اسـتثنـائيــة

البارت الاول

السلام عليكم ورحمه الله وبركاته ي غالين🥰❤️

واجعلني يا الله '' فتَاه  تقيه نقيَّه  '' ، إذَا رآني النَّبيّ ﷺ تبسَّم و نظَر إلى حبيبةِ قلبهِ وقَال : هُذه  حفيدتك يا عائِشَة 🥺 🤍

يالا نقول: "بــسم اللـــّــه" ونبدا

صحيح متنسوش الفوت👀💗

____________________________________________________________

"الخذلان هو اسوء شئ يمر به الانسان يشعر بقلبه قد تحطم الي قطع صغيره تكاد تري..!

7:00 am..!
اول مره احس بكسره النفس دي دايما كنت بقول عليها اختي مش صحبتي..كنت معاها في كل حاجه بتعملها...بعملها كل حاجه عوزاها مش بحب ازعلها...وهي ولا همها،داست علي قلبي وكسرته لحتت صغيره جدا ....بس بردو انا كنت مسرفه.....كنت مسرفه في حبي ليها واهتمامي....كنت مسرفه في خوفي عليها وعلي زعلها...كنت مسرفه في سندي ليها...كان لازم اعمل حساب لليوم اللي هتبعد عني فيه عشان مبقاش كدا...مبقاش بالضعف دا...دي مش أنا....!
انا دايما كنت لوحدي ايه اللي خلاني اقف عند دي بالذات واقول عايزها صحبتي...اكيد أنا اللي غلطانه...لاني كنت مسرفه..!!!

-سماااا يابنتي انتي فين
اغلقت هاتفها مسرعه ووضعته اسفل وسادتها وقالت:
=نعم يا شهد مالك بتزعقي لي؟!

قالت "شهد":
-انتي فين كل دا وأنا عماله ادور عليكي؟!

=واديكي لقيتيني في اي؟!

هكذا ردت "سما"مما جعل "شهد" تطالعها في شك وهي تقول:
-في أي ؟! في ان انا مش عايزه اتطرد من المحاضره النهارده ودا اول يوم لينا...
ضيقت عيناها  وأكملت قائله:
انتي كنتي بتعملي ايه؟!

تلعثمت "سما"وقالت:
مب....مبعملش حاجه.

ضيقت "شهد"عيناها اكثر و نظرت لـ "سما"بشده وقالت:
متاكده؟!!

قالت "سما"بثقه مصتنعه فشلت في اظهارها:
هو في ايه اكيد متأكدة 

تنهدت "شهد"وهي تقول :
انا مش هجبرك تقوليلي حاجه انتي مش حابه تقوليها بس انا عوزاكي تحكيلي....تفضفضي....أو تنسيها وتعريفي ان مش كل الناس زيها أو بمعني ادق انا مش زيها انا من زمان موجوده ومعملتش زي ما هي عملت.

علمت "سما"انها حزنت فقالت:
انا عارفه ومتاكده ان مش كل الناس زيها وفي كتير زيك واحسن منها بس انا خلاص اتعودت بقيت بكتب كل حاجه هنا وصدقيني لو حسيت نفسي عاوزه احكي مش هلاقي احسن منك احكيله انتي اختي يا بت مش صحبتي افهمي.