كالعاده گعدت متأخره وكُلشي بيه فوضوي شكلي، غرفتي، علاقاتي، افكاري.. تأففت وگمت من فراشي بهدوء بدون ما ارتب مجان عندي شغف اسوي شي ، بهل وقت جنت توي مخلصه سادس اتوقع خمنتوا اصلًا..
..
بصراحه مجنت متحمسه للمرحله الجديده بحياتي مثل ميگولون چنت بس اريد اخلص واسوي الي لازم يسوي الانسان العادي يدرُس، يتخرج، يشتغل حيل جان صعب عليه اسوي أي روتين، اهلي جانو منفصلين ومهامتني هلشغله هواي لان بطبيعة الحال قبل لينفصلون مجانو يلتقون واشوفهم هواي ،عندي اخ واحد من امي ونادرًا اشوفه
..
أحب الوحده بس مجنت رافضه اكون صداقات دوم جنت مجبوره عله هواي اشياء اني مرايدتهه مثل انو ادخل قسم داخلي بالجامعه الي حدرس بيهه وهذه الي صار..
اهلي مرادوني ابقه وحدي ف فكروا لو خلوني اعيش وي بنات بمختلف الافكار ممكن أتغير وأتأقلم وياهم
..
حضرت جنطتي ولبست اي شي عندي وربطت شعري باهمال ماحطيت لوجهي شي غير الكُحل جان حيل يجذبني طلعت انتضر ابويه علمود يوصلني
دخلت للسياره جان يحاول يخليني اسولف يسألني اسئله عشوائيه ومالهه داعي ف جنت ارد ع گد السؤال ف انتبه وبطل يسألني وهلشي حلو منه وصلنه بسرعه ومجنت رايده انزل حته لو مجنت طايقه الگعده بلسياره بس عالاقل افضل من الاصوات والهوسه
..
جانت الجامعه حيل جبيره دخل ابويه يكمل الاوراق او مدري شنو مجنت منتبهه لانو جنت استكشف المكان ومجان بذاك السوء اكو اشياء عجبتني جنت متعمقه لدرجة مانتبهت انو بابا طلع اجتني مرأه مو جبيره حيل بالعمر گالتلي حتدليني وين المبنى وين غرفتي جانت تحجيلي عالاشياء الي تصير هناك وتحذرني منهم اكتشفت هواي قوانين وهواي تصرفات لازم اتبعها علمود مآخذ مخالفه وانطرد ومجان الي خلگ لأي شي بس ردت انام
وصلتني للمكان جانت هواي اكو وجوه مختلفه جنت اسمع همسات ونظرات ماگدرت افسرهه وصلت للغرفه جان كلشي مرتب كل بنيه الهه مكان خاص بيهه شفت ملصقات الحائط من بنيه لثانيه اختلاف جذري..
حطيت جنطتي يم جربايتي وتمددت بدون ما انام احاول استوعب انو حبقى لفتره طويله هنا افكاري جان صوتهه اعلى من البنيه الي جانت تندهلي ب يابنيه..
گعدت من افكاري وانتبهتلهه رحبت بيه وعرفتني بنفسهه وبلبنات الي موجودات استلطفتهه جان شكلهه مو مبالغ بي شعر اسود شُبه قصير وخُصل بيضه ملامح هادئه بس انتبهت انو جانت لابسه اكسسوارات هواي بس مجانو اكثر من اكسسوارات البنيه الي شعرهه ولادي وكيرلي جانت ملامحهه بارزه بشكل عجبني شويه
