كرو: حاضر هقوم اكلمه
أنا: تمام وسبني شويه لوحدي (خرج كرو وأنا بعدها بداءت اتخاطر مع صلا) أنا: عايز منك خدمه
صلا: قول هي أي
أنا: عايزك تخلي العارف يوصل ل باكر أنه يجهز الشباب ال بتدرب في الدار علشان يامنو الفرح بعد 3 ايام وان باكر يكون معاهم بنفسه
صلا: موافق بس ليه
أنا: احساس جوايا
صلا: هتمشي ورا احساسك
أنا: طبعا لانه نابع من جوايا
صلا: وأنا هنفذلك ال انت عايزه
( بره كان كرو بيكلم بروفيتش)
كرو: لازم يحصل تامين للشركه وكل ال تبعها ف روسيا
برو: اكيد وهي موجود عليها حراصه
كرو: ولازم تكون موجود بنفسك هناك
برو: أنا ليه
كرو: ده ال وصلني وبس وتبداء من النهارده كمان
برو: متقلقش بس اوامر مين
كرو: بعدين هتعرف
برو: اعتبره حصل................................
نروح لأرض المنشقين
في قصر الملك هودا يكون قاعد منتظر قنجاري
قنجاري: اسف علي التاخير يا مولاى
هودا: لازم الفرق تجهز الفتره دي
قنجاري: الفرق جاهزه بس ليه
هودا: من بعد ما الملكه وصلتلي رساله الرحله وأنا حاسيس بحاجه هتحصل وخصوصا أن الأمير لافون ابن سائيل لسه مجاش وده سبب يخليني اقلق اكتر وعايزك تاخد دارث و دريوث معاك وتشد عليهم فاهم
قنجارى: تحت امرك يا مولاي
هودا: اختفي دلوقتي لان لاوى جاي (وهنا يختفي قنجارى)
لاوى: حضرتك طلبت رفع الاستعداد للجيش ليه
هودا: علشان شكل في حاجه كبيره هتحصل و قريب
لاوى: زي اي
هودا: تفتكر ادهم هيفوت تجمع للعائلات زي ما هيحصل في فرح ولاد الطحاوى ويسيبه من غير ما يستغله
لاوى: لا مش هيفوته
هودا: وده ميخلناش نقلق
لاوى: بس حاليا علي مات والعهد رجع لياسين الطحاوي
هودا: بس متنساش الامراء والاهم من كل ده وجود إيار وباكر
لاوى: تفتكر هيحصل حاجه
هودا: محدش عارف اي ال هيحصل بس هيحصل...........
في الدار
باكر بيدرب شباب العائلات ومعاه ربيع وفجاءه سمع صوت
العارف: شد عليهم يا باكر
باكر: جناب الكاهن الاعظم
العارف: جايلك رساله من صلا
باكر: خير جنابك
العارف: الفرح لازم يتامن بالمتدربين وتكون على راسهم وكمان تبلغ ياسين بنفسك بالرساله دى وتقوله دي الاوامر
باكر: تحت امر جنابك حاضر
(وينتهي التخاطر ويبص باكر لربيع)
ربيع: في اي مالك حد تخاطر معاك
باكر: العارف بنفسه
ربيع بقلق: في اي ال حصل
باكر هنا حكى لربيع كل حاجه
ربيع: وهتعمل أي
باكر: هنفذ الاوامر وهنبلغ ابوك..............
في فيلا في مكان مجهول
نلاقي عين داخله الفيلا وبيتفتح الباب وبتدخل جوه واول ما بتدخل بتلاقي ساره نازله هى وداوود
عين: نورتو مصر
ساره: لازم ننورها مهي كانت بلدنا الأول
عين: بس اتطردتوا منها واتشتتوا
داوود: وادينا رجعنا تاني
عين: ادهم كان اكد عليا اني اظبطلكم الدنيا هنا اتفضلي ده ورق
الشركه بينا وكمان فيها بند الدمج مع شركاتكم انتي وداوود
ساره: تمام ومن نحيه توثيقها متقلقيش أنا هتصرف
عين: ازاي
( تشاور ساره ويدخل شاهين النمر ومعاه وفاء مرات رضوان)
ساره: أنا ليا ناسى بردو
عين بصدمه وهي بتبصلهم: إزاي
شاهين و وفاء: كلنا في خدمه المحفل والظلام
ساره: فهمتى
عين: فهمت اوى ودلوقتي هتعملي أي
داوود: بكره معانا معاد مع حسن الطحاوى
عين: وبعدين
ساره: هنعرفك ال هيحصل شرفتى يا عين....................
