18 نوفمبر ( قصة قصيرة )

part _ 7 _

18#نوفمبر

بقلمي الكاتبة : هبه الساعدي ✍🏼

لا ليلٌ ولا قمر
و الهوى يهب على الشجر
يا ليتني ذلك المطر
و على جفنيك اتسطر

•••••••••••••••••••

ايلان :- لا حبيبي غلطت واني لو عندي شي ما اجيبج للجامعه كدامهم ويشوفوج وياي

رجع دم بوجهي ابتسمت اله :-

شاه :- اعرف عمري

_ شويه وطلعنا من كافتريا رحنه لمكان التصوير خلصت ترتيبات الصوره ..... وطلعنا حتى نرجع للبيت

ايلان :- خلي ناخذ صور جيبي ايدج حبيبي

انطيته ايدي لزمها بــحنيه :-

شاه :- تمام عمري

_ صورنا ايدينا ونشرها ستوري على الانستا انـي عندي شامه بأصبع ايدي اليمنى ما توقعت ممكن احد يعرفني من خلالها

_ وصلت للبيت سلمت وگبل سبحت وتغديت طلعت موبايلي من الجنطه دزيتله رساله

💬 كلش فرحت اليـوم لأن شفتك

_ طفيت موبايل حسيت على صوت القران ما بقى شي ويأذن الظهر استغفرت ربي ... رحت توضيت ورجعت للغرفة فرشت سجادة لبست أزار الصلاة گعدت ادعي ربي يسهل امري

(الَلَهِمَ يَِّّسر لَيِّ ګلَ أّمَر صٌعبِهِ وِأحٌفظنِي مَنِ ضّيّقِ أّلَصدِر وِشٍتات أّلأّمر وِتشٍوِشٍ ألَعٌقلَ إنِك عٌلَى ګلَ شٍيّء قِدِيّر)

_ بقيت ادعي فتحت القران قريت سورة يس كولش مفيده لتفريج الهموم وقضاء الحوائج والها اسرار عظيمه عند الله .. سمعت الاذان كمت صليت

_ كملت صلاتي لزمت السبحه كعدت اسبح

(سبحان من جعل خزائنه بين الكاف والنون) ..100 مرا تسبيح

(سبحان من إذا أراد شيئاً أن يقول له كن فيكون) ..100 مرا تسبيح

_ خلصت لملمت السجادة ونزلت جوا ساعدت ماما بالغده ونسولف كملنا الغده بهدوء

ام ايهم :- ماماتي فدوه لعينج من تكملين تنظيف رتبي غرفة اخوج صايرة هوسه

اشرت على عيوني بأبتسامه:-

شاه :- من عيوني ماما

ام ايهم (بأبتسامه) :- سالمات عيونج يمه

_ راحت ماما للصاله لملمت المطبخ ونظفته وصعدت لغرفة ايهم رتبت الفرشه مسحت اخشابها ومسحت الارضيه عطرتها وطلعت

_ دخلت لغرفتي اخذت نفس من بعد يوم متعب اخذت موبايلي من على الميز فتحته لگيت رساله منه وهو متصل بالنت فتحتها

💬 واني أڪــثر خليتي الفرحه فرحتين

ابتسمت لا اراديا كتبتله :-