق عيال الناس وتروح تتبلى عليهم وهي متزوجه
توقفت حور عن الضحك وكملت روان:حمدلله تعرفين نفسك
حور:انتي هي تبينها مشاكل؟
روان:اقصري الشر واخذي بنت خالتك وانقلعي
صالحه:ماراح نقصره وش عندك
وسام:تبين يصير فيك الي صار في بنت خالتك يعني؟
حور:وريني وش بيصير
وسام كانت بتقوم بس جلستها حنين وقالت:لانك ضعيفه شخصيه تجلسين تتقوين هنا وتبكين عند ابوك صدق انك معتوهه وعديمه كرامه وشخصيه اذا فيك ذره كرامه استحي على وجهك وروحي صدق اني اشفق على رجالك ان عنده وحدة نفسك مريضه يبي لك تربيه وعلاج نفسي بعد كيف بتكون ردة فعله اذا عرف انك تلاحقين عيال الناس؟
صالحه:نعم ولفت ل حور وش يعني تلاحقين عيال الناس؟
وسام بهمس:نعلم؟
حنين:احس لاتخربين بيتها حرام
روان:وتخرب بيتي؟
صالحه:جاوبيني كيف تلاحق عيال الناس
حور:صالحه خليهم ذول مريضين تعالي نجلس
صالحه راحت وهي مو مقتنعه وجلست
صالحه:حور وش يقصدون؟
حور:كلام فاضي ماعندهم سالفه
صالحه:ما اقتنعت علميني ولا رحت سألتهم
حور:صالحه قلت مافيه شي مو لازم تسألينهم
وبعدها بدو البنات يحتفلون في ودّ ويتصورون معها
_
بعد مرور ثلاث اسابيع تقريباً انتهت الاجازه ورجع الكل لمدينته وبيته
"في بيت سلمى"
نمر:خمس دقايق ما نزلتي رحت
وسام:نمر اصبر بلبس نقابي
نمر:اعجلي
طلعت معاه وركبت السياره
نمر:زحمه
وسام:اكيد زحمه الناس عندها دوامات
نمر:وسام
وسام:هلا
نمر:انتبهي من المشاكل وبنت فالح وصديقاتها
وسام:نمر ترا انا ما اسوي شي حالي حال نفسي بس هم الي يحتكون فيني
نمر:خلاص ذي اخر سنه لك لاتضيعينها في المشاكل
وسام:يصير خير بس شوف لو حاولو يحتكون تعرف وش بسوي
نمر:اعرف وش بتسوين بس بيتصلون على فالح وانتي بتاكلينها
وسام:خير ماسمعتك عيد الي قلته ليش يتصلون على فالح انا رقم ولي الأمر كتبت رقم امي وراكان بس
نمر:انزلي استودعتك الله وفكيك منهم
وسام:مع السلامه قفلت الباب ودخلت
ضياء:وسامي
ركضت وسام وحضنتها:وحشتيني
ضياء:انتي بعد وحشتيني نزلي عبايتك وامشي
نزلت عبايتها وسام وراحت مع ضياء يمشون
ضياء:اخر سنه ونرتاح
وسام:اي بس..
