صدق ال قال يا دنيا فيكى العجب
الدنيا عجيبه جدا بتغير كل حاجه حوالينا حتي الناس بتغيرهم من حال لحال ومفيش حد بيفضل علي حاله إلا الأصيل ابن الاصول عامل زي الدهب مهما يميل عليه الزمن هيفضل زي ما هو اصيل ابن اصول
في روسيا
وخصوصا في مقر شركه le loup نلاقي كريمان وريهام ومعاهم المجموعه بتاعتهم داخلين المبني الملحق للمقر ودخلو من غير اي مقاومه ومكنش موجود أي حد قدامهم
ريهام: مكنتش اعرف ان الدخول هيكون سهل كده
كريمان: وده ميطمنش ابدا (وهنا يظهر بروفيتش ومعاه فرقته)
برو: فعلا متطمنيش لأن الدخول سهل بس الخروج مستحيل
كريمان: اخيرا اتقابلنا يا برو
برو: وهتبقي اخر مقابله
كريمان لريهام: محدش يتدخل (ومره واحده اتكونت حواليها هاله سودا وظهر حواليها درع علي شكل فراشه بس كله اسود في اسود وخارج منه زي نور اسود)
برو لقائد الفرقه: محدش يتدخل (ومره واحده ظهر حواليه درع علي شكل دب ابيض وكان خارج منه نور وحواليه هاله نور )
كريمان: عايز تموت ازاي
برو الموته ال تحبيها لنفسك
( وهنا تهجم عليه كريمان بشعاع ظلام يتفداه برو ويوجهلها شعاع نور تتفداه وتقرب منه بسرعه وتوجهلو ضربه ف وشه )
كريمان: ما تنشف كده
برو مبتسم: من عنيا ( وهجم عليها وضربها ف وشها وبعدين مسك رجليها وفضل يرزعها في الارض)
كريمان بوجع: استحمل بقا و وريني نفسك ( وبداءت تستدعي اطياف وتخليهم يهجمو عليه غير ال خليتهم يحركو ناس من فرقتها وبداءؤا يهجمو ع كرو ال مره واحده ظهر ف ايده زي عصايه حديد لونها ابيض وبداء يدمر فيهم وخلاص هيضرب كريمان يلاقي زي كورباك خبطه ف صدره)
ريهام وحواليها درع تعبان: مظنش بالسهوله دي (وهجمت عليه وصابته في صدره ودراعه)
برو: يبقي انتو اختارتو ( وداء يلف العصايه ال ف ايده وبداء يتكون شعاع نور كبير و راح موجهو نيحتهم وقدر يصيبهم)
كريمان بتنهج: هاتي ايدك يا ريهام (واول ما مسكت اديها اختفوا وسابو باقي فريقهم)
برو بينهج وبيوجه كلامه لقائد الفرقه: ال يستسلم فيهم مشوه وال يقاوم يتدفن مكانه ونضفوا المكان بعدها .........
بره قصر الطحاوى
حسيب وعين مع المجموعه بتاعتهم مستنين اشاره ادهم
حسيب: ادهم اتاخر وبحاول اتخاطر معاه مش بيستجيب
عين: يبقي لازم نتحرك لان كده في حاجه غلط
حسيب: فعلا بس هتحرك لواحدى أنا والمجموعه وانتي تمشي
عين: ليه لازم ابقي معاك
حسيب: اسمعي كلامي يلا اتحركي
(وفعلا مشت عين وقرر حسيب انه يهجم علي القصر وفعلا بداء يتحرك واول ما قرب ظهر باكر ورجاله الدار)
باكر: جاي ليه يا حسيب
حسيب: مش عايزك انت يا باكر أنا جاي لكبير العهد
باكر: وعايز أي من كبير العهد
حسيب: عايز ياسين الطحاوي يخرج ادهم
باكر: لا يا حسيب انت جاي وناوي ع الشر ولولا ان ادهم كان زمانك هاجم ع القصر بالي فيه بس مش هسمحلك
حسيب: أنا طالب الأمان اني اطمن ع ادهم
باكر: انت لوحدك بس وهكون ملازمك موافق
حسيب بخضوع: موافق يا باكر
باكر: يبقي ليك الامان تعالي.....................
