"سبحان الله وبحمده سبحان الله العظيم"
_
حنين طاحت في حضن روان تبكي وروان تمسح على ظهرها
روان:حنين خلاص لاتبكين شوفي المسكرا عدمت وجهك
حنين:موتهم كان مقصود ما كان حادث عادي
حور وهي طالعه وتصارخ:اطلعي لي ي روان انا تصفقيني اطلعي
روان وهي تقوم حنين:ذي الي بتموت على يدي
حنين:روان خليها
روان:قومي انتي امسحي دموعك وانا بدخل لها ودخلت روان
حور:انتي تصفقيني
روان بهدوء:اي
حور:وبكل برود تقولينها لي ومسكتها حور واعطتها كف وروان رجعت لها الكف باقوى وترفسها وكانت اصواتهم عاليه ووصلت للرجال الي جو عند الباب يبون يعرفون وش صاير دخل الجد والبنات يحاولون يفككون بين حور وروان وقال:بس
ابعدو عن بعضهم وتقدم لهم وبصوت عالي:اولاد انتم
حور بتأتأه:ج د جدي
الجد:ولا كلمة لا اسمع صوتكم قدامي الغرفه
مشو قدامه ورافع ومالك ورا ابوهم دخلو للغرفه وقفل الباب
الجد:وش صار انتم بنات عم وتسوون كذا وش خليتو للغريب اجل ابي اعرف الحين وش صار قبل يجي الضيف
روان:حور كانت تضحك من حنين ان ابوها وامها ميتين وتقول ماجربتي حنانهم وانهم يدافعون عنك ومن ذا الكلام وقمت عطيتها كف
الجد التفت لحور بحدة:صدق الكلام ي حور؟
حور ترجف وقال الجد:يعني صح كلامها
حور نزلت راسها وماتكلمت
الجد هز راسه:يعني قلتي لحنين كذا حنين ذي تربية ولدي فارس وانا عارف ماردت عليك وزعلت من كلامك لكن تستاهلين الي جاك من روان انا ما اشجعها بس انتي غلطتي وهي غلطت انها تمد يدها عليك وغلطك اقوى مو وناسه انك تكسرين خاطر غيرك كنت بضربك بس مامديت يدي على بناتي بمدها عليك
رافع:يبه امسحها في وجهي ماراح ماتعودها
تنهد الجد:عشانك ولا بنتك الي سوته مو قليل
وطلعو من الغرفه والبنات اخذو روان وجلسو يسألونها وش صار وقالت لهم وحنين جلست تعدل المسكرا
_
وصل عزام ونزل وسلم على مالك الي واقف عند الباب وعلمه وين ينزلون اهله ووداهم من باب الحريم ورجع
في سياره ياسر وهو موقفها بعيد شوي
ياسر:شفتو ذاك الباب ادخلو منه
وفعلاً نزلو غدير وريوف ودقو الباب فتحت لهم وسن ودخلتهم نزلو عباياتهم عند الاستقبال وعدلو شعورهم ومشو سلمو على الجدة وعلى الحريم والبنات ودخلو لغرفه الضيوف غمضت ثريا عينها وفتحتها وجت غدير وجلست جنبها وجنبها ريوف
ثريا بهمس:انا احلم اكيد
غدير:لا معليك واقع
جو البنات وسن ووسام يوزعون الحلا لميس وانوار ويصبون القهوه والباقين جالسين قريب من مكان ريوف والجدة والحريم جنب نورة
الجدة:ماشاءالله ي ام نور عرفينا على بناتك
نورة:ذي بنتي نور واشرت على ثريا وذي بنت عزام من طليقته واشرت على غدير وريوف وهي تعرف انهم بنات خالة ثريا بس تبي تجحدهم وذول معرفهم
وضحى:اجل من ذول؟
حنين بعجله :ذول صديقاتي
الجدة:ماشاءالله وش اساميكم
ريوف:انا ريوف وذي غدير
الجدة:بسم الله عليكم
وشوي وقربو البنات من عند ريوف وغدير عشان يسولفون معهم
غدير:ندري بتقولون احنا مين احنا بنات
وسام:خلونا نطلع للحوش
قامو البنات وراحو للجهة الخلفيه من الحوش وحطو فرشهم وجلسو
نور:ليش مو حاطين بلاط احسن
روان:فيه لفه من هنا حاطين فيها بلاط
ريوف: يا شين الي ...
ودق جوالها قبل تكمل
ردت:الو
طلال:وينكم جيت البيت ومحد فيه
ريوف:اي طلعنا مع خالي ياسر للكوفي
طلال:اها ايت كوفي
ريوف:تحقيق هو؟
طلال:لا بس وين الكوفي في الرياض ولا ابها؟
ريوف:وش دراك؟
طلال:ياسر قال لي،وش موديك؟
ريوف:طلال اسمع
طلال ينادي:يمه تعالي
ريوف:ولد طلال لو تقول لها ترا بقول انك كسرت الفازه الي جابها خالي فلاح وبقول لابوي انك تسرع فيني بالسياره وبقول لهم ان..
