في قبضة المجهول 1415 " الأصليه "

بارت 6

كمت لا ارادياً فكرت انشر صوره لعيوني على الانستا وشنو يصير اذا نشرتها شي عادي رحت للغرفه وصورة كم صوره وماعجبتني غير وحده فرحت صح هيه شي بسيط بس فرحت كل الاشياء البسيطه تفرحني

نشرتها على الانستا وعليها اغنيه انكليزيه طفيت تلفوني وكمت اتعشيت ورجعت قريت لأن وراي دوام كملت القرايه وكلشي شفت جنطتي ورتبتها عدل وشفت كتبي خاف ناقصهن شي رحت لتلفوني مادام كملت من وقت اضل اباوع بتلفوني

دخلت على الانستا حسابي مديطلعلي خفت واكثر من مره رجعت وسويت الحساب وهم مديطلعلي هنا عرفت حسابي تهكر بعدين كلت..

اليكساندرا--اهوو عادي واذا تهكر هوه بس صوره لعيوني نزلت يعني شسويت كفرت استغفر الله ناس بلا ذوق يعني شنو هل عين الممتروسه عدكم غير عدكم حسابات ليش تبوكون حسابات غيركم

رحت للتيك ضليت اباوع عليه شوي واجاني اشعار من الانستا فتحت عيوني بتسوع مصدومه وبستغراب شعور مختلط فرحه على استغراب على خوف على صدمه دخلت للانستا بسرعه شفت هواي اشخاص مراسليني من الصدمه ماعرفت شنو اسوي

باوعت على حسابي طلع مشترك واني مو كل وهاي اعرف بالانستا والرسايل بعدهي تندز بعدني بصدمتي بسرعه طلعت من الانستا اجتني رساله من حساب جذبني شكل الحساب دخلت عليها محور الرساله هوه..

--اعرف كل تحركاتج ف اكعد واسكتي والسايق اهلج اذا ما بدلو اجي اكسرهم

صفنت على الرساله جاوبته بغضب..

اليكساندرا--وانته شعليك بكيفي اني شوكت ماريد ابدل السايق ابدله تمام واياك تجيب طاري اهلي مره ثاني انته مادخلك بكلشي

--مو بكيفج يا بعد ڪليبي وشرايينه اني اقرر عنج من اليوم ورايح ف لا تفكرين تلعبين وياي لأن عقلج يم عقلي يدوخ

عوجت حلكي بقرف وكلت..

اليكساندرا--دروح روح الله ينطيك العقل

--وليدي مو سهل اللعب امشي نام باجر وراك مدرسه او يمكن نلتقي باجر

اليكساندرا--خاب شوو دطيرر

طلعت من الانستا وحذفته كله من عصبيتي هم زين مغلطت عليه رحت نمت واني بالي مشوش وحتى عمر ماسمعت اله صوت ولا حسيت بي ابد كعدت الصبح بعدني نعسانه كمت بدلت وجهزت كلشي وصار وقت اروح للمدرسه يمكن اكثر شي احبه الطريق

من اروح الطريق هوااا بارد وحلو يعجبني احس افصل عن العالم اباوع على الناس واكول بكلبي..

--ياترا بشنو ديفكرون؟ هذه اليوم هماتين نجح بدراسته؟ هذه هماتين اهله ديعذبونه مثلي؟ ليش هذه انطوائي اهله ديعذبونه عذاب ضمير لو شنو؟

منتبهت اله على صوت الهورن فتحت الباب وطلعت ونسمات الهواه تداعب بشرتي، تمشيت وصلت للباب ومع كل ذالك نضرات السايق متفارقني صعدت واول مصعدت كلت..