في قبضة المجهول 1415 " الأصليه "

بارت تحفيزي قصير

كعدت الغرفه ضلمه ومبينه الدنيا ليل كمت طلعت برا شفت الصاله هماتين طافيه رحت للمطبخ وعسلت وجهي بطني تغرغر جوع حبيت اول شي اشرب حليب بككو مشروبي المفضل طلعت الحليب والككو هماتين وسويته واخذت الكوب ورحت للغرفه وكد ما متحمسه على شربه

كمت اشرب واني بالطريق سمعت صوت حسين فوك وهوه وامه وعمي نجاح يحجون طكيتها ركضه للغرفه وسديت الباب ورحت تمددت شوي شوي ونفتح الباب وشتغل الضوه غمضت عيوني وجعني بسبب الضوه

شفت عمي نجاح وراا حسين باوعلي عمي وهوه مبتسم الي بحينه كال..

نجاح--تعاي راح اسوي اكل تجين تاكلين؟

هزيت راسي بلا وكلت واني ارفع كوب الحليب..

اليكساندرا--لا شكراا دشرب حليب بككو

حسين--حليب بككو؟

اليكساندرا بنتر--اييي

حسين--جا راح اسوي

كلبت عيوني بملل وعمي اصر عليه اروح اكل وياهم واني بعدني معانده ماروح..

نجاح--ولج شبيج كومي اكلي

اليكساندرا--لا ورب كلش مشتهي

لفت انتباهي حسين باوعلي ببتسامه من وراا عمي نجتح غمز الي ودزلي بوسه بالهوه باوعتله بقرف ودرت وجهي طلع عمي نجاح وعاف الباب وراا مفتوح والضوه هماتين كمت واني مقهوره لأن مابيه حيل اكوم

سمعت صوته وهوه يكول..

--الاثول ليش مطفه الضوه هوه

اليكساندرا بنتر--مااعليكك

--عليه ونص

اليكساندرا--هوه شنو انته بكيفك شوو وخرر عني تره مالي خلكك

--ليش خلك منو الج

اليكساندرا--الي خلك نفسي وفقط رجاء روح عني نشالله كون السحاره ام عباس تسحرك

--ماتسحرني لأن اني خيال

اليكساندرا--همزين عترفت بنفسك ويلههه كفيني شرك رجأ

رحت تمددت وهوه بعد ماله صوت كمت اسمع اصوات غريبه خفت بوقتها وغطيت راسي وسميت انفتح الباب وخرت الحاف عني طلع حسين كمت واني شعري مبعثر كلت..

اليكساندرا--انتتهه شتتريدد شتترييددد؟

حسين--شبيج ومرض وسم شمسوي هسه

اليكساندرا--اول شي مرض اليمرضك وثاني شي لا خطيه ممسوي شي

حسين--نجبي تره والعباس اموتج

اليكساندرا--خاب دطير طير اني مناقصني غير الزعاطيط

رص على اسنانه بغضب وكال..

حسين--ولجج اليكساندرا لا تخليني اطلع عن طوري

اليكساندرا--الباب ينتضرك خطيه رجلينه طاحنه صارن خيوط امشي ولي

بقه واكف يباوع على عيوني ميلت راسي وكلت بقهر..

اليكساندرا--عليك العباس اطلع تره والله روحي تعبانه

حسين--ارجعي كول والله

اليكساندرا--ليش تريد تضحك على كلمتي المكسره

حسين--تره حلوه مو اضحك عليه

اليكساندرا--شكد بلا كرامه اطلع براا

حسين--طالع حبيبتي

اليكساندرا--حبتك حيه نشالله

طلع واني رجعت اشرب بحليبي ونسيت سالفت الاصوات الغريبه وهم رجعت نمت كعدت ثاني يوم الصبح واليوم سبت لازم اكمل دروسي كلها كعدت ادري والملل فوللل

كملت وطلعت وكفت بالباب وفركت عيوني نعست وبعد ماحسيت بشي بس الضوه الفوكايه يفتر ابتسمت مرتاحه من كلشي

كعدت واني هماتين بحضن يسرى وماما كاعده يمي وعيونها حمر تريد تبجي واني متبنجه كلشي ماحس كعدت بستغراب ملابسي مبلله مي كلت..

اليكساندرا--عندي ايدين اني مجاييي احسس بجسمميي

سحبتني ماما لحضنه وكالت..

فاطمه--لتتخافينن لتخافين هسه تصيرين زينه باوعيلي يمهه بنيتي

وخرت منها ارجف حتى الكلام متكدر احجي ودكات كلبي تتسارع بالزايد ضليت كاعده لدقيقتين وابتسمت فرحانه كمت وجسمي كله رجع تبنج طحت كضتني ماما بسرعه بلعت ريك وايدي ترجف بخوف

وشوي شوي بعدين صار الموضوع عادي كدرت امشي مشيت وشفت صراحية المي بيد حسين يعني هوه الجابلهم المي وعلى ثغره ابتسامه وعيونه كلهن قلق

اخذت نفس اني شجابني على هيج عائله ربي اخذ حياتي وخلصني منهم بعدين استغفرت ربي وادركت ان لـ مؤمن مبتلى

ــــــــــــــــــــــــــــــــــــــــــــ يتبع

عمرتاتي تره هذه بارت تحفيزي قصير نشالله يوم يومين انزللكم بارت حييللل طويل وهسه ام سوري حان وقت النوم باييي كايز تصبحون على خير