18 نوفمبر ( قصة قصيرة )

part _ 2 _

18#_نوفمبر

بقلمي الكاتبة : هبه الساعدي

نعم انه الحُب

أسأليني عنه

سأجيبك عليه

بأبجديات كل اللغات

في سمائه كقطرات المطر

تتزاحم نجوم وكواكب متناثرات

••••••••••••••••••••

_ رحنه ڪعدنا نقرا بالمنيو ونختار شي نسد جوعتنه بيه الى ان رفعت راسي واجتي عـيوني بعيونه

شاه :- حسيت الوقت وكف على ساعة 6:46 كأن المطعم فارغ بس ٲنـي وياه موجودين حاولت انزل راسي او عيوني على الاقل مگدرت جان اكو صوت بداخلي يدفعني استمر بنضراتي

_ حسيت اكو شي الي يمه شعور لطيف بس غريب عليه بنفس الوقت ما جنت اسمع الي يــمي شنو يحجون

الى ان سرى حركت ايدي وگالت :-

سرى :- وين صافنه گومي اطلبيلنا انتي

شاه دفعت ايدها وگلت :-

شاه :- دروحي استحي اگوم كدام ڪل هالعالم ڪل عقلج كومي انتي حبابه

سرى :- جيبي انتي فاهيه ٲنـي حروح اطلب وارجعلكم

_ طبعا المطعم جان هوسه و عليه لود تأخر طلبنا 3 ساعات حرفيا

شاه :- طول هالوقت واني اباوعله وهو يصور ومن اشوفه يباوعلي انزل عـيوني او ادير وجهي

_ تمنيت الطلب ما يجهز والوقت ما يمشي واليوم ما ينتهي لان جنت آعـٰرف هالصدفه مستحيل تتكرر مره ثانيه شلون و ويـِــنٰ ممكن تتكرر

_ بـهل اثناء تجهز طلبنا جنه مقررين ناكل بالمطعم بس تأخر الوقت اضطرينا ناخذه سفري من شافنا نريد نكوم تقدم لطاولتنا

وهو لازم كاميرا يحجي بصيغه جمع بس عـيونه عـڵيـه گال :-

ايلان :- مـرحــبـا راح تاكلون هنا لو تاخذوا سفري؟

واني مدنكه توترت لان گدامنا گتله :-

شاه :- لا لا سفري

ابتسم ابتسامه خفيفه وگال :-

ايلان :- مو اريد اصوركم

رفعت راسي التقت عيني بـعينه گلت :-

شاه :- تأخر الوقت لازم نروح شكرا

_ اخذت جنطتي وعلبة الأكل وطلعت اني والبنات بين ما طلعنا من المطعم هو هم لملم معدات التصوير وطلع

_ رجعت للبيت سلمت على اهلي وصعدت لغرفتي غيرت ملابسي فتحت شعري وتمددت على فراشي

_ فتحت موبايلي ومثل ڪل طلعه اصور وانزل ستوري بحسابي نزلت صورا وسويت تاك للمطعم بعدها طفيت الموبايل ونمت وكل شي جان طــبيـعـي