طلال:اص خلاص ماني قايل بس لاتطولون
ريوف:اي طيب وقفلت
غدير:يهب انتي ماخليتي احد في حاله حتى طلال
ريوف:ترا بس طلال و ودّ وياسر وغمام وغروري بس
ثريا:حمدلله ما مسكتي علي شي
ريوف:ندور وش ورانا
نور:يا شين الي يجي عزيمه مو معزوم فيها
ريوف:وياليت تسكتين عشان ما اخلي امك تبكي عليك
نور:ولد انتي بس تحبين تضاربين!
ريوف:اي ولد وان ما سكتتي قمت لك
نور:ماراح اسكت وبشوف وش بتسوين
ثريا:بس خلاص ريوف اجلسي وانتي ي نور ابلعي لسانك
نور تكتفت وجات حور تلعب ولدها وجلست جنبها ولفت حور تسالها عن شي بس بدو يسولفون
حنين بهمس:غثيثات وطاحو على بعض
ريوف سمعت:اصلا واضح من شكلها
مرت ساعتين مابين سوالف البنات وضحكهم
وسن:بنات قومو جا العشا
وراحو البنات وبدو يتعشون قامت لميس تغسل وشافت صالح واقف على الباب
لميس:وش تسوي
صالح:وش ذي الكشخه
لميس:حلوه صح؟
صالح:اي ماشاءالله ومسك شعرها وشده لتحت وانحاش
اخذت لميس اي حذاء قدامها ورمتها على صالح بس نزل راسه وجات على..
_
قبل ساعتين
فهد طلع من البيت يكلم وشاف سيارة يعرفها راح لقزاز السياره ودقه ونزل ياسر القزاز
فهد:ارحب يابو غسان
ياسر نزل:البقى
فهد:اخبارك
ياسر:بخير الحمدلله انت اخبارك علومك؟
فهد:بخير،وش عندك هنا
ياسر:انتظر اهلي
فهد:حياك تقهوى
ياسر:تقهوى عندك العافيه انا مستعجل
فهد:حلفت عليك ان تدخل تقهوى
ياسر ما حب يرده ودخل مع فهد وطبعا خلوه يجلس الين العشا
_
عند لميس
اخذت اي حذاء قدامها ورمتها على صالح بس نزل راسه وجات على كتف ياسر
غطت وجهها بفشله وهي ماتعرف من ذا
وصالح راح له وهو يحك راسه من الخلف:اعذرنا النيه في راسي والواقع فيك
ناظره حاكم بحدة وسكت صالح
_
"في المزرعه عند الرجال"
غسان:ماكلمكم ياسر؟
طلال:الا ي جدي يقول شوي بيجي
غسان:زين
جمال بهمس:طلال
طلال:هلا
جمال:احس اني جوعان قم نروح عند الحريم نجيب لنا اكل
طلال:تصدق حتى انا نفسك قم
قامو يمشون لجهة الحريم ودقو الباب الفاصل
راحت ودّ عند الباب:من؟
جمال ابتسم:افتحي
فتحت ودّ ووقفت ورا الباب ومعها غمام:وش تبغون؟
جمال:كيفك ي بنت الخال؟
ودّ:بخير انت شلونك؟
جمال:بأفضل حال
طلال:شوفي لنا طريق بندخل
غمام:سلامات البنات في البيت وين بتدخل
جمال:ماتعرف تهرج انت،قصده بندخل المطبخ نسوي لنا اكل ونطلع
ودّ:طيب استنو
دخلت ودّ وشافت جدتها والحريم في الغرفه والبنات معهم
دخلت ولبست نقابها وعبايتها وطلعت لهم وشافت غمام جالسه وهم يمازحونها:ادخلو بسرعه لاتشوفكم جدتي
جمال:انشهد انك كفو
غمام:هي كفو بس اسمع
جمال:سمي
غمام:اذا خلصتو تنظفون فاهمين؟
طلال:قلنا انك خالتنا بس احترمينا ترا اكبر منك
غمام:يوه اسكت بس وخذ ذا معك عيونه قامت تلتف
ناظر طلال في جمال الي كانت عيونه على ودّ
مشى طلال وسحبه وجمال كان يمشي وراه ويحاول يفك يده
طلال:ورع انت ورع؟تبي جدتي تطلع علينا الحين
جمال:ياخي تكفى شفيك
طلال:امش وانت ساكت مو كنت تبي اكل
جمال:الا بس..
طلال:امش يلا
دخلو المطبخ
طلال:اسمع شوف هنا وانا بشوف الثلاجه تمام؟
جمال:طيب
كانو يدورون لهم شي يطبخونه
بس مالقو الا عدس عشان تو ما جابو اكل للثلاجه
جمال:انا بسخن العدس وانتي سو لنا خبز
وفعلاً طلال سوا خبز وجمال سخن العدس وجلسو في الارض ياكلون وخلصو وطلعو بسرعه
