بعد كُلشي صار مگدرت اختفي مثل كُل مره لكن هلمره رانيا الي اختفت مع انو ذيج الفتره كُلهه كويزات والي اعرفه هيه تهتم حيل لدرجاتهه!
مُجرد التفكير بالدراسه جان متعبني ف كيفما الدراسه نفسهه؟
حاولن البنات يساعدوني بس اني جنت رافضه
غيد جانت اكثر وحده تحفزني وتأثر بيه بس مجنت اشوفهه تقره!
جان الجو حيل متوتر بينهن يتعاركن عله ابسط شي فجأه صارن كلهن حساسات حته وياي بشكل مينطاق
ابتعدت عنهن هلفتره لكن بقّيت بس غيد
جانت تحجيلي عله حبيبتهه الجديده
انتبهت انو تدخل من علاقه لعلاقه بس علمود تثبت لحبيبتهه السابقه انو تخطتهه!
واكتشفت كُل الي تدخل وياها بعلاقه لازم يكون فارق العمر بينها وبين غيد جبير وكلهن اكبر منهه
سألتهه "غيد متأكده تخطيتي ليليان؟"
انتبهت انو انزعجت ومن ردت اعتذر قاطعتني بردهه عليه "لا بعدي احبهه" ما تفاجأت من ردهه لان جانت واضحه رديت عليهه "ليش مترجعيلهه لعد؟"
"هيه متريدني بآخر مره حجيت وياهه جانت تختصر كلامهه وتحجي بإسلوب محلو" جانت تحجي بنبره تتصنع بيهه عدم الاهتمام ف فكرت اغير الموضوع "عوفينه من هلجاهله امشي نروح للكافتريا" مثل مشوفون ماعرف اواسي..
صادفنه هناك صديقات غيد بلمرحله الثانيه اخذوا يسولفون ومن غير سبب بدت عيوني تدور بالمكان لحد موگفت عله الي تدوره
رانيا جانت گاعده وي مجموعه من الطُلاب الي ميهمني اعرُفهم، جنت اكول من اشوفهه مراح التفت الهه او اروحلهه.. بديت اتقرب من الطاوله بدون وعي مني لحد مصارت كُل انظار الگاعدين عليه لاحظت رانيا النظرات والتفتت حته تشوف اجت عيونهه بعيوني لثواني وبمجرد معرفت انو هاي اني تجاهلتني ورجعت بنظرهه للي گدامهه لكن اللي گاعدين جان نظرهم لسه مثبت عليه
ماهتميت وسحبت نفسي، اخذت افكر هواي بالموقف ليش تجاهلتني بهل طريقه
