گعدت صليت الفجر
وبقيت كااعده ..قريت قرآن
وفتحت شباك الغرفه وطلعت راسي ابوع للطارمة والحديقة "استمتع بنقاوه الفجر"
~مرت اسابيع واني گاعده يم خالتي الصارت گل دنيتي ..مامقصره وياي بشي
يقين من تزوچت مؤيد بعد ماتچي مره بين سبوعين ومرات تخابرنه تگول مااچي أريد اطلع ويه مؤيد
"مؤيد حباب ويحبهه ..بس رغم هاذه مخلصينهه عرگات"
..اما لوسفار گام مايچي للبيت ابد ..ومرات نادره يخابرني گلما يخابرني يگول مشغول
صرت اشتاقله وافگر بيه هوايه ..لدرچه گمت ماانام إذا ماارسله رساله
وصلت مرحله وياه إذا گعدت ولگيته مامچاوبني
اگوم ابچي "صار بداخلي شعور غريب اتچاهه"
بس هوه رغم هاذه مامقصر وياي بگلشي~
باوعت لنونو التشلبتت عله الحايط ..بس شفتهه سحبتهه بفرح ..هاا گااعده من وگت لو رچلچ طاردچ؟
..ميوووو
بتسمت واخذتهه ورحت للمطبخ ..شغلت فيروز وگمت اسوي ريوك بفرح
شويه ودخلت خالتي ..خاايبه مشغله فيروز المن للبزوون؟
.. أي نونو تحب فيروزز
خايبه ياخذچ الله انتِ ونونو ..خبصتينه بيهه يخايبه هيه حيوااان
ياا خاله لاتچرحين مشاعرهه ..لتگولين حيوان
هزت ايدهه بإستهزاء ..ياهمداك يبنيدر الاخبن چاا شنييي ولچ انسااان؟؟
بقيت ساگته ..خاايبه صبيلي ريوگ رااح اطلع روحچ انتِ وهااي الشااذي
باوعتلهه بزعل ..خا..
وخلخاااله
ضحگت بخنگه ..وحطيت گدامهه الريوگ وگمنه ناگل ..يمه بتيته
باوعتلهه بهدوء ..هاا خاله؟
شربت من الچاي رشفه وحچت ببرود ..يخايبه شنو رأيچ بحويدر؟
باوعتلهه بتساؤل ..يااحيدر؟
غمتني ..مننن الغسللل ابن چيرانه ..بيت ابوقيس
بلعت ريگ بصفارية "هاذه حيدر أبد مااحبه لإن گلما يشوفني يبقه يباوعلي بنضرات مدري شلونهن" ..ولد عادي شبيه يعني؟
باوعتلي بإبتسامه ..خطبتچ مني ام قيس اله
باوعتلهه بصدمه ..صدك خاله؟
أنت تقرأ
ياقوت الضيغم
Ficción Generalفي تَعاسَة الظِلمُ وَجُحِرِ الخَوف هُنالكَ من هو عَالِقٌ في كابُوسٍ ماضِ ٍ مُهلكٍ ومابين وجِودهُ في جَحِيم مظلمٌ ..وتَشوقهُ لنورٍ الأملَ ..أمَل البَرائة آتية لنِجَيانهُ من هذا الجَوفِ الأظلمُ وتَفاديهِ سِقوطهُ في تلك الحفرةِ ..التي لمْ يرى فيها سَوى...