جوه القصر
المشهد كان رهيب الكل واقف مصدوم من ظهور علي غير ادهم ال كأن حد صحاه علي كابوس موته لدرجه انه كان مرعوب
ادهم بخوف وصدمه: إزاي وانت اتحرقت وموت قدامى
أنا: ومين قالك انه أنا
ادهم: ازاي انا وناتا حاصرناك و (قبل ما يكمل كنت خانقه)
أنا بكل الغل ال جوايا: اسمع يا شيطان انت أنا قادر دلوقتي اني اموتك بس مش هعمل كده عارف ليه لأني مش خسيس زيك كنت جاي هنا تشمت ف اهلي بعد موتي وناوي ع الغدر بس لا من النهارده أنا موجود وهقفلكم في كل حاجه وبلغ سائيل بنفسك ان الذئب رجع تاني وهيحكم الوادى
ادهم بخنقه: وأنا اضمن منين انك هتسبني امشي
(هنا يوصل باكر ومعاه حسيب ال اتصدموا)
حسيب لباكر: مش ده علي انت بتخدعني يا باكر
باكر بهدوء(عكس ال جواه): اولا أنا لسه زيك ثانيا محدش فينا هيقدر يتدخل تحب تشوف جرب وأنا مش هعمل حاجه
(وهنا حسيب أتأكد أن فعلا باكر ميعرفش حاجه وأن وفضل واقف يتفرج جنب باكر وهو من جواه خايف)
أنا: علشان أنا عايز اسيبك تمشي يا ادهم بس قبل ما تمشي في حاجه الأول
ادهم بخوف: اي هي
أنا: دي وروحت مسقف ع دماغه بالنبوتين واغمي عليه
( بعدها بصيت نحيه حسيب وشاورتله)
أنا: تاخده وتاخد نفسك وال معاك بره وتختفي من هنا وال هيفكر يقرب من هنا تاني هتكون نهايته ع ايدي فاهم
حسيب بخوف: فاهم (وخد ادهم واختفي وبعدها ظهر عند فرقته وعرفهم انهم يرجعو المقر بتاعهم واختفي بادهم)
أنا: اي سكتو ليه كملو فرحه العرسان ومتقلقوش هكون موجود معاكم بس الليله تخلص سلام واختفيت بعدها المنظر كان كده
الكل واقف مصدوم امي بتعيط سلمي وايار منهارين ابويا مصدوم جدي متفاجئ حسن ومراته مش مصدقين حتي العرسان كانهم تماثيل............................
في بيت عين السراج
كانت قاعده مستنيه تسمع اخبار الهجوم وهي متاكده من النصر
(فجاءه ظهر حسيب وهو شايل ادهم وراح منزله ع الكنبه)
عين بخضه: في اي ماله ادهم واي ال حصل
حسيب بتعب باين عليه: هششش احنا اتكتبلنا عمر جديد
عين: فهمني ف أي واي ال حصل لادهم
حسيب: كل ال اقدر اقولههولك ان الذئب رجع
عين: ذئب مين
حسيب: علي الطحاوي الذئب ملك الوادي
عين بصدمه: ازاي مش أدهم وناتا موتوه
حسيب: لا ( وبداء يحكيلها ال حصل)
عين: لازم ادهم يفوق دلوقتي وسع كده (وقربت من جسم ادهم وظهر من اديها ضوء اسود وقربت من قلب ادهم ال اتنفض)
ادهم: أنا فين واي ال حصل
حسيب: احنا عند عين انت اغمي عليك وخلاني اخدك ونمشي
ادهم: لازم تتحرك دلوقتي لكريمان وتعرف اي ال حصل عندها
حسيب: حاضر يا سيدى واختفي
عين: وهنعمل اي دلوقتي
ادهم: قولي هيتعمل فينا اي الأول............
في تركيا
نلاقي كريمان وريهام ظهرو ف البيت وهما متخرشمين حرفيا
ريهام لكريمان: إزاي ده حصل
كريمان: مس عارفه أنا اه اعرف برو كويس وعارفه اد اي هو قوي بس مكنتش اتوقع انه كده بس سيبك دلوقتي زمان ادهم وحسيب وعين خلصو ونفزو
ريهام بتضحك وهي بتنهج: عندك حق بس احنا اتنفخنا
كريمان: دلوقتي لازم نعمل استشفي علشان نكون مستعدين وقت ما يجيلنا الاخبار واقدر انتقم من ياسين
( وهنا بداءت تقول كلام غريب وطلع من اديها ضوء اسود وبعدها كل الجروح ال عندها هي وريهام اختفت)
وهنا ظهر حسيب ال حسه بفرحه لما شافهم كويسين
حسيب: عملتو أي
كريمان و وشها ف الأرض: للأسف كنا هنموت
حسيب بغضب: إزاي اي ال حصل
كريمان وريهام حكولو كل حاجه حصلت وكان مستغرب
حسيب: كده في حاجه غلط كانهم كانوا عارفين
كريمان: إزاي هو اي ال حصل معاكم
حسيب: علي طلع عايش مامتش
كريمان وريهام بصدمه: ازاي واي ال حصل
حسيب حكالهم كل ال حصل وال أنا عملته ف ادهم
كريمان: واي ال حصل ل ساره و داوود
حسيب: ادهم كان خلاهم يمشو قبلها وده كويس
ريهام: و هنعمل اي دلوقتي
حسيب: محدش عارف لسه بس خليكم مستعدين لحد ما نشوف مولانا سائيل هيقول اي واي ال هيحصل واختفي
كريمان: رجعت تاني يا ابن هيام هتعمل اي فينا تاني بس خلاص أنا مش هتهاون معاك تاني وظهر منها هاله سوده شديده........
نرجع لقصر الطحاوي
المشهد كان كده الكل كان متجمع ماعدا العرسان طبعا ال جدي رفض انهم يقعدو معاهم وخلاهم يروحو بيوتهم والكل قاعد ساكت ومش مصدقين ال حصل لحد ما قطع سكوتهم يحيي
يحيي: جدو ياسين هو مين الراجل ال ظهر لابس اسود ده اصله شبه بابا **** يرحمه
ياسين: ده ابوك يا يحيي انت واخواتك
يحيي بطفوله: يعني هو مات وصحي تاني هو ساحر
ياسين بابتسامه: لا يا حبيبي هو هيجي ويفهمنا ويلا خد اخواتك واطلعو العبو بره
يحيي: حاضر يا جدو وخد الاطفال وخرج بره
ياسين لباكر: ممكن تفهمني اي ال حصل وعلي كان فين
باكر: صدقني يا ياسين أنا اتفاجاءت زي زيك
سيدرا: ازاي يا جدو وانت حلقه الوصل مع الملوك
باكر: صدقيني يا بنتي أنا معرفش حاجه
حمزه بغضب: امال مين ال يعرف يعني وابني راح فين
إيار بهدوء عكس ال جواها : صدقه هو ميعرفش حاجه ولا حتي الملوك يعرفو اي حاجه نهائي
هيام: طب وهنعمل اي دلوقتي يا بنتي قولي يا عمي طيب
ايار: مهما تعملو مش هيحصل حاجه لازم نستناه زي مقال
ياسين: فعلا هو ده ال هيحصل وانت يا باكر بلغ الملوك
باكر: حاضر واختفي..............