ضياء:وش
وسام:مدري كيف بركز صراحه مادام الي ما يتسمون فيه
ضياء:شقصدك؟
وسام:مالي خلق مشاكل وابي اركز بس مدري كيف
ضياء:قصدك اختك؟
وسام:مو اختي ماعندي اخت الا انوار بس
ضياء:آسفه بس اذا تمادو وش بتسوين؟
وسام:اشتكي او اخذ حقي بيدي
ضياء:امشي الحصه بدت
دخلو الفصل واخذو مكان وجلسو متجاهلين اي بنت موجوده
:اوه ذي وسام بنت فالح؟
:يع مايلوق اسم ابوي معها
وسام همست:من زين ابوك عاد
:اذا بتتكلمين معي ارفعي صوتك
وسام لفت لضياء متجاهلتهم
:يحرام زعلت
وسام:ابعدي اذا تبين تكونين سليمه
:هي بطل المصارعه اهدي عطيناك وجه واستخفيتي
وسام قامت:والله ي غدي ان ما ذلفتي من قدامي
قاطعتها غدي:بتضربيني؟
وسام:ودك؟
قاطعتهم المعلمه الي دخلت ورجعت غدي لمكانها
_
طلال:ريوف ياخي قومي
ريوف:اصبر بخلص ذي واقوم
طلال:توك اليوم صرتي محاميه وصدقتي نفسك
ريوف:ذي اجراءات لازم اخلصها واروح المكتب
طلال:بوديك اليوم
ريوف:وش ذا الروقان الغريب؟
طلال:فاضي قلت اوديك
ريوف:اي يمكن يكون اخر مشوار توديني له
طلال:ليش؟
ريوف:كلمت ابوي يشتري لي سيارة
طلال:يحليلك تحسبين تقولين ابيها اليوم وتجي بكره؟
ريوف:يحليلك انت لي شهر مكلمته يجيب لي وقال طيب
رن جوالها وردت:حنيني اهلين
حنين:اهلا وينك
ريوف:بطلع الحين للمكتب تبين شي؟
حنين:لا بس طفشت وقلت ادق
ريوف:ماعندك دوام؟
حنين:مخلصه وما استفدت من تخصصي
ريوف:وش كان تخصصك؟
حنين:تسويق
ريوف:افتحي لك مشروع
حنين:بس يكون عن وش؟
ريوف:طبخ؟
حنين:مثل؟
ريوف:شوفي هو برغبتك انتي وش تحبين تسوين؟
حنين:شوفي احب اسوي الكيك وكذا
ريوف:حلو سويها
حنين:بصارح حاكم وارد لك
ريوف:تمام مع السلامه
طلال:وصلنا
ريوف:اعوذ بالله من الشيطان انا وين اكيد خاطفني
طلال:وين اخطفك انتي الي جمعتي اوراقك وركبتي وانتي تكلمين
ريوف:كذاب خاطفني
طلال:ريوف انزلي وبعدين قلو البنات يوم اخطفك انتي بالذات؟
ريوف:يحصل لك
طلال:توكلي
نزلت وقفلت الباب بقوه
طلال:كسر انا اوريك
نزلت ودخلت مكتبها ابتسمت براحه من منظر مكتبها رفوف وامامها الطاوله والكرسي وكرسين امام طاولتها استاند مكتوب عليه "المحاميه ريوف سالم آل بندر" نافذة مُطلة على شوارع ومباني الجنوب "ابها"
_
"في الجامعه"
كانت اخر محاضره له يفكر في الاحداث الي صارت الصباح
"الصباح"
قام من النوم على ازعاج واصوات هواش عاليه بس كانت الاصوات اعلى قام وطلع من غرفته شاف اخته تجلس في الصاله والواضح انها تفكر راح وجلس جنبها
فزت برعب:يمه نمر تنحنح قول شي مو تجي كذا
نمر:المره الجايه بتنحنح الحين شصاير وش ذي الاصوات؟
انوار:ابوي جوا عند امي ومدري شفيه يصارخ
نمر:ماسمعتي..
