رجعوا العيال شقتهم وكلهم قاعدين بالصاله الا عبود دخل يتحمم
نواف: يعيال تخيلوا اني متحمس ل بليل من زمان ما لعبنا
صالح:متحمس تلعب اجل ها
ياسر: تراك مفضوح خلاص كلنا دارين
نواف: ياخي الواحد وده يصير غامض شوي بس عندكم مستحيل
صالح: غمووض مييييين ياشيخ انت حتى الدكتور داري انك خاق عليها
ضحكوا كلهم وطلع عبود من الشاور وراح عالمطبخ وهو لاف الفوطه على خصره وصالح قام يناظر عبود من فوق لين تحت وهو يمشي من المطبخ لين وصل للصاله شاف عبود صالح يناظره ابتسم وغمز ودخل الغرفه استحى صالح من غمزة عبود وحمر وجهه وقام يفكر يقول شفيني انا وش قاعد افكر فيه ليه قاعده اناظر جسم عبود... لا وفوق كذا عجبني جسمه.. مو بس عجبني لا جذبني.. لا لا شكلي اتخيل بس.
نواف: هيه صالح اكلمك انا
صالح: هلا وش قلت ماسمعت
ياسر: وش تناظر وش فيك
صالح: لا كنت اهوجس ها وش كنت تبي
نواف: كنت اقولك اجلوا طلعتكم انت وعبود وتعالوا معنا
هنا طلع عبود من غرفته وسمعه جلس عبود وقال: لا ما بنأجل بنطلع واذا رجعنا بدري جيناكم روح انت اقعد ناظر ساره كأنك اهبل
صالح وياسر يضحكون نواف: ياخي خلاصص ادري اني مفضوح هههههههههه
صالح: عبود بغير ونطلع ها؟
هز عبود راسه ودخل صالح غرفته يغيرلبس شورت قصير اسود وتي شيرت اسود وكاب لفه على ورا وعبود كان لابس سويت بانتس رمادي وتي شيرت ابيض
طلع صالح من غرفته واول شي ناظره عبود فخوذ صالح
عبود: شدعوه مالقيت اقصر هههه
صالح: الا عندي اقصر تبي البسه ؟
عبود ضربه بخفيف على راسه وقاله: امش امش بس
صالح: اسوق انا ولا انت؟
عبود: لا انا بسوق
———————
ركبوا سيارة عبود
صالح: انا بشغل اغاني اغانيك فكك
عبود: حط الي تبيه ياعيوني
صالح نزل واسه واستحححى من كلمة ياعيوني وقعد يفكر فيها طول الطريق.
وصلوا مكان البولينق الي كانوا متفقين يروحون له عبود: ها ترا الي اذا فزت بتسوي الي ابيه
صالح: قصدك انت بتسوي الي ابيه لانك مارح تفوز
عبود: نشووف ياصلوح
قعدوا يلعبون واستانسوا بس بالنهايه فاز صالح وطلعوا برا يمشوون للسياره
صالح: ثاني مره لا تتحداني هااا
عبود يقول بمزح: اقول وخررر بس ويدفه
صالح: قام مسكه وحضنه قال خلاص خلاص كل شي الا زعلك
صالح حظنه بقوه اكثر : ياخي والله اني اشتقت لك
عبود دق قلبه بقوه: والله وانا اكثر يبو صلوح
فك الحضن صالح وكانوا قريبين من بعض مره
صالح: انا كنت ابي نطلع ذا الطلعه عشان اعرف وش شفيك احسك مبعد عني
عبود ساكت ويناظر بعيون صالح
صالح: عبود فيك شي صح؟ شكي كان بمحله
عبود: اي يا صالح فيني شي
صالح: وشو طيب قول لي يمكن اقدر اساعدك انا اقرب الناس لك صح؟
عبود: صح صالح
صالح: طيب علمني تحب صح؟
عبود انصدم من سؤاله: ايه.
صالح حس بقلبه ينقبض ومايدري ليه زعل من جوابه وكأنه كان يبي عبود يقول لا: مين من البنات الجدد ذول؟
عبود: لا وش ما صار لنا يومين نعرفهم امداني حبيتهم
صالح: ههههه اجل مين مافي احد تعرفه غيرنا قام سكت عبود وشال عينه من عين صالح.
مسك صالح وجه عبود ولفه عليه
صالح: مين؟
عبود: مقدر اقولك صالح..
صالح: ليه ليه؟
عبود : بس مقدر اخاف من ردة فعلك
زعل صالح وراح ركب السياره دخل عبود السياره وشغل السياره
عبود: اي مطعم تبي؟
صالح: مب جوعان خلاص خنرجع الشقه
عبود: شدعوه توك قايل لي جوعان
صالح: انسدت نفسي.
عبود: خلاص اجل انا بوديك مطعم على ذوقي.
سكت صالح ولا رد وصلوا المطعم ونزل صالح معه دخلوا وقعدوا على طاوله حقت شخصين طلب عبود على ذوقه لان صالح رافض يتكلم
عبود: صالح شفيك
صالح: بالله؟
عبود: وش فيك صالح لو قلت لك صدقني بتغير بعينك.
صالح: صاحي انت ولا مجنون والله لو ايش تسوي مابتتغير من عيني انا معك بالشينه والحلوه بس تكفى قولي وش السالفه.
عبود ماقدر يتحمل صالح وهو يقول تكفى: خلاص بقولك بس والله لو يصير شي بيننا انت السبب
صالح: قول لا تخاف
عبود: انا احب واحد..
صالح: ولد؟
سكت عبود وكأنه متفشل من نفسه
صالح ثاني مره: ولد؟
عبود: ايه.
صالح: من القروب حقنا؟
سكت عبود
صالح:جاوبني عبود!
عبود: ايه يا صالح ايه!
صالح: مين؟
عبود: مقدر اقولك
صالح: يا نواف ولا ياسر ف قول يلا مارح اعلم احد والله.
عبود: نسيت واحد..
دق جوال عبود وكان ياسر
عبود: الو هلا
ياسر: عبود وينكم بسرعه تعالوا
عبود: وش فيكم وش صاير
عبود: يلا يلا جايينكم كنسلوا الطلب وطلعوا
صالح: وش فيهم؟
عبود: نواف طاح واغمى عليه ومافي سياره يروحون فيها المستشفى
صالح: يلا مشينا بسرعه
————————-