في بيت شهاب وسمر
شهاب كان مبسوط جدا اول حاجه حلمه اتحقق واتجوز سمر
وتاني حاجه اخوه رجع وحس انه بقي اقوي بوجوده
وكان قاعد بيفكر لحد ما ظهرت سمر بقميص نوم ابيض
شهاب: اخيرا بقيتي بين ايديا
سمر بكسوف: ما انت ناسيني وبتفكر ف علي
شهاب: يعني انتي مفكرتيش فيه
سمر: طبعا فكرت ده اخويا زي ما هو اخوك بالظبط
شهاب: طب بقولك أي
سمر: اي يا حبيبي
شهاب قرب منها وباسها بكل الحب ال جواه وشالها مره واحده
شهاب: أنا بقول نكمل كلام جوه وغمزلها...................
... في بيت يوري وميار
حصلهم نفس ال حصل لشهاب واكتر وخصوصاً يوري
يوري: متعرفيش يا ميار أنا عامل ازاي دلوقتي
ميار: وأنا بردو مهما اوصفلك مش هعرف
يوري: يعني دلوقتي حب حياتي معايا وكمان اخويا يرجع
ميار بكسوف: بتحبني يا يوري
يوري بحب: أنا بعشقك يا ميار وبعشق كل تفاصيلك بعيد عن انك اخت علي بس خطفتي قلبي من اول نظره من عينك
ميار: بحبك اوي
يوري: أنا اكتر بكتير
وهوب راح مقرب منها ودخلو (ملناش دعوه احنا بيهم 😂)
في فيلا ساره وداوود
نلاقي شاهين داخل الفيلا بسرعه وطلب يقابلهم ضروري
ساره: خير يا شاهين ادهم خلص عليهم
شاهين: تقصدي أن الذئب خلص عليه
ساره بصدمه: انت بتقول أي
شاهين: على الطحاوي رجع تاني
داوود: إزاي هو مش مات
شاهين: ده ال كنا كلنا فاكرينه بقالنا 4 سنين
ساره بهدوء غامض: اي ال حصل يا شاهين بالظبط
شاهين بداء يحكيلها كل حاجه حصلت
شاهين: لحد ما شاور لحسيب وخد ادهم واختفي
ساره: تقدر تمشي دلوقتي وبكره باليل تكون عندي انت ووفاء
شاهين: تحت امرك ومشي ( وبعدها داوود بص لساره)
داوود: ناويه ع اي دلوقتي
ساره: اول حاجه لازم نعرض الموضوع لكبير المحفل
داوود: وبعدين
ساره: لازم اقابل علي بنفسي وبعدين هنعرف........
في مجلس الملوك
يظهر باكر ويكون الملوك كلهم متجمعين ومعاهم ساندرا
كوش: خير يا باكر في حاجه حصلت
باكر: عندي خبر مهم ليكم مش عارف هتصدقو ولا لا
شقير: اي ال حصل يا باكر
باكر: ملك الوادي رجع من تاني
هنا الكل اتصدم من الخبر وبان عليهم الصدمه والقلق
كوش: ازاي رجع
شقير: شكلك كبرت يا باكر علي مات
لسه باكر هيرد لقو العارف ظهر قدامهم وكان مبتسم
العارف: لا باكر مكبرش وعلي مامتش ودلوقتي موجود
كوش: جناب الكاهن حضرتك كنت عارف
العارف: للأسف لا
شقير: طب إزاي جنابك متأكد
العارف: من بعد رسايل صلا وظهوره خلاني اشك وبعد ال حصل النهارده اتاكدت
كوش: وهو اي ال حصل
هنا باكر حكلهم كل ال حصل وكل ال علي عمله
كوش: طب ليه احنا مقدرناش نحس بأي حاجه
العارف: لأن صلا امر بكده وخلاكم متحسوش
شقير: والعمل اي دلوقتي واي ال هيحصل
عشتار: نستدعيه هنا ده اسلم حل
العارف: مش هنعمل حاجه لحد ما يجي بنفسه..............