قطع حديثهم صوت كسر زجاج فزو ودخل نمر الغرفه وتوقف بصدمه من المنظر ابوه ماسك الفازه امه مغمى عليها والزجاج والدم منتشر حولها صرخت انوار بفجعه وراح نمر اخذ امه وانطلق للمستشفى خيطو راسها خمس غرز ورجعها البيت وكلم راكان وراح لجامعته بعد حلف امه عليه رجع لواقعه على صوت صالح
صالح:نمر قوم خلصنا
نمر:يوه تأخرت على وسام
صالح:اسمع سيارتي خربت وبجي معك
نمر:وكيف جيت؟
صالح:جيت مع العيال امش ركبو السياره وراحو لوسام طلعت وفتحت الباب الامامي ورجعت قفلته من شافت صالح وفتحت الباب الخلفي وانفتح الباب الثاني معه ركبت وسام وشافت غدي تركب
وسام:خير مضيعه؟
غدي:شدعوه جايه مع اخواني
وسام:اقول انزلي بس هادي اخوك يجيك
حرك السياره وهو ماله خلق نقاش معها ووقف عند بقاله ونزل
غدي:كيفك صالح؟
وسام بسرعه:ماهو بخير
غدي:قلت صالح شدخلك؟
وسام:كيفي سيارتنا واجاوب عن الي ابي
غدي:سيارتكم بفلوس ابوي
وسام بانفعال:تخسين فلوس ابوك الحرام ماعمرنا اخذنا منها سيارتنا من تعب اخواني وفلوسها حلال
غدي:يع ليتني رحت مع هادي
وسام بسماجه:هادي ولا معصب
صالح انفجر يضحك مع انها ماتضحك بس فيه ضحكه وطلعت مع سماجه وسام
وسام ابتسمت:دوم
غدي:جعله يدوم
وسام:جعلك ماتدومين،نمر ذا تأخر
ركب نمر صالح:وينك ابطيت؟
نمر:حق البقاله جديد ومايدري وين ربي حاطه اقول عطني حمضيات عطاني فيري
صالح ضحك:عطني عطني بشغل شي
نمر:فاضي لك انا الزفت ذا خربان
صالح:اعطيك قصيده؟
نمر:عطني
ابتسم وهي يتذكر صبح العيد وقال:
اتركني اتأملك وأضيع في عيُونك كثير
اتركني أحبّك ولو ماني على حُبك بخير.
نمر:اوخس من ماخذه عقلك اعترف
غدي:محد بياخذ عقله مجرد قصيده
صالح بابتسامه:مو مجرد قصيده هي حقيقه
غدي:واو ومن هي؟
صالح:نمر اوصفها؟
نمر ضربه على راسه:مجنون انت توصفها قدامي؟
صالح:ياخي ماراح اوصفها بس بجاوب على سؤالها
غدي:قلت من هي ماقلت اوصفها
صالح:معرف اسمها بس شفتها مره وهي كبيره ومليون مره وهي صغيره
غدي:كيف حبيتها وماتعرف اسمها؟
نمر:ابلشتينا ترا البنت هي وسام الي جنبك وانزلي بيتكم يلا
سكت صالح بصدمه ونزلت غدي بنفس الصدمه ومشى نمر لبيت امه
نمر:شفيه صرت هادي فجأة؟
صالح بتوتر:مافيه شي
نمر:اي زين وسام انزلي
نزلت وسام ودخلت البيت ولف نمر على صالح:صويلح ترا ادري وش في قلبك بشوف رايها وارد لك ويلا انقلع بيتكم
صالح:بنقلع معليك نزل ودخل بيتهم
اما عند وسام دخلت البيت وراحت تسلم على امها وشهقت وهي تشوف راسها باست راسها وسألتها وش صار لها وجاوبتها سلمى
سلمى:ترا حرمة ابوك وبناتها بيجون
وسام بانزعاج:يليل وش يبون؟
سلمى:مدري فالح يقول بيجون
وسام:طيب
دقت على دلال
دلال:عندك مصيبه صح؟
وسام:افا يعني قصدك ما اجيك الا وقت المصايب؟
دلال:بكل صراحه ايه
وسام:مقبوله منك فكي سبيكر بقول لخالتي شي
فكت دلال السبيكر:هاه امي تسمعك
وسام:وضوح مادريتي
وضحى:لا مادريت
وسام:انا اعلمك الله يسلمك اختك فالح الله يكسر يده مسك الفازه وكسرها في راسها وخيطو راسها وطبعا فالح بكل بجاحة يقول لها حرمتي وبناتي يبيجونك واختك قالت طيب وابيك تجين انتي ودلال عندنا الليله
دلال:اجيكم الحين؟
