مر اليومين على بهاج بالسرعه هائله ما حس فيهم
بهاج: يلا ي يمه تامرين على شي
صيته: سلامتك انتبه على نفسك
غزيل: توصل بالسلامه
طلع بهاج ومسك الخط وطول الوقت كان يهوجس
وصل الرياض الساعه ١:٠٠
بهاج: اتصل ب لمار واطلب لها معي ؟ بس من وين بجيب رقمها؟ بكلم عبدالله يرسلي رقمها بس لا فشله اطلب منه رقم اخته بس دقيقه انا مسجل رقمها لما دقت علي بالغلط كيف طارت عن بالي
اتصل بهاج على لمار
لمار: السلام عليكم
بهاج:وعليكم السلام لمار؟
لمار: ايه نعم مين معي؟
بهاج: معك بهاج
لمار: اوه بهاج معليش ماعرفت صوتك كيفك وصلت؟
بهاج :بخير ايه تعشيتي؟
لمار: الحمدلله على السلامة الصراحه لا وانت؟
بهاج:الله يسلمك ولا انا اجيبلك معي؟
لمار :تمام
جا بهاج ومعه العشا وفتحت له لمار الباب
لمار: الحمدلله المطعم ذا فنان كثر الله خيرك
بهاج:بالعافيه
لمار:الله يعافيك بس كيف جبت رقمي؟
بهاج : دقيتي علي بالغلط تذكرين لما جينا انا وعبدالله نسجل في البرنامج
لمار:ايه واضح انك مانسيتها ههههههههههههه
بهاج: ترا الصبح بنمشي اذا يناسبك
لمار: وشغلك؟
بهاج: خلصته قبل شوي
لمار:شدعوه ما يناسب يناسب زين اعطيت الجامعه سكليف اسبوع
بهاج: بس اسبوع؟؟
لمار:ايه ما يمديني اسحب اكثر من كذا يكفي ان الدكاتره متعاونين معي وبيسجلون لي المحاضرات
بهاج: تمام الحين ارقدي عشان تقومين بدري
لمار : تمام بس بعطيك فراشك وانت سويه
بهاج : تمام
جابت لمار الفراش ل بهاج وراحو ينامون
قامت لمار الساعه ٦:٠٠وغسلت وجها وراحت تسوي الفطور
بهاج قام ورتب شكله وطلع لقى لمار مسويه الفطور
(كان الفطور عباره عن كبده ، فاصوليا ، جبن ،مربى ، قشطه عليها سكر )
لمار: صباح الخير متى صحيت تعال افطر
بهاج: صباح النور تو صحيت تسلم ايدك بس وش دراك اني احب الكبده والفاصوليا؟
لمار : الصراحه اليوم اشتهيت كبده وقلت اسويها يمكن تعجبك
بهاج: كيف تقولنا بالانجليزي .ثانكيو؟
لمار بضحك: ويلكم
بعد الفطور
لمار: انا بروح اجهز نفسي واجي
بهاج : تمام
راحت لمار لغرفتها وقامت تشغل اغاني وهي تحط مكياج وتشيك على شنطتها
بهاج بنفسه : واضح انها مروقه حلو عشان اقولها
خلصت لمار وطلعت ل بهاج
لمار:l'm Reid
بهاج وهو مفهي: هاه؟
لمار: انا جاهزه ماخلصت ؟
بهاج: الا يلا مشينا
ركبو السياره ومسكو الخط
لمار قاعده تصور تيك
وبهاج قاعد يكلم صديقه بدر بدون ماتنتبه لمار عشان ما يضايقها
لمار: افف وش ذا عاشر مره اعيد المقطع ومع ذالك يطلع شكلي غبي
بدربضحك :شكل الاهل معصبين
بهاج: ايه هههههههه
بدر: انا استاذنك لا تاخذ مخالفه ولا شي
بهاج: مع السلامه ي حبيب قلبي
لمار: ليه ما علمتني انك تكلم ؟
بهاج:مابغيت ازعجك
لمار: شدعوه ماش ازعاج اسمع
بهاج: لبيه
لمار: وش تسمع
بهاج: اسمع؟
لمار: يعني مين المغني الي تحبه؟؟
بهاج: اسمع لكل
لمار: يعني مافيه مغني معين تحبه؟
بهاج:لا
لمار:طيب اسمع ينفع امسك الدي جي؟
بهاج: هاه؟ تكلمي معي عربي ي بنت الناس ما افهم انجليزي
لمار: عادي احط الاغاني؟
بهاج: اكيد تفضلي
عطا بهاج جواله ل لمار
لمار: وش احط؟؟ وش رايك ب عبدالمجيدعبدالله؟
بهاج: حطيه
حطت لمار مع السلامة - عبدالمجيدعبدالله
لمار تغني مع الاغنيه: ما بقى بحبنا باكر حدنا لين امسس
تسريع احداث
قربو من بيشه
بهاج: لمار
لمار:لبيه؟
بهاج:اسمعي اذا ما يضايقك ينفع نقدم الزواج لان صراحه ٤ سنين واجد وسامحلك تكملين دراستك والاطفال عادي اذا ماتبين بالبدايه وش قلتي؟
لمار: هو صراحه اربع سنين واجد وبقوه وانا ماعندي مشكله نقدمه تعال عند عبدالله وحددو الزواج
بهاج بفرحه: صدقق!!
لمار: اكيد وش فيك بسم لله عليك ؟
بهاج:لا بس مبسوط
لمار بضحك : جعله دوم بس اسمع
بهاج: امري
لمار: ما يامر عليك عدو اذا وصلنا ونزلنا اغراضنا امسك عبود وروحو تمشو سو اي شي اهم شي لا يجي البيت الا لما ادق عليك واخترع كذبه وقوله ياها وخله يجي معك تمام؟
بهاج: تمام بس ليه؟
لمار:بتعرف معه سبرايز
بهاج: مافهمت بس تمام
لمار: بس الحين مر محل الهداياعشان هديه عبدالله
بهاج :تمام
وصلو ونزلت لمار اغراضها وغمزت ل بهاج عشان ينفذ الخطه
بهاج: عبدالله تعال بسولف معك صارت سوالف لازم اعلمك ياها
عبدالله: اوف وش صار
اخذه بهاج ولهاه شوي لين دقت عليه لمار
بهاج: هلا.. وين نسيتيها؟..يلا انا جاي
عبدالله:وش السالفه؟
بهاج:لمار نست غرض بالسيارة امش خل نوديه لها
عبدالله: تمام
راحو واخذ بهاج اقرب شي شافه ودخلو الحوش الا القاصات بكل مكان ولوحه كبيره مكتوب عليها ( وحشتنا ي حلو)
عبدالله: الله هذا كله لي
لمار :اكيد اذا مو لك ل مين؟
عبدالله:شكرا لمو بس وشهوله الخساير
لمار:مافي خساير اصلا ذا شي بسيط
——————————————————————-
بارت لطيف خفيف
شكرا لدعمكم الحلو
وبس والله
Saadd__33_ :lnsta
