في قبضة المجهول 1415 " الأصليه "

البارت 2

دخلت للغرفه واني مستغربه شنو وداني لهناك اني غير جنت نايمه هنا شويه شويه بدت كل لحضه ترجع واذكرها لحد من جنت متمدده وبعد مادري شصار فركت كصتي وكعدت اخذت تلفوني شفت الساعه 4/04 بقيت صافنه عليها طاح التلفون مني دنكت اخذته شفت التاريخ

التاريخ-الجمعه 14 مايو

ذيبت تلفوني وتمددت ورجع عليه الماضي البشع وقسوته وياي...

بعد ما كملت اكل كمت غسلت وطلعت برا اول مشافني عموو اجى يدغدغ بيه واني ميته ضحك يدغدغ ويعض بخدودي جانو عندي خدودي كلشش حلوات كبار وحمر وشفتي لونها كرزيه وبشرتي بيضه وجنت ناعمه حيل..

وخر عني واني كمت اكل باضافري وكعدت يمهم شي بداخلي يكلي كومي صيحي طلعي كلشي بداخلج خلي يعرفون شنو بداخلج وشي يكلي لا اليكساندرا ابقي بمكانج ولا تكومين راح تصير مشكله وياعاركون امج

بقيت بمكان وبس عيوني تتجول على الصوبه واكول بداخلي

--خلي اشمر نفسي عليها يمكن احترك واموت

وشي ثاني يصرخ بداخلي ويكول..

--لاااااااااااااا اياج رااحح تمومتين ويعاركون امج راح يضلون يعيرون بيهاا صيري سند الها مووو تكسسريينههااا

كنت دائما ارتعب من الصوت البداخلي جان جداً يخوف

(العوده)

كنت دائما ارتعب من الصوت البداخلي جان جداً يخوف كمت من مكاني واني اشوف الدنيا تمطر ركضت ليبرا والطرمه كلها مي محسيت غير بس طايحه بنص بقه مي ومتروسه دم صفنت على الدم لثواني وضليت ارمش بعيوني باوعت على كف رجلي لكيته يصب دم

خليت ايدي عليه صار دم على ايدي قربته من خشمي مابي ريحه صفنت عليه للحضات بعدين سمعت صوت عمي بالباب بسرعه عصرت عيوني للبجي بس مجاي اكدر ابجي بلعت ريك بخوف وطكطكت اصابعي وهوه متجه نحوي ويمشي سريع حتى يوصل الي جانت الطرمه مو كلش جبيره وسط

اجى وسحبني لحضنه شالني واني اصيح بتمثيل للخوف..

اليكساندرا--ااووهه اووه امو اوهه (امو: عمو)

باوع على رجلي وعكمش وجهه وكال..

نجاح--جاي تأذيج مو؟

هزيت راسي وهوه دخلني للبيت كعدت وهوه راح يجيب شاش ومعقم شلت رجلي خليتها بحضني وباوعت بتجاه الالم لكيت طبقه جبيره من لحم رجلي اذا اسويلها اوف اطيح اجى عمو وجايب وياا مكراضه ومعقم وشاش ولاسق جروح كطع الطبقه الجبيره من اللحمه بالمكراضه وجاب معقم

اول مخله على رجلي معقم فزيت موجوعه وهوه يكول هسه اتصير زينه صيري سباعيه ها اها خلصنه باوعت على رجليه صدك خلص وجانن اكو شخوط يمها شوي عميقات هم مخليلهن معقم ومخليلهن لاسق جروح باوعتله وابتسمت وكلت..