وضحى:قالت بكره
وسام:شكل انتي الي مخيطين راسك مو امي قلت الليله
وضحى:قليلة ادب الوعد الليله
ضحكت وسام وقفلت وطلعت تتجهز
"في الليل"
وصلو حرمة فالح واختها وبناتهم جلسو وجابو البنات الضيافه
وسام وهي جالسه بين خالتها وانوار:ماشاءالله ماقال لنا فالح ان معكم ضيوف
سميرة بغرور:من قال اننا ضيوف ذا بيت اختي ومثل بيتي
وسام:نزلي راسك لاتنكسر رقبتك وبيت اختك في الشارع الثاني ذا بيت امي My mom سلمى
شيماء:كلها بحلال فلوحي
انفجرت تضحك وسام وتغطي وجهها بيدينها وبعد دقيقه من الضحك تنفست طبيعي:ترا حتى اسمه شين ومن دلعك ذا يمغص
سميرة وهي تأشر على وضحى:من انتي؟
وضحى:اختها وضحى
غدي:اي ذي ام صالح
وسام تشرب قهوتها:وش ذا الهوس حتى خالتك علمتيها فيه بس ارتاحي مو معطيك وجه
غدي:كل ذا الزين وبيخليني؟
دلال:بس فيه ازين وناظرت وسام
غدي:ومين حضرتك؟
دلال:حضرتي اخته
سلمى بتغيير للموضوع لانها تعرف لسان بنتها وانها ماراح تسكت:وسام روحي خذي المويه وعطيها نمر
راحت وسام واخذت المويه ووقفت عند باب الرجال كانت بتدق الباب بس سمعت ذا الحوار
عمّار:ي خال ابي منك طلب
فالح:اطلب انتي ولد اخت الغاليه
عمّار بشبه ابتسامه:ابي اطلب يد بنتك الصغيره لي
فالح:من؟
عمّار:الي من حرمتك الي اولى
فالح:ايه وسام جاتك
رمت المويه وتكسر القزاز فتحت الباب بكل قوتها وما كان فيه الا نمر وراكان وصالح وفالح وعمّار وهادي وفادي"يعتبرون اخوانها"
تكلمت بصراخ:احلف وش شايفيني علبة مويه ولا كيس بطاطس تقول جاتك اذا صرت ولي امري قول له جاتك لكن تعقب ولي امري ذا واشرت على راكان وكملت ماني ضعيفه بقولك ابشر وطيب لا خل ذي الكلمة في اذنك انا اسوي الي ابيه واغير الي ابيه ولا اشوفك في بيتنا ولا والله لا ابلغ عليك يالمتخلف مشت خطوتين ومشت على قزاز الكاسه الي انكسرت شهقت بخفيف ومشت على رجل وحدة شافت ان اصبعها فقط الي انجرح غطته بلصق جروح
اما في المجلس
راكان:اطلع برا
فالح:تطرد ابوك؟
نمر بسخريه:انت صرت ابوه؟
فالح:اي ابوك وابوه لو اذبحكم ببقى ابوكم
راكان:طيب ي ابوي تدري اني كل شي مُر اعيشه بسببك تدري كم عانيت في عمري عشان اغطي مكانك واجيب احتياجات امي وخواتي؟تدري اني صرت ابو وانا في عمر السبع سنوات وانا في وقتها احتاج ابو؟تدري اني اعطي خواتي وامي الحنان الي ماعمرهم شافوه منك؟كل شي ذقته انا ونمر وامي واخواتي منك انت!كل شي زين تعطيه شيماء وبناتها واذا عصبت منهم تطلعها فينا بس لين هنا ووقف ما اسمح لك تسوي اكثر من كذا وذا البيت يتعذرك وكل شي هنا بفلوسنا انا وامي ونمر وتعبنا مالك شي عندنا واطلع لا انا الي ببلغ عليك
طلعو ومابقي في المجلس الا نمر وصالح وراكان وبالمثل عند الحريم طلعو ودخلت سلمى عليهم فز صالح وسلم عليها وجلست وجت وضحى وسلمو عليها نمر وراكان وجلست
سلمى:وش صار
محد رد عليها
سلمى:راكان تكلم
راكان:مافيه شي
سلمى:والصراخ الي سمعناه
نمر:انا اقولك قال لها كل شي
راكان:الحين ابي منك جواب ينهي كل الاسئلة الي في بالي
سلمى بقل حيله:اسأل
راكان:ليش اخذتيه
سلمى:نصيب
راكان:فيه سبب
سلمى:بس الي نقوله هنا يبقى هنا؟
نمر:اي قولي
سلمى:قربو