تانى يوم في الشركه عند حسن
حسن: وبعدين الناس زمانهم ع وصول و ريبتش لسه مجاش
يورى: متقلقش اكيد زمانه ع وصول
كرو: اكيد هو لسه مكلمني وجاي ... وهنا يدخل مجدي
مجدى: وصلو ياحسن
حسن: خليهم يدخلو
مجدي: حاضر
( وهنا يدخل داوود ومعاه ساره ال فضلت تفحص كل حاجه)
حسن: اهلا بيكم وسلم عليهم
داوود: اهلا بيك يا مستر حسن
ساره: اظن ندخل ف الموضوع ع طول
حسن: ياريت يكون احسن
ساره: احنا جايين نعرض عليكم الشركة والتمويل بدل من شركة le loup او نعمل شركة ثلاثيه وهيبقي التمويل مننا بنسبه 3 اضعاف ال بتدفعو الشركه
حسن: واي المقابل وليه
داوود: نرجع العلاقات بينا الشعبين تاني بمعني اصح ولاد العم
ساره: امال فين مسؤل شركه le loup
(أنا هنا بدخل) أنا: موجود يا ميس ساره
ساره: انت مين
أنا: ريبتش ايدجر المدير التنفيذي
ساره: بس أنا عايزه صاحبه الشركه علشان العرض
أنا: حضرتك تقدري تاجلي العرض لحد بعد بكره
ساره: ليه
أنا: لأن صاحب الشركه هيكون موجود بكره ف فرح الطحاويه
ساره: مبروك يا مستر حسن بس احنا كده معزومين
انا رديت بسرعه: طبعا انتم ومستر ادهم ولا اي يا ابو علي
( اول ما قولت كده كله اتخض واستغرب)
حسن: طبعا
ساره: باين عليك مدير شاطر مستر ريبتش
أنا: شكرا يا مدام ساره
ساره: يبقي نتقابل ف الفرح اوريفوار ومشت هي وداوود
بعدها لقيت كله بيبصلي (أنا دلوقتي ريبتش)
حسن: شكلك مكنتش من القطيع وبس لا ده انت كاتم سر كمان
أنا: لسه هنشوف بس أنا مقولتش غير ال علي عرفهولي
يوري: وصاحب الشركه هيحضر فعلا
أنا: اكيد هيحضر وبعدين سيبك انت مش عريس انت والاستاذ
شهاب: ايوا ده أنا نسيت
أنا: طب يلا علشان تجهزو بكره فرحكم..........
نروح لمدينه باكينجهام
وطبعا في قصر الاجداد الانجليزي نلاقي ادهم وال 7و تميم
ادهم: طبعا انتم مستعدين لاي ضربه اقتصاديه نوجها ف أي وقت لعائلات النور
1: طبعا وخصوصا ان ساره بلغت ان صاحب الشركه الغامض هيكون موجود في فرح الطحاويه وانت مدعو معاها اكيد عرفت بالدعوه دي
ادهم: طبعا وهروح ودي فرصتنا وشاور لتميم
ادهم: دلوقتي تميم راح يبلغ الاوامر الجديده وانتو كمان استعدو علشان نكثف جهودنا كلها (وبص لكل الموجودين كانه بيبعتلهم رساله وقال بصوت قوى) خليكم فاكرين اننا خدام الظلام والمحفل العظيم................
نيجي ليوم الفرح
وهنشوف هنا 4 مشاهد مختلفه لحد ما نوصل لمشهد الفرح
المشهد الأول
في روسيا نلاقي هناك كريمان و ريهام ومعاهم فرقتهم
ريهام: طبعا انتي كان نفسك تكوني ف مصر
كريمان: طبعا بس طلاما هندمر شركه بتسند العائلات وان ده هيضر عيله الطحاوي فا أنا مبسوطه وهدمرهم كلهم
ريهام: وأنا معاكي والنهارده هندق اول مسمار ف نعشهم
كريمان: ولسه ال هيحصل هناك واتحركو ع الشركه....
المشهد الثاني (هيبقي مقسوم اتنين)
الجزء الاول
في بيت عين
حسيب: جاهزه يا عين
عين: طبعا وفرقتي جاهزه
حسيب: زي ما اتفقنا لو حصل حاجه تختفي وتكملي مع ساره وداوود هما هيبقو موجودين
عين: تمام بس المهم نخلص منهم كلهم وكريمان تنفذ مهمتها
حسيب: هيحصل يلا بينا واتحركو ع مكان الفرح ........