في العالم الآخر
قاعد سائيل ومعاه مراته و ولاده فجاءه دخل عليه ناتا
ناتا: مولاي حسيب بره وبيطلب يقابل جلالتك
سائيل مبتسم: اكيد جايب الاخبار من ادهم خليه يدخل
يدخل حسيب و وشه ف الأرض وباين عليه الخوف
سائيل: ها اي ال حصل
حسيب بخوف: للأسف يا مولاي مقدرناش نعمل حاجه خالص
سائيل بغضب: إزاي اي ال حصل
حسيب: مش عارف يا مولاي الهجوم في روسيا بروفيتش اتصدا ليه وف القصر مقدرناش نهجم اصلا
هنا سائيل بغضب شاور بايده وحسيب اترفع واتهبد في الارض
سائيل: انطق بكل حاجه حصلت وإلا هيكون موتك ع ايدى
حسيب بخوف شديد: علي الطحاوي لسه عايش
طبعا هنا كله اتصدم ومكنش مصدق نهائي لكن فجاءه
سائيل بصوت يهز الكون: ادهااااااااااااااااااااااااااااام
وهنا يظهر قدامه ادهم وهو ميت من الخوف
ادهم: اؤمر جلالتك
سائيل: استني انت امشي يا حسيب وابعتلي ناتا
وخرج حسيب ودخل بعده ناتا ال كان سمع كل حاجه
ناتا بخوف: اؤمرني يا مولاي ( وهنا شاور سائيل بايده وظهر ضوء اسود حوالين رقبه ناتا وادهم وكان بيخنقهم)
سائيل: ازاي علي عايش وانتو موتوه بايدكم فهموني
ادهم بخنقه: معرفش يا مولاي حتي اسألي الامير شيرون
(وحكاله كل ال حصل في الحفله)
شيرون بسرعه: يا بابا أنا شايف جثته بعيني وهما نفزو فعلا
سائيل بغضب: غور من وشي يا ادهم ولازم تصلح غلطتك ولولا انها اول غلطه ليك كان زمانك ميت انت الكلب ناتا وركز يا ادهم أنا مبديش غير فرصه واحده وبس غورو من قدامي وفعلا الاتنين اختفو في ثواني وسائيل فضل ساكت بيفكر
ميدوسا: هتعمل اي دلوقتي
سائيل بص لابنه: تروح دلوقتي تجيب اخوك لافون
شيرون: امرك يا بابا وبعدين اختفي وبعدها اتكلمت ميدوسا
ميدوسا: ليه هترجع لافون دلوقتي
سائيل: علشان ال جاي مش هيبقي سهل ابدا ولازم اجدد العهد
نيسان: ازاي يا بابا ومع مين
سائيل: مع كل اتباعنا وخدمنا وخصوصا عبده المحفل.......
نرجع عندي أنا
كنت قاعد ورا الدار عن القبر بتاعي وشريط حياتي بيمر قدامي
انا وأنا ببص للقبر: المفروض اكون هنا تحت التراب بس الظاهر ان لسه اواني مجاش مش عارف أنا موجود لحد دلوقتي ليه ولا مهمتي أي بس ال متأكد منه اني موجود لحد دلوقتي لسبب ميعرفوش غيره هو وبس واوقات كتير بتمني الموت
(فجاءه احس ان في حد واسمع صوت)
صلا: وتفتكر لما تموت هترتاح
أنا: وهي فين الراحه
صلا: الراحه ف الخير ال اتكتب عليك تدافع عنه
أنا: طب وأنا فين من كل ده أنا نفسي ارتاح
صلا: قريب هترتاح وانا ناصر الخير ع الشر
أنا: هنشوف بعدين
صلا: عموما متقلقش أنا عملت ال طلبته وكله تمام
