Puzzle Of My Heart: Spy Series 3

CHAPTER 1

"Si Fourth daw ang nakatukang trainor natin today?"

Tumambling ang puso ko bigla pagkabanggit ni Laica sa pangalan ni crush. Bigla tuloy akong napatakbo sa harapan ng rectangular built-in mirror sa loob ng kwarto namin. Hindi ako magkandaugaga sa pag-aayos ng buhok ko. Dinukot ko ang pink lips candy sa bulsa ko saka kinain, paulit-ulit na pinaraanan ng dila ang labi ko hanggang sa kumulay rosas iyon.

"'Wag ka ng mag-effort magpaganda bakla, ayaw nila sa ating mga bilasa na."

"Tsee! Virgin pa ko no."

"Ang tanong alam ba ni Fourth?"

"Pa'no naman malalaman ng ungas na 'yon e ni hindi nga ako matapunan ng tingin 'yong kipay ko pa kaya?"

"In short, ligwak ganurrn!"

Nagtawanan ang mga kasamahan ko saka isa-isang lumabas ng kwarto matapos tumunog ng serena tanda na magsisimula na ang training namin sa tabi ng dagat as spy agent with that six Bud Brothers Bosses.

Naiwan si Laica na nakataas ang kilay at nakapamewang pang tinitigan ako sa salamin.

"Baka ingudngud ni Sir 'yang nguso mo. Bawal 'yan--"

"Hindi tayo mga militar," mabilis na agap ko sa kanya. "Wala tayo sa military training camp para pagbawalan niya. Tsaka isa pa, alam naman nila kung saan tayo galing diba? Sa Club as in C. L. U. B. CLUB," in-spelling ko pa.

"Kahit na."

"Tss," inirapan ko siya. "Candy lang 'to, hindi lipstick. Lumabas ka na nga doon. Magpapa-late ako. Tingnan natin kung 'di niya pa ako mapansin."

She chuckled. "Kahit maghubad ka pa sa harapan niya hindi ka no'n papansinin. Pareho lang sila ni Boss Ryan, kinorona ang bloke ng yelo sa lamig."

I sighed. "Ok lang. . pero maganda na ba ako?"

Nakatawang pinaraanan niya ako ng tingin mula ulo hanggang paa at pabalik pa. I'm wearing our uniform. Black sando with respective number each of us behind and black fitted leather pants. Actually may kanya-kanya kaming uniform sa bawat trainor namin at tanging si Moris lang ang nagpapasuot ng short shorts. I wonder why but who cares anyway? Bet ko ang isang 'yon. Nakikisalamuha saamin na parang katropa lang kami, mamatay ka pa kakatawa sa mga banat no'n.

"Gorgeous and sexy as always." nakangiting pinisil niya ang pisngi ko sabay talikod. Sumunod ako sa kanya palabas. "Hindi mo kailangan maghabol sa lalaki lalo na kay Sir Ralph Allen Fourth Manrique. Sooner or later parang asong naglalaway 'yon gagapang papunta sayo, trust me."

"Weee, 'di nga?"

"Hindi talaga--"

"T'ngnaMoKa!" sabay kaming napahagalpak ng tawa.

MIRACLE. . . 'yun ang dumating na grasya sa amin matapos ipasara ng anim na magbabarkadang saksakan ng gwapo na regular costumer ang Sports Club and Restaurant ni Madam Baby, shareholder at floor manager namin.

May malaking bilyaran sa labas ng resto at malawak na kainan pero sa loob ng pulang pintuan isang club na dinarayo ng iba't ibang lahing mayayamang negosyante. May mga binata, may asawa, meron din uugod-ugod na malapit ng matigok pero syempre limpak ang salapi kaya welcome iyon sa Madam namin na kung makabugaw akala mo't mga bilasa na kami at bagsak presyo na.

'Galingan niyo ang trabaho ng makarami, doon kayo bumawi.' paboritong linyahan ni Madam.

Kung terror si Miss Minchin mas nakakatakot si Madam. Mukha pa lang nito kikilabutan ka na. Patigasan na lang ng dibdib dahil kapag bumuka na ang bibig nito tila samurai sa sakit ang hihiwa sa puso mo sa talas ng dila nito.