مشتاق : ورد تبقى اختي يا ورد.
ورد سلمت علي شوق بابتسامه و شوق هكذا
مشتاق : خدي ورد فرجيها علي الفيلا و عرفيها مكان الجناح بتاعنا يا شوق
شوق : امرك يا اخوي... تعالي يا ورد يامرات اخوي تعالي
ورد و شوق طلعوا فوق
شوق : انتي بقى ورد بنت عمي هشام صح؟؟
ورد : اه انا
شوق بغمزه : مشتاق كان بيحكيلي عنك طول الوقت وانه بيحبك.. ليه حق الصراحه انتي قمر
ورد بخجل : بجد قالك كده
شوق : اه علي طول بيحكي عنك... المهم دي كده الفيلا كلها. الجناح بتاعكوا بقا في جمب لوحده هناك... اصل مشتاق بيحب الهدوووء
ورد باستغراب : انتي ازاي بتتكلمي عادي كده مش صعيدي
شوق : انا جامعتي في القاهره اصلا بروح انا و محمد علي طول
ورد : مين محمد
شوق : اخويا التوأم... لا انتي كده محتاج تتعرفي علي ناس كتير..
ورد ضحكت: طب ايه مش هتوريني جناح مشتاق ولا ايه
شوق بخوف : لاااا دي فيها موتي دي مبيحبش حد يدخل جناحه ابدااا هو قالي اقولك علي مكانه بس.. انا مدخلتوش من سنين يا بنتي..
ورد بفضول : اشمعنى يعني فيه ايه من جوه
شوق بضحك : انتي اللي هتقوليلي بقى😁
تحت
مشتاق : مستغربتش يعني يا أبا
ابراهيم : هشام كلمني يا ولدي و عرفني كل حاجه و انا عارف انك لو مش رايدها عمرك ما هتوافج واااصل
مشتاق ابستم : هطلع انا بجى مش عاوز حاجه
ابراهيم : سلامتك يا ولدي
طلع مشتاق فوق لقى ورد و شوق واقفين قدام الجناح بتاعه
مشتاق : ايه اللي موقفك هنا يا قرده انتي
شوق و هي بطلعله لسانها : بوري ورد الجناح
مشتاق : طب اتكلي انتي بقى من هنا... اجري
شوق جريت علي تحت
مشتاق وهو بيفتح الجناح بتاعهم : اتفضلي يا عروسه
ورد دخلت من غير ما تبصله
و مشتاق قفل الباب
مشتاق : ادخلي غيري هدومك بقى و تعالي عايز اتكلم معاكي
ورد وهي بتحرك راسها بالموافقه : ماشي
ورد غيرت و مشتاق عمل كوبايتين نيسكافيه و طلعوا البلكونه
مشتاق بحنان : ايه رايك نفضل صحاب بس قدام اهلي و اهلك متجوزين
ورد : انا موافقه جدا
مشتاق : طيب تحبي نعمل ايه دلوقتي انا مش جايلي نوم
ورد بتفكير : امممم ايه رايك نتفرج علي فيلم
مشتاق بضحك: فكره رائعه 😂😂
و قعدوا علي الكنبه و اتفرجوا علي فيلم
تحت
سحر في التليفون : بجولك اتجوز يا خايبه.. معرفتيش تخليه يحبك
البنت : اعمل ايه بس يا خالتي عملت كل اللي قولتي عليه دلع وادلعت، تقل و تقلت اعمل ايييه
سحر : تعالي اقعدي معانا هنا كام يوم وانا هتصرف و مش هسكت غير لما يطلجها
سحر سمعت صوت خربطه بصت وراها لقت محمد داخل فا قفلت التليفون بسرعه
محمد : عامله ايه يا مرات ابويا
سحر : بخير يا ولدي.. شوفت اللي حوصل
محمد :خير
سحر : اخوك اتجوز
محمد بدهشه :.... مشتاااق.. ايوه بقاااا
و طلع يجري علي فوق
محمد و هو بيخبط علي شوق : يا شووووق يااا شوق
شوق : في ايه يا ابني.. تعالي ادخل
محمد : مشتاق اتجوز بجد... مين اللي عرفت توقعه بعد ورد اللي كان قارفنا بيها حكايات
شوق بضحك : هي ورد 😂😂
محمد : بجد 😳
في جناح مشتاق
مشتاق : انا هنام بقى
ورد : اه وانا. بس.....
مشتاق : مش هتعرفي تنامي علي الكنبه عشان منتكلمش كتير نامي جمبي علي السرير و هنحط المخده دي بينا.. تمام؟..
ورد : بس.
مشتاق بمقاطعه : متبسبسيش بقا يلا
و ناموا أبطالنا
تاني يووووم
مشتاق : يا ورررد ورد
ورد : مش قادره اقووم
مشتاق حط جمبها حاجه فضلت تتحرك
ورد و هي بتفتح نص عين : اااااه ايه دااا
و نطت وقفت علي الارض فى ثانيه
مشتاق بضحك : 😂😂بتخافي منهم ولا اييه 😂
ورد : ابعدها عني يا مشتاق بالله عليك
مشتاق : حرام عليكي يا ورد دي ورد! (قطه) 🐈
ورد :😳اسمها ورد
مشتاق : اه شوفتي..علي اسمك.... يعني عشان عشان الاسم عجبني يعني.. 😅
ورد بابتسامه خبيثه : ايوه ايوه
مشتاق :... المهم يعني يلا عشان نفطر معاهم تحت
ورد : انزل وانا هاخد دش و انزل
تحت
كله قعد علي السفره (مشتاق إبراهيم و سحر و شوق و محمد ووو سعاد)
كانوا بيتكلموا عادي لحد ما لقوا في قمر نازل من علي السلم
ورد كانت لابسه فستان ابيض بنص كم و مليان ورود لحد الركبه كده و شعرها ضفيره جميله
محمد : اووووه متقولوش ان هي دي ورد هى ورده فعلا اسم علي مسمى
مشتاق و النار بتخرج من عينه : محممد 😠
محمد بخضه : في ايه 🤕
مشتاق : يا هنيه يا هنيييه
هنيه : ايوه يا بيه
مشتاق : ابعتيلنا علي الفطار علي الجناح فوق
و قابل ورد علي السلم مسك ايدها بعنف و شدها لفوق تاني
ورد : في ايه... انا عملت حاجه غلط طيب
مشتاق : انتي ايه اللي انتي لابساه دااا
ورد : في ايه مهو طويل اهو
مشتاق : ورررد دا كده طويل؟! .. اللبس دا تلبسيه هنا في الجناح مش اكتر
ورد عجبها غيرته فا سألت بستفزاز : بس مين القمر اللي كان تحت دا
مشتاق :نعم!! 😳
ورد : هو دا محمد تؤام شوق
مشتاق : ورررد.....
و خرج و ساب الأوضه
ورد بضحك : شكله لسه بيحبني 🤭🤭
تحت
مشتاق : انا هروح الأرض يا حج ابراهيم
إبراهيم : ماشي يا ولدي.. بس مش هتفطر
مشتاق : مش عايز اطفح.. و سابهم و مشي
سحر بصت لسعاد بخبث :شكله اتعصب منها تعالي ورايا المطبخ اقولك تعملي ايه....
فوق
ورد واقفه في البلكونه و شافت مشتاق و هو خارج
الباب خبط و ورد فتحت
هنيه : الوكل يا ست هانم
ورد اخدت منها الاكل : شكرا معلشي اعمليلي شاي بس
هينه : عنايا يا ست هانم
ورد : و معلشي كمان طلب بس.. قوليلي يا ورد بلاش ست هانم
هنيه : حاضر يا ورد هانم
ورد:😂🤦🏻♀️
دخلت الاكل بس مأكلتش قعدت تلعب علي التليفون
الباب خبط تاني و ورد فتحت
ورد :....
سعاد : انا سعاد بس اخت الست سحر
ورد : اااه انا ملحقتش اتعرف عليكي تحت وانا ورد
سعاد : عادي يا حبيبتي.. المهم دلوج مشتاق بيه قولي أخبرك تاخدي الوكل و تروحيله
ورد : اروحله؟.. فين؟
سعاد : متقلقيش السواق عارف المكان بس اهم حاجه البسي حاجه طويله
ورد بصت علي الفستان : ماشي شكرا يا سعاد
ورد استغربت الموضوع بس هي مأخدتش رقم مشتاق لسه فا قالت تروح و خلاص اكيد مش هيخطفوها يعني
لبست فستان طويل المره دي و بكم و اخدت الاكل و نزلت
سعاد : الفستان دا حلو اووي عليكي (😒)
ورد : تسلميلي
سعاد يا فتحي فتحيييي
فتحي : ايوه يا ست سعاد
سعاد : وصل ورد هانم للمكان الزراعه عشان مشتاق بيه طالبها
فتحي بستغراب : مشتاق بيه طالبها؟؟! 😮
سعاد : اه يلا و بلاش لَك
ورد ركبت العربيه و فتحي و داها للارض
(الأرض دي مش بيروحها غير الرجاله بس)
ورد نزلت من العربيه :شكرا يا فتحي
شافت مشتاق واقف فا راحت عنده و هي مبتسمه
:مشتاق مشتااق
مشتاق بيبص وراه :...... 🙅🙅
يتبعععع ❤️
حاولت أطول البارت علي قد ما اقدر 🦋❤️
أنت تقرأ
صعيدي و لكن مشتاق 🫂(1)
Fiksi Umum❤️ اول حاجه نتعرف علي أبطال روايتنا ورد: بنوته جميله عمرها 22 قصيره و مش رفيعه (بطايه من الاخر) عيونها عسلي و شعرها اشقر وناعم و فرفوشه جداااا و تافهه لدرجه عاليه سمر : الصديقه الصدوقه لورد و مع بعض من و هما 8 سنين يعني عشرة عمر سمر بقا طويله اوي